WASHINGTON:

Waziri wa mambo ya nje wa Marekani Hillary Clinton anapanga kukutana na rais wa serikali ya mpito ya Somalia Sheikh Sharif Ahmed.Waziri Clinton atakutana na rais huyo wakati wa ziara yake ya nchi saba barani Afrika itakayoanza wiki ijayo.

Wizara ya mambo ya nje ya Marekani imearifu kuwa waziri Clinton atakutana na kiongozi huyo wa Somalia mjini Nairobi wakati atakapohudhuria kikao cha mwaka cha masuala ya biashara baina ya Marekani na nchi za Afrika.