Waziri Mkuu wa Iraq Mohammed Shia al Sudani, amekutana na Rais wa Iran Masoud Pezeshkianmjini Baghdad ambako kwa pamoja wamesema serikali zao zinapinga hatua yoyote ya kutanua vita kati ya Israel na kundi la Hamas katika Ukanda wa Gaza. Waziri mkuu huyo wa Iraq, amesema kufuatia hali ilivyo katika kanda hiyo wamejadili mambo mengi kuhusu umuhimu wa kuwepo uthabiti, aliosema unakabiliwa na kitisho cha matumizi ya nguvu kinachofanywa na Israel Ukanda wa Gaza. Rais Pezeshkian wa Iran pia amefahamisha kwamba, amesaini mikataba 14 na Iraq ya kutanuwa ushirikiano.