Ziara hizo za kilele  zinakuja katika wakati ambapo mahasimu hao wa muda mrefu wako katika mapambano ya kuoneshana nguvu kidiplomasia. Waziri mkuu Kishida wa Japan atakutana na rais Volodymyr Zelensky mjini Kiev.

Kwa mujibu wa wizara ya mambo ya nje ya Japan,  kiongozi huyo  ataonesha mshikamano na uungaji mkono kwa Ukraine,  na kuupongeza ushujaa na subira ya waukraine waliosimama kidete kuitetea nchi yao chini ya uongozi wa rais  Zelensky.

Katika mazungumzo yake anatarajiwa pia kuipinga Urusi na uvamizi wake nchini Ukraine.