Sunak alifikia makubaliano na Umoja wa Ulaya jana ili kuondoa vikwazo vya kibiashara kati ya Ireland Kaskazini na Uingereza na kuwapa wabunge nguvu zaidi kuhusu kanuni na sheria wanazozifuata kutoka Umoja wa Ulaya.

Muafaka huo unalenga kutatua mivutano iliyosababishwa na itifaki ya Ireland Kaskazini, makubaliano magumu ambayo yaliweka sheria za kibiashara kwa mkoa huo ambao ni himaya ya Uingereza na ambazo London iliridhia kabla ya kujuiondoa katika Umoja wa Ulaya lakini sasa inasema haziwezi kutekelezeka. Viongozi wa Umoja wa Ulaya na wa Uingereza wamesifu makubaliano hayo waliyoyasaini jana, kuhusu utaratibu wa biashara kati ya Ireland na Ireland Kaskazini, baada ya mwaka mzima wa malumbano na kuhasimiana kisiasa.