Wakati wa mkutano huo, Putin amesema kuwa uhusiano kati ya nchi hizo unaendelea vizuri hata katika nyakati za misukosuko. Putin ameongeza kuwa atamuarifu mjumbe huyo wa India kuhusu vita nchini Ukraine ambavyo waziri mkuu wake Narendra Modi amekuwa na msimamo usioegemea upande wowote kuvihusu.

Soma pia:Modi afanya mazungumzo ya simu na Putin

Taarifa kutoka ikulu ya Kremlin, imemnukuu Jaishankar akisema kuwa ni muhimu kwa mataifa hayo mawili kufanya ushirikiano endelevu wa kibiashara na kwamba mataifa hayo yanahitaji kufikiria jinsi ya kufanikisha hilo.

Soma pia: Modi amwambia Putin huu si wakati wa vita

Jaishankar pia alikutana na mwenzake wa Urusi Sergey Lavrov, ambaye amesema walijadiliana kuhusu uwezekano wa ushirikiano wa kijeshi na kiufundi,  na utengenezaji wa pamoja wa aina ya silaha za kisasa.