Waziri wa ndani wa Libya anusurika jaribio la mauaji
22 Februari 2021![Libyen | Von der UNO anerkannter Innenminister der Regierung des Nationalen Abkommens (GNA) | Fathi Bashagha](https://static.dw.com/image/53529074_800.webp)
Matangazo
Mashambulizi hayo dhidi ya Fathi Bashagha yalimjeruhi mmoja wa walinzi wake, kwa mujibu wa msemaji wa wizara ya afya, Ami Al-Hashmi.
Wizara yake ya mambo ya ndani inasema Bashagha alikuwa akirejea nyumbani kwake kwenye kitongoji cha Janzour wakati watu wenye silaha walipowavamia.
Mapema hapo jana, Bashagha alikutana na mkuu wa shirika la mafuta la Libya, Mustafa Sanalla, kuzungumzia usalama kwenye visima na mitambo ya kusafishia mafuta na jinsi ya kulifanya shirika hilo kuwa huru na kuweza kugawanya utajiri wa mafuta kwa Walibya wote.
Jaribio hilo la mauaji ni pigo kwa serikali mpya iliyoundwa kuiunganisha nchi kuelekea uchaguzi mkuu baadaye mwaka huu.