Waziri wa Ujerumani ametowa mwito kutafutwa njia amani Niger
14 Agosti 2023![Lateinamerika und Karibik | Entwicklungsministerin Svenja Schulze](https://static.dw.com/image/66201692_800.webp)
Matangazo
Waziri huyo wa Ujerumani ametowa mwito huo kabla ya ziara yake Magharibi mwa Afrika.Amesema kuna njia nyingi tofauti za kulishughulikia suala la mgogoro huo ikiwemo kuhakikisha kunafanyika uchaguzi mpya hivi karibuni au kuachiliwa huru rais Mohamed Bazoum aliyechaguliwa kidemokrasia na bila ya kupata madhara. Schulze anatarajiwa kuwasili Mauritania ambako ni kituo cha kwanza cha ziara yake ya siku nne Afrika Magharibi na Jumatano atakwenda Nigeria ambako atafanya mazungumzo na wawakilishi wa Jumuiya ya kiuchumi ya Ukanda huo,ECOWAS. Miongoni mwa yatakayojadiliwa ni kutafuta namna ambavyo Ujerumani inaweza kuunga mkono juhudi za kutafuta suluhisho Niger.