Ikulu ya White House imebaini kuwa Rais wa Marekani Joe Biden "anayo furaha ya kumkaribisha" Rais Zelensky katika Ikulu ya White House, ambaye baadaye atalihutubia Bunge la Marekani ili "kudhihirisha nguvu za pande mbili kwa ajili ya msaada kwa Ukraine.

Marekani inajiandaa kutoa kitita cha dola bilioni 45 za msaada wa dharura kwa Ukraine lakini pia ikijiandaa kupeleka mfumo wa kujilinda angani wa Patriot ili kuisaidia kupambana na mashambulizi ya Urusi.

Moscow kupitia msemaji wa Wizara ya Mambo ya nje Maria Zakharova imekemea hatua hiyo na kusema kipaumbele chake itakuwa kuiharibu mifumo hiyo.