Wizara ya afya ya Gaza ilisema mamia ya wagonjwa na wafanyakazi walikuwa wamezuiliwa katika hospitali ya Kamal Adwan. Wakati hayo yakijiri, waziri wa mambo ya nje wa Marekani Antony Blinken amekutana na mwenzake wa Jordan, Ayman Safadi, mjini London. Safadi ameishutumu Israel kwa kuhusika na mauaji ya kikabila huko Gaza."Njia pekee ya kuliokoa eneo hilo ni Israel kusimamisha hujuma dhidi ya Gaza na Lebanon, kusimamisha hatua za upande mmoja, hatua zisizo halali katika Ukingo wa Magharibi ambazo zinalitumbukiza eneo hilo shimoni".Safadi ni miongoni mwa viongozi wa nchi za Kiarabu waliokutana na Blinken kujadili usitishaji vita Gaza.