Hamas imelaani shambulio hilo, na kulielezea kama muendelezo wa sera ya Israel ya kuua wapiganaji wa Palestina.

Wakati huo, Israel imesisitiza azma yake ya kusitisha shughuli za shirika la kuhudumia wakimbizi wa Kipalestina UNRWA kuanzia leo, ikilishtumu shirika hilo la Umoja wa Mataifa kujaza wanachama wa Hamas.

Soma pia: Gavana: Watu wanakimbia operesheni ya Israel mji wa Jenin

Na katika hatua nyingine, Rais wa Marekani Donald Trump anatarajiwa kutia saini amri ya Rais kuhusu chuki dhidi ya Wayahudi, ambayo inaelezwa kuwalenga hasa wanafunzi walioshiriki maandamano ya kuwaunga mkono Wapalestina wakati wa vita vya Gaza.

Makundi ya haki za raia yameeleza wasiwasi kwamba amri hiyo itaingilia haki za uhuru wa kujieleza na inaweza kukumbana na pingamizi za kisheria.

Maandamano hayo yalizuka kama jibu kwa mzozo wa Gaza na yamejumuisha ongezeko la vitendo vya chuki dhidi ya Wayahudi, Waislamu, Waarabu, na watu wa asili ya Mashariki ya Kati.