Tamko hilo limetolewa kufuatia ongezeko la mivutano ya kijeshi katika eneo tete la rasi ya Taiwan. China imeongeza shughuli zake za kijeshi katika maeneo yanayoizunguka Taiwan katika miaka ya hivi karibuni.

Hata hivyo bado Taiwan haijaripoti tukio lolote la wanajeshi wa China kuingia kwenye ardhi yake, japo utawala wa kisiwa hicho umeapa kutekeleza haki yake ya kujilinda na kurudisha mashambulio itakapovamiwa.

Akijibu maswali ya wabunge bungeni, Chiu alisema Jeshi la Ukombozi la Watu wa China (PLA) huenda likapata visingizio vya kuingia katika maeneo ya karibu na eneo la anga na bahari ya Taiwan wakati kisiwa hicho kikiongeza mabadilishano yake ya kijeshi na Marekani, hatua iliyoikasirisha Beijing.