Michezo ya awali ya ligi ya mabingwa barani Afrika inaendelea hii leo katika viwanja mbalimbali barani humo. Nchini Tanzania, mabingwa wa ligi kuu kandanda ya nchi hiyoYoung Africans watashuka dimbani katika mchezo wa marudiano huko visiwani Zanzibar kumenyana na CBE ya nchini Ethiopia.

Soma zaidi. Yanga ya Tanzania yacharazwa 2-1 na Augsburg ya Ujerumani

Yanga wanaingia katika mchezo huo wakiwa na faida ya goli moja walilolipata katika mechi ya kwanza iliyochezwa nchini Ethiopia. Yanga wanahitaji kushinda mchezo huo ili kufuzu katika hatua ya makundi ya mabingwa barani Afrika-CAF.

Mchezo huo utachezwa majira ya saa mbili usiku kwa saa za Afrika mashariki katika uwanja wa NEW AMAAN Complex, visiwani Zanzibar.