Hafla hiyo ilifanyika mjini Berlin jana Jumatano, ambapo Navalnaya aliwaambia waliohudhuria kwamba uhuru wa kujieleza ulikuwa silaha muhimu zaidi kwake na mumewe Navalny, katika kipindi cha miaka 13 walipokuwa wakijaribu kumpinga Rais Vladimir Putin.

Uamuzi wa kumtunuku Nalvanaya na FBK tuzo hiyo ulitangazwa mwezi uliopita.

Mkurugenzi Mkuu wa DW Peter Limbourg pamoja na Waziri wa Fedha wa Ujerumani Christian Lindner walimpongeza Navalnaya na marehemu mumewe, na Ivan Zhdanov wa FBK, ambaye ni mwanasheria na rafiki wa muda mrefu wa Navalny.

Wamesema tuzo hiyo inachukuliwa kama ukumbusho wa maana ya demokrasia na utawala wa sheria.