Zelensky amesema yeye na rais Erdogan wamejadili kuhusu duru mpya ya mazungumzo ya kusaka amani ya Ukraine inayotarajiwa kufanyika kwenye visiwa vya Malta pamoja na dhima ya Uturuki kwenye majadiliano hayo. Kadhalika wawili hao waligusia mzozo wa Mashariki ya Kati na kukubaliana umuhimu wa kulindwa raia na kuheshimiwa kwa sheria za kimataifa.

Soma pia: Zelenskiy ataka marafiki wa Ukraine wasiisahau baada ya kuzuka vita vya Israel na Hamas

Mazungumzo hayo yamefanyika wakati Urusi imeendeleza hujuma zake kusini na mashariki mwa Ukraine kwa kufyetua makombora yaliyosababisha vifo vya watu watatu na kujeruhiwa wengine wanne. Mashambulizi hayo yameulenga mkoa wa Kherson na ule wa nyumbani kwa rais Zelensky wa  Dnipropetrovsk