Katika hotuba yake ya jana jioni kwa njia ya vidio Zelensky amesema mtu anapoanza kutumia nchi zingine sio tu kwa ugaidi, bali pia kwa majaribio yao makombora mapya kupitia ugaidi, hakika huo ni uhalifu wa kimataifa. Hapo awali, Putin alielezea matumizi ya kombora la masafa ya kati kama mtihani wa mafanikio chini ya hali ya vita. Serikali ya Kremlin inashutumu Kiev na Mataifa ya Magharibi kwa kuchochea vita na kusema matumizi yake ya kombora jipya ni jibu la kushambuliwa kwa eneo la Urusi na Ukraine kwa kutumia silaha za masafa marefu za Magharibi.