Hii ni baada ya waziri wake wa ulinzi Rustem Umerov kuthibitisha kuwa kulitokea mapigano madogo kati ya vikosi hivyo.

Zelensky amewapongeza viongozi wa ulimwengu waliojibu hatua ya kupelekwa vikosi vya Korea Kaskazini nchini Urusi mwezi uliopita sio tu kwa maneno, bali kwa kutayarisha hatua za kuunga mkono ulinzi wa Ukraine.

Soma pia:Zelensky adai wanajeshi 11,000 wa Korea Kaskazini wako Kursk

Wizara ya Ulinzi ya Korea Kusini imesema zaidi ya wanajeshi 10,000 wa Korea Kaskazini waliwasili Urusi huku idadi kubwa ya askari hao wakipelekwa kwenye viwanja vya mapambano, ikiwemo mkoa wa Kursk, ambako askari wa Ukraine walianzisha operesheni mwezi Agosti.

Wakati huo huo, Mawaziri wa mambo ya nje kutoka kundi la nchi saba tajiri duniani la G7 pamoja na nchi nyingine, wamelaani kuongezeka kwa ushirikiano wa kijeshi kati ya Korea Kaskazini na Urusi.