Zelensky asema usalama wa Bahari Nyeusi ni muhimu kwa amani
26 Julai 2023![Themenpaket | Getreidehandel Getreide-Deal Grain deal Ukraine Russland](https://static.dw.com/image/66295470_800.webp)
Katika hotuba yake ya kila usiku kwa njia ya video, Zelensky amesema ulimwengu unajua kwamba usalama wa bandari za Bahari Nyeusi ni muhimu kwa amani na utulivu katika soko la chakula duniani.
Usalama wa chakula ni kipaumbele muhimu kote ulimwenguni
Kwa mujibu wa Zelensky, usalama wa chakula ni kipaumbele muhimu kote ulimwenguni na sehemu ya mfumo wa amani wa Ukraine. Katika eneo la mapambano, meli ya kivita ya Urusi kwenye Bahari Nyeusi imefanikiwa kuzuia shambulizi la Ukraine.
Urusi yasema Ukraine ilijaribu kushambulia meli yake ya doria
Wizara ya ulinzi ya Urusi imesema Ukraine ilijaribu kuishambulia meli ya doria ya Sergei Kotov, kwa kutumia boti mbili zisizo na nahodha. Meli ya Kotov iliziharibu boti hizo zilizokuwa umbali wa mita 1,000 na 800. Hakuna mtu aliyejeruhiwa katika shambulizi hilo.