Katika hotuba yake kwa taifa kwa njia ya video, Zelensky ameeleza kuwa hivi karibuni maeneo karibu na mji wa Pokrovsk katika mkoa wa Donetsk yamelengwa na vikosi vya Urusi.

Kiongozi huyo ametoa mwito wa kuimarisha ulinzi zaidi katika maeneo hayo.

Soma pia: China yajadili mipango ya amani na Ukraine 

Kauli ya Zelensky ameitoa baada ya idara ya ujasusi ya Ukraine kueleza mapema leo kuwa vikosi vya Urusi vimelekeza nguvu zaidi katika eneo la Donbass mashariki mwa nchi hiyo na lenye utajiri wa makaa ya mawe.