Zelensky amesema kupitia mitandao ya kijamii kwamba uhuru ni kitu cha muhimu kwa kila mmoja na wanatakiwa kuupambania.

Mkuu wa ujasusi wa jeshi, Kyrylo Budanov, amesema kupitia mtandao wa Telegram kwamba mapambano ya uhuru bado yanaendelea, huku mkuu wa usalama wa taifa, Vasyl Maliuk, akiandika sikukuu kama ya leo imekuwa na maana mpya, kutokana na vita hivyo vinavyotimiza miezi 19.

Mkuu wa Halmashauri Kuu ya Ulaya, Ursula von der Leyen, amewasifu raia kwa ujasiri, nguvu na matumaini ya kudumu kuelekea mustakabali wa amani na ustawi wa Ulaya iliyo moja.