Inaarifiwa katika kipindi cha wiki moja iliyopita vikosi vya Ukraine vimefanikiwa kudungua ndege 5 za kivita za Urusi aina ya Sukhoi chapa Su-34 na Su-30.

Kupitia hotuba ya kila siku kwa taifa, Zelensky amesema taarifa hizo "ni mafanikio ya kutia moyo" na amewaonya marubani wa Urusi kwamba ulinzi wa anga ya Ukraine utaimarika zaidi siku za usoni pale taifa litakapopokea ndege za kivita chapa F-16.

Mataifa kadhaa ya magharibi yameahidi kuipitia Ukraine ndege hizo mamboleo katika kipindi cha miezi michache inayokuja. 

Katika hatua nyingine upande wa Urusi umetangaza kwamba jeshi lake limeukamata mji wa Marinka uliopo mashariki mwa Ukraine baada ya miezi kadhaa ya mapambano. Hata hivyo Ukraine imesema madai hayo ni ya uongo kwa sababu mapigano bado yanaendelea.