Hayo ni kulingana na Katibu Mkuu wa Umoja huo Antonio Guterres. Hii itakuwa ziara ya kwanza ya Zelensky mjini New York tangu Urusi ilipoivamia Ukraine miezi 18 iliyopita.

Guterres  amesema ingawa ni jambo gumu kuwezekana, anatarajia atapata fursa ya upatanishi ili kuwepo mazungumzo ya amani.

Hata hivyo Guterres amesisitiza kuwa hatarajii mafanikio yoyote ya kidiplomasia katika Mkutano huo unaowaleta pamoja zaidi ya wakuu 140 wa nchi na serikali, pamoja na maafisa kutoka mashirika ya kiraia na yasiyo ya kiserikali.