Ibrahimovic ameyasema hayo baada ya timu yake AC Milan kupata ushindi wa mabao 3-1 dhidi ya Hellas Verona.

Mchazaji huyo mwenye umri wa miaka 41 alijizolea umaarufu mkubwa kutokana na uchezaji wake, mataji na mabao aliyoshinda lakini pia kwa kauli zake.

Soma Pia: Ibrahimovic kuondoka PSG

Ibrahimovic anastaafu kandanda baada ya kupata majeraha mara kwa mara. Ibrahimovic alirejea katika timu yake ya AC Milan mwaka 2019, na alichangia kwa kiasi kikubwa kuirudisha kileleni, haswa waliposhinda ubingwa wa Italia mnamo mwaka 2022.

Wakati huohuo, mchezaji mwengine raia wa Ufaransa na mshindi wa tuzo ya Ballon d´Or Karim Benzema  amefahamisha jana kuwa ataondoka katika timu ya Real Madrid baada ya kuichezea klabu hiyo kwa miaka 14 na kushinda jumla ya mataji 25.

Benzema mwenye umri wa miaka 35, huenda akaelekea katika timu ya Al-Ittihad ya Saudi Arabia.