SiasaMisri
Uchaguzi mkuu Misri waingia siku ya pili
11 Desemba 2023![Rais Abdul Fattah al-Sisi wa Misri akipiga kura mjini Cairo.](https://static.dw.com/image/67682384_800.webp)
Matangazo
Rais wa sasa Abdel Fattah el-Sisi ambaye anapambana kwenye kinya'ang'anyiro hicho na wagombea wengine watatu wa upinzani wasiokuwa na umaarufu, anatarajiwa kwa uhakika kushinda muhula mwingine.
Uchaguzi huo pia unafanyika katika wakati nchi hiyo yenye wakaazi milioni 102 ikikabiliwa na mgogoro wa kiuchumi ambapo takwimu zinaonesha takriban thuluthi moja ya wananchi wanaishi katika umasikini.
Zaidi ya watu milioni 67 wana haki ya kupiga kura katika uchaguzi huo. Wagombea wengine wanaowania urais ni Farid Zahran anayeongoza chama cha upinzani cha Social Democratic, Abdel-Sanad Yamama akiongoza chama kikongwe cha kiliberali cha Wafd na Hazem Omar wa chama cha Republican.
Matokeo rasmi ya uchaguzi huo yanatarajiwa kutangazwa wiki ijayo.