یو کے در حقیقت مملکت متحدہ برطانیہ عظمی و شمالی آئرلینڈ، یا ’یونائیٹڈ کنگڈم آف گریٹ بریٹن اینڈ ناردرن آئرلینڈ‘ کے مخفف کے طور پر استعمال کیا جاتا ہے۔ یعنی یو کے چار ممالک انگلینڈ، سکاٹ لینڈ، شمالی آئرلینڈ اور ویلز کے سیاسی اتحاد کا نام ہے۔

جزائر برطانیہ میں دو بڑے اور سینکڑوں چھوٹے چھوٹے جزائر ہیں۔ سب سے بڑے جزیرے کو برطانیہ عظمی کہا جاتا ہے، جو کہ ایک جغرافیائی اصطلاح ہے۔ اس میں انگلینڈ، سکاٹ لینڈ اور ویلز شامل ہیں۔ انگلینڈ کا دارالحکومت لندن ہے، شمالی آئرلینڈ کا بیلفاسٹ، سکاٹ لینڈ کا ایڈنبرا اور کارڈف ویلز کا دارالحکومت ہے۔

اردو زبان میں برطانیہ کا لفظ عام طور پر یو کے لیے استعمال کیا جاتا ہے۔ برطانیہ رومن لفظ بریتانیا سے نکلا ہے اور اس سے مراد انگلینڈ اور ویلز ہیں، تاہم اب اس لفظ کو ان دنوں ممالک کے لیے کم ہی استعمال کیا جاتا ہے۔ زیر نظر تصور انگلینڈ اور ویلز کے مابین کھیلے گئے فٹبال کے ایک میچ کی ہے۔

اکثر انگلینڈ کو برطانیہ (یو کے) کے متبادل کے طور پر استعمال کر دیا جاتا ہے، جو غلط ہے۔ اس کی وجہ شاید یہ ہے کہ انگلینڈ جزائر برطانیہ کا سب سے بڑا ملک ہے۔ یا پھر اس لیے کہ انگلینڈ اور یو کے کا دارالحکومت لندن ہی ہے۔

جزائر برطانیہ میں دوسرا بڑا جزیرہ آئرلینڈ ہے، جہاں جمہوریہ آئر لینڈ اور شمالی آئرلینڈ واقع ہیں ان میں سے شمالی آئرلینڈ برطانیہ کا حصہ ہے۔

انگریزی یوں تو جزائر برطانیہ میں سبھی کی زبان ہے لیکن سبھی کے لہجوں میں بہت فرق بھی ہے اور وہ اکثر ایک دوسرے کے بارے میں لطیفے بھی زبان کے فرق کی بنیاد پر بناتے ہیں۔

سکاٹ لینڈ کے لوگ اپنی دنیا بھر میں مشہور اسکاچ پر فخر کرتے ہیں اور بیگ پائپر کی موسیقی بھی سکاٹ لینڈ ہی کی پہچان ہے۔ آئرلینڈ کی وجہ شہرت آئرش وہسکی اور بیئر ہے جب کہ انگلینڈ کے ’فش اینڈ چپس‘ مہشور ہیں۔

یو کے یا برطانیہ کے سیاسی اتحاد میں شامل ممالک کے باہمی اختلافات بھی ہیں۔ بریگزٹ کے حوالے سے ریفرنڈم میں سکاٹ لینڈ کے شہری یورپی یونین میں شامل رہنے کے حامی دکھائی دیے تھے اور اب بھی ان کا کہنا ہے کہ بریگزٹ کی صورت میں وہ برطانیہ سے علیحدگی اختیار کر سکتے ہیں۔

فی الوقت جمہوریہ آئر لینڈ اور برطانیہ، دونوں ہی یورپی یونین کا حصہ ہیں۔ بریگزٹ کے بعد تجارت کے معاملات طے نہ ہونے کی صورت میں سب سے زیادہ مسائل شمالی آئرلینڈ اور جمہوریہ آئرلینڈ کی سرحد پر پیدا ہوں گے۔ برطانیہ کی خواہش ہے کہ وہاں سرحدی چوکیاں نہ بنیں اور آزادانہ نقل و حرکت جاری رہے۔

برطانیہ کی یورپی یونین سے علیحدگی سے متعلق ریفرنڈم میں بریگزٹ کے حامی کامیاب رہے تھے۔ ان لوگوں کے مطابق یونین میں شمولیت کے باعث مہاجرت بڑھی اور معاشی مسائل میں اضافہ ہوا۔ ریفرنڈم کے بعد سے جاری سیاسی بحران اور یورپی یونین کے ساتھ کوئی ڈیل طے نہ ہونے کے باعث ابھی تک یہ علیحدگی نہیں ہو پائی اور اب نئی حتمی تاریخ اکتیس اکتوبر ہے۔

گیم آف تھرونز میں یہ سٹارک خاندان کا ونٹر فیل محل ہے۔ جب وارڈ قلعے میں شوٹنگ نہیں ہو رہی ہوتی تو یہ سیا‌حوں کے لیے کھول دیا جاتا ہے۔ سیاح یہاں فلمی کردار کے مطابق لباس پہن کر نیزا بازی بھی کر سکتے ہیں اور تلوار تھامے لڑائی بھی۔ اس کے بعد وہ شاہانہ انداز میں کھانا بھی کھا سکتے ہیں۔

اس قلعے کے ساتھ ہی آپ ایک اور جگہ دیکھ سکتے ہیں، جہاں فلم کی شوٹنگ کی گئی۔ لینیسٹرز کے خلاف مہم کے بعد راب سٹارک آڈلی میں ایک کیمپ لگاتا ہے۔ وسپرنگ ووڈ میں جنگ کے بعد وہ جیمی لینسٹر کو پکڑنے کی کوشش کرتا ہے۔ کچھ دیر میں راب ایک سازش کا حصہ بنتا ہے اور ’ریڈ ویڈنگ‘ میں قتل کر دیا جاتا ہے۔

ایک گھنٹے کی مسافت پر ٹولی مور فاریسٹ ہے۔ یہاں ونٹر فیل کے بہت سے سین فلمائے گئے ہیں۔ اس پارک میں سٹارک خاندان کے بچوں کو بھیڑیے کے بچے مل جاتے ہیں۔ گیم آف تھرونز کے مداحوں کو اس پارک کا دورہ ضرور کرنا چاہیے۔

ڈارک ہیجز کے درمیان سٹرک کم ہی خالی دکھتی ہے۔ دن میں یہاں گاڑیوں اور سیاحوں کی بسوں کا ہجوم نظر آتا ہے۔ ’گیم آف تھرونز ‘ میں یہ سٹرک شمال میں بادشاہ کے پاس لے جاتی ہے۔ اپنے والد کے انتقال کے بعد آریا شہر سے اسی سڑک کے ذریعے بھاگ جاتی ہے۔

گیم آف تھرونز کے دوسرے سیزن کی شوٹنگ ان غاروں میں کی گئی۔ یہاں ‘ریڈ پریسٹیس میلیزانڈے‘ ایک عجیب و غریب تخلیق کو جنم دیتی ہے، جو آگے جا کر رینلی باراتھیو کو ہلاک کر دیتی ہے۔

اس وادی میں بھی بہت سے سین فلمائے گئے ہیں۔ گیم آگ تھرونز میں ڈوتھراکی سمندر ایسوس کے مشرق میں واقعہ ہے۔

پورٹسٹیوارٹ کے ساحل کو شمالی آئرلینڈ کا خوبصورت ترین ساحل تصور کیا جاتا ہے۔ یہاں جیمی لینیسٹر اور سیر برون مارٹیل گارڈز کے ساتھ ایک معرکہ لڑتے ہیں۔ ان کا مقصد اغوا شدہ مائرسیلا کو بادشاہ کے پاس واپس لانا ہے۔

ویسٹیروس کے مغرب میں آئرن جزیرے کا دورہ کرنا ممکن ہے۔ گیم آف تھرونز میں بالین ٹوئے کی بندرگاہ آرین بندرگاہ میں پائیک کا کافی اثر و رسوخ ہے۔ اس جگہ کے علاوہ دیگر دیہاتوں میں بھی اس فلم کی شوٹنگ کی گئی ہے۔

رینلی بارا تھیون نے سٹروملینڈز میں اپنا کیمپ لگایا ہے۔ کھیل کے دوران برینی آف ٹارتھ لوراس ٹائریل کو شکست دے دیتی ہے اور اس کا نام رینلی کنگز گارڈ رکھ دیا جاتا ہے۔ اس کے بعد یہ اس سیریز کی مرکزی کردار بن جاتی ہے۔ یہ سیریز کے سیزن آٹھ میں بھی شامل ہو گی۔

ڈریگن سٹون شمالی آئرلینڈ کے پہاڑی سلسلے پر واقعہ ہے۔ کامیاب بغاوت کے بعد ہاؤس آف ٹارگارین کی سابقہ آبائی نشست کچھ وقت کے لیے باراتھیونز کی ملکیت بن جاتی ہے۔