آئی سی سی نے محمد حفیظ پر پابندی عائد کر دی
17 جولائی 2015![Mohammad Hafeez](https://static.dw.com/image/18116827_800.webp)
اشتہار
خبر رساں ادارے روئٹرز کے مطابق گزشتہ برس نومبر میں ابوظہبی میں نیوزی لینڈ کے خلاف پہلے ٹیسٹ میچ میں محمد حفیظ کے بولنگ ایکش پر اعتراض سامنے آیا تھا اور ان پر پابندی عائد کی گئی تھی، تاہم اپریل میں ایکشن تبدیل کرنے پر ان پر سے یہ پابندی ختم کر دی گئی تھی۔ آئی سی سی کے مطابق محمد حفیظ کے بولنگ ایکشن کے آزادانہ جائزے کے بعد کرکٹ کونسل نے ان پر ایک برس کی پابندی عائد کر دی گئی۔
آئی سی سی کے بیان کے مطابق، ’حفیظ کے پاس اس آزادانہ جائزے کے خلاف اپیل کا حق موجود ہے۔ اس آزاد جائزے کے تحت محمد حفیظ پر خودبہ خود پابندی عائد ہو چکی ہے۔‘
خیال رہے کہ پارٹ ٹائم آف اسپن بولنگ کرنے والے محمد حفیظ نے گزشتہ ماہ سری لنکا کے خلاف گالے میں ہونے والے ٹیسٹ میچ میں بولنگ کرائی تھی، جس پر اعتراض کیا گیا تھا۔