تیرہ نومبر 2016ء کی رات امریکا میں دریائے میسوری کے کنارے واقع شہر کینساس سٹی کی پاور اینڈ لائٹ بلڈنگ کے عقب سے طلوع ہوتا ہوا چاند سپر مُون بننے سے پہلے کے اپنے حسن کے ساتھ۔

مصر میں روشن تر چاند کا ایک نظارہ جس کے پیش منظر میں اس علاقے سے گزرنے والے ایک مقامی شہری کا عکس بھی دیکھا جا سکتا ہے۔ ماہرین اس حالت کو چاند کی سپر مُون بننے کی تیاری کا نام دیتے ہیں۔

برطانوی دارالحکومت لندن میں ایک میلے کا منظر، جہاں لوگ سپر مُون کے مکمل نظارے سے صرف ایک شام قبل چاند کی غیر معمولی خوبصورتی سے محظوظ ہو رہے ہیں۔

جرمنی میں ہاناؤ شہر کے ایک قریبی قصبے میں چرچ کے سامنے سپر مُون کی مکمل جلوہ گری سے ایک شام پہلے کا عکس۔

برطانیہ میں گلاسٹن بری کے مقام پر ایک چرچ ٹاور کے قریب سپر مُون بننے سے ایک شام پہلے کے چاند کے انتہائی خوبصورت منظر کو دیکھنے کے لیے لوگ جمع ہیں۔

نیپالی دارالحکومت کھٹمنڈو کی فضا میں سپر مُون سے ایک رات پہلے کا منظر، چاند کے سامنے سے ایک ہوئی جہاز گزر رہا ہے۔

برطانوی شہر لندن کے وسط میں مشہور زمانہ ’لندن آئی‘، اس کے پیچھے وہ چاند، جس کے سپر مُون بننے کا ہر کوئی منتظر ہے اور ’چاند کے بیچ‘ میں سے گزرتا ایک ہوائی جہاز۔

گزشتہ ویک اینڈ پر دنیا بھر میں ’سپر مون‘ دیکھا گیا۔ زمین کے قریب تر ہونے کی وجہ سے یہ عمومی سائز سے 14 فیصد بڑا اور تیس فیصد زیادہ روشن دیکھائی دیا۔ سنگاپور میں اتاری گئی ایک تصویر

سُپر مون زمین سے قریب ترین تھا اور یہ فاصلہ تقریبا تین لاکھ ستاون ہزار کلومیٹر بنتا ہے۔ یہ تصویر یونان کے دارالحکومت ایتھنز میں لی گئی اور اس میں قدیم یونانیوں کے ایک خدا کا مندر بھی دیکھا جا سکتا ہے۔

گزشتہ ویک اینڈ پر سُپر مون کے دلکش مناظر کو دیکھنے کے لیے سنگاپور کا ساحلی علاقوں میں رات بھر گہما گہمی رہی۔ یہ تصویر بھی سنگاپور میں ہی بنائی گئی۔

سپر مون نے اسپین کے شہر میڈرڈ کے تجارتی علاقے میں واقع بلندو بالا عمارتوں کے حسن کو چار چاند لگا دیے۔

سال کے سب سے بڑے پورے چاند کو ’سپر مون‘ کہا جاتا۔آئس لینڈ کے تفریحی لونا پارک میں بنائی گئی ایک تصویر۔

سپر مون کو سائنسی زبان میں "perigee moon" کہا جاتا ہے۔ یہ تصویر قازقستان کے ’تین شان‘ پہاڑی علاقے میں کھینچی گئی۔ تصویر میں اٹھارویں صدی کے فوجی کمانڈر نور ذبی کا مجسمہ بھی دیکھا جا سکتا ہے۔

برازیل کے دارالحکومت براسیلیا میں واقع جڑواں ٹاورز کے درمیان سے سپر مون کا نظارہ

ٹورانٹو کے ایک بیچ پر لوگ چھوٹی کشتیوں میں بیٹھ کر لطف اندوز ہوتے اور دلکش مناظر دیکھتے رہے۔

جنوبی اسپین کے ساحلی علاقے مالاگا میں ایک شخص مچھلیاں پکڑتے ہوئے طلوع مہتاب کا نظارہ کر رہا ہے۔

ناسا کے مطابق سپر مون اب آئندہ برس اگست میں دوبارہ دیکھا جا سکے گا۔ یہ تصویر امریکی شہر نیویارک میں بنائی گئی۔

چاند حجم کے اعتبار سے اپنی بلند ترین سطح پر تھا جب کہ براعظم شمالی و جنوبی امریکا، یورپ، افریقہ اور مغربی ایشیا کے قریب تمام ممالک میں ایک گھنٹے سے زائد دورانیے کے اس چاند گرہن کو دیکھا گیا۔

سن 1982ء کے بعد یہ پہلا موقع تھا جب چاند زمین اور سورج ایک قطار میں اس انداز سے تھے کہ چاند اپنے حجم کے اعتبار سے خاصا بڑا تھا۔ اب دوبارہ یہ منظر سن 2033 سے پہلے دکھائی نہیں دے گا۔

یہ چاند گرہن اس لحاظ سے بھی اچھوتا تھا کہ مطلع صاف ہونے کی وجہ سے یورپ میں متعدد ممالک کے شہریوں نے کھلی آنکھوں سے اس مظہر قدرت کا نظارہ کیا۔

یورپ میں بعد از نصف شب زمین کا سایہ ’سپرمون‘ پر پڑنا شروع ہوا اور دھیرے دھیرے یہ پورا چاند رنگت تبدیل کرتے ہوئے، سرخ رنگ میں ڈوب گیا۔ زمین سے منعکس ہونے والی سورج کی روشنی چاند کو خون جیسے رنگ میں تبدیل کر گئی۔

چاند کا حجم بڑا ہونے اور مناسب روشنی کی وجہ سے انسانی آنکھ چاند کی سطح کی وہ تفصیلات بھی دیکھ پائی جو عام حالات میں دوربین کا تقاضا کرتی ہیں۔

’سپرمون‘ براعظم شمالی امریکا میں بھی مرکز نگاہ رہا۔ امریکا میں 23 ستمبر کا سورج ڈوبنے کے بعد ’سپرمون‘ سب کی نگاہوں کے سامنے تھا۔