برازیل میں دنیا کے سب سے وسیع رقبے پر پھیلے بارانی جنگلات ہیں۔ ان میں سن 2019 کے دوران لگنے والی آگ مختلف علاقوں میں کئی ہفتوں تک جاری رہی۔ برازیل کے بارانی جنگلات میں آگ لگنے کے کئی واقعات رونما ہوئے اور اگست میں لگنے والی آگ کو انتہائی شدید قرار دیا گیا۔ خیال کیا جاتا ہے کہ جنگلوں میں رہنے والے کسانوں کی لاپرواہیوں سے زیادہ تر آگ لگنے واقعات رونما ہوئے۔

برازیل کے صرف بارانی جنگلاتی علاقوں میں آگ نہیں لگی بلکہ جنوب میں واقع ٹراپیکل سوانا جنگلات کو بھی آگ کا سامنا کرنا پڑا۔ برازیلی علاقے سیراڈو کے ٹراپیکل جنگلات اپنے تنوع کی وجہ سے خاص مقام رکھتے ہیں۔ ان میں کئی نایاب جنگلاتی حیات پائی جاتی ہیں۔ سن 2019 میں لگنے والی آگ سے اس جنلگلاتی علاقے کا وسیع رقبہ خاکستر ہو گیا۔ خاص طور پر سویا زرعی رقبے کو بہت نقصان پہنچا۔

انڈونیشی علاقے سماٹرا اور بورنیو کے جنگلوں میں لگنے والی آگ نے چالیس ہزار ایکڑ رقبے کو جلا ڈالا۔ اس آگ نے معدوم ہوتی بندروں کی نسل ارونگ اوتان کے گھروں کے علاقے کو بھی راکھ کر دیا۔ اس نسل کے کئی بندر آگ کی لپیٹ میں آ کر ہلاک بھی ہوئے۔ آگ نے ان بندروں کے نشو و نما کے قدرتی ماحول کو ختم کرنے میں کوئی کسر نہیں چھوڑی تھی۔ اس آگ پر بڑی مشکل سے قابو پایا گیا۔

برازیل میں مرطوب گیلی زمینوں کا حامل سب سے بڑا رقبہ پایا جاتا ہے۔ اس علاقے کا نام پانٹانال ہے۔ اس کے جنگلاتی رقبے پر لگنے والی آگ نے نم زدہ زمینوں کو خشک کر دیا اور قدرتی ماحول کو بڑی تباہی سے بھی دوچار کیا۔ برازیلی علاقے سے یہ آگ بولیویا کے ویٹ لینڈز میں داخل ہوئی اور پیراگوئے کے نم زدہ علاقوں کی ہریالی کو بھی بھسم کر ڈالا۔ بولیویا میں بارہ لاکھ ہیکٹر مرطوب گیلی زمین والا علاقہ آگ سے متاثر ہوا۔

سن 2019 میں امریکی ریاست کی جنگلاتی آگ نے ایک وسیع رقبے کو جلا کر خاکستر کر دیا۔ اس آگ کی وجہ سے جنگلات میں قائم پرانے بنیادی انتظامی ڈھانچے کا تباہی کا سامنا کرنا پڑا۔ آگ کے پھیلاؤ کی وجہ خشک اور گرم موسم کے ساتھ ساتھ تیز ہوا کا چلنا بھی بنا۔ آگ کی وجہ سے بے شمار مکانات بھی جل کر رہ گئے۔ ہزاروں لوگوں کو محفوظ مقامات کی جانب منتقل ہونا پڑا۔ دس لاکھ افراد کو بغیر بجلی کے کئی دن زندگی بسر کرنا پڑی۔

سن 2019 کے دوران قطب شمالی میں شمار کیے جانے والے مختلف علاقوں میں بھی آگ لگنے کے واقعات نے ماحول دوستوں کو پریشان کیا۔ سائبیریا میں تین مہینوں کے درمیان مختلف مواقع پر لگنے والی آگ نے چالیس لاکھ ہیکٹرز کے جنگلات جلا ڈالے اور دھواں یورپی یونین سمیت سارے علاقے پر پھیل گیا۔ آگ بجھانے کے لیے سائبیریا میں روسی فوج کو تعینات کرنا پڑا۔ گرین لینڈ اور کینیڈا کے قطب شمالی کے علاقے بھی آگ سے محفوظ نہ رہے۔

آسٹریلیا کی جنگلاتی آگ اب ایک بحران کی صورت اختیار کر گئی ہے۔ آگ نے لاکھوں ایکڑ رقبے کو جلا ڈالا ہے۔ چار انسانی جانوں کے ساتھ ساتھ ایک ہزار کے قریب کوالا ریچھ بھی جل مرے ہیں۔ کوالا ریچھ کو معدوم ہونے والی نسل قرار دیا جاتا ہے۔ سن 2019 کی آگ کو انتہائی شدید قرار دیا گیا ہے۔ اس کے دھوئیں نے سڈنی شہر کو اپنی لپیٹ میں لے لیا تھا۔ حکومت نے اوپن ڈور کھیلوں کی سرگرمیوں کو روک بھی دیا تھا۔

کانگو بيسن کے جنگلات کو ’زمين کے دوسرے سب سے بڑے پھيپھڑے‘ کہا جاتا ہے۔ انگولا ميں اس ہفتے جنگل ميں آگ لگنے کے 6,900 اور کانگو ميں 3,400 واقعات رپورٹ کيے جا چکے ہيں۔ اس دوران برازيل ميں ايسے 2000 واقعات پيش آ چکے ہيں۔ ماہرين کے مطابق مختلف ممالک ميں آگ لگنے کے واقعات کا موازنہ مشکل ہے تاہم عموماً ايسے واقعات خشک موسم ميں جنگلاتی علاقے کو زراعت کے ليے صاف کرنے کے ليے لگائی گئی آگ کے سبب پيش آتے ہيں۔

بوليويا ميں پچھلے چند ہفتوں کے دوران زراعت کے ليے زير استعمال زمين اور جنگلات کا کم از کم ايک ملين ہيکٹر ميل رقبہ آتش زدگی ہو چکا ہے۔ ماہرين اور سائنسدان اسے حياتياتی تنوع کے ليے ايک الميے سے تعبير کر رہے ہيں۔

انڈونيشيا ميں خشک موسم کے آغاز کے ساتھ ہی وہاں کے جنگلات ميں پچھلے چار برسوں کی بد ترين آگ لگی ہوئی ہے۔ نتيجتاً چھ صوبوں ميں ہنگامی حالت نافذ کر دی گئی ہے۔ برازيل کی طرح انڈونيشيا ميں بھی زمين پر پائے جانے والے قديم ترين جنگلات پائے جاتے ہيں۔

سياحت کے ليے بے حد مقبول ہسپانوی کنیری جزائر پر بھی بڑے پیمانے ميں جنگلات ہيں اور اس ماہ ان کا بھی کچھ حصہ آگ کی لپيٹ ميں آ چکا ہے۔ آگ کے سبب چند پارکس اور اس جزيرے کی حياتياتی تنوع کے متاثر ہونے کا خطرہ ہے۔ اسپين ميں اکثر خشک اور گرم موسم ميں جنگلات ميں آگ بھڑک اٹھتی ہے۔ سائنسدانوں کے مطابق جيسے جيسے زمين کا درجہ حرارت بڑھے گا، ايسے واقعات اور زيادہ باقاعدگی سے ہونے لگيں گے۔

سائبيريا کے وسيع تر علاقے اس سال اور بالخصوص ان دنوں بے قابو آگ کی لپيٹ ميں ہيں۔ حالات سے نمٹنے کے ليے کم از کم چار خطوں ميں ہنگامی حالت نافذ کی جا چکی ہے۔ اس ملک ميں جنگلاتی آگ ويسے تو قدرتی طور پر لگتی ہے تاہم گرم موسم اور تيز ہواؤں کے نتيجے ميں آگ کی شدت بدستور بڑھتی جا رہی ہے۔ اگست کے وسط تک سائبيريا کا کم از کم ساڑھے پانچ ملين ہيکٹر رقبہ ضائع ہو چکا ہے۔

يونان ميں بھی گرم، خشک موسم اور تيز رفتار ہواؤں کے سبب مقامی حکام کو چوکنا رہنے کی ہدايت کی گئی ہے۔ ساموس کے جزيرے سے تو سينکڑوں افراد کو محفوظ مقامات پر منتقل بھی کيا جا چکا ہے۔ يونان ميں جنگلاتی آگ کی ذمہ داری ان مقامی افراد پر عائد کی جاتی ہے، تو حفاظتی تدابير کا خيال نہيں رکھتے۔

آسٹريليا ميں جھاڑيوں ميں آگ لگنے کا سلسلہ سالہا سال سے چلا آ رہا ہے۔ اب ايسے واقعات سرد موسم ميں بھی رونما ہونے لگے ہيں، جس کی وجہ اوسط درجہ حرارت ميں زيادتی ہے۔ چند رياستوں ميں حفاظتی تدابير اور انتباہ کے ليے مقرر کردہ تاريخيں بھی تبديل کر دی گئی ہيں۔

آٹھ جون سے لے کر اب تک وسطی ايريزونا ميں آگ لگنے کے تين بڑے واقعات پيش آ چکے ہيں، جس سے چودہ ہزار ہيکڑ زمين تباہ ہو چکی ہے۔ ايريزونا ميں خشک موسمی حالات کی وجہ سے ايسے واقعات عام ہيں۔