اسپین میں روایتی بیل دوڑ میں ہفتے کے روز ایک شخص کو بیل کے سینگوں نے لہولہان کر دیا، جب کہ دیگر چار افراد زخمی ہو گئے۔ بیلوں کی دوڑ کا یہ فیسٹیول ہر سال منعقد ہوتا ہے۔
اشتہار
اسپین کے پامپلونا سین فیرمین فیسٹیول میں ہفتے کے روز بیلوں کے سامنے دوڑنے کا مقابلہ ہوا۔ اس دوڑ میں ایک شخص کو بیل نے اپنے سینگوں سے زخمی کر دیا، جب کہ دیگر چار افراد بھی زخمی حالت میں ہسپتال لائے گئے۔
اس ایک ہفتے طویل فیسٹیول کا آغاز جمعے کو ہوا تھا، جس میں پامپلونا کے علاقے میں شاندار آتش بازی بھی کی گئی۔ اس فیسٹیول کی بابت کہا جاتا ہے کہ یہ سات سو سال سے بھی زائد عرصے پرانا ہے۔
ہفتے کے روز انتہائی تنگ گلیوں میں بیلوں کے سامنے دوڑنے کے پہلے ہی مقابلے میں اب تک پانچ افراد زخمی ہو چکے ہیں۔ ریڈکراس نے بتایا کہ زخمی ہونے والوں میں سے ایک شخص بیل کے سینگ لگنے سے زخمی ہوا۔
خبر رساں ادارے اے ایف پی کے مطابق گزشتہ شب ہونے والی بونداباندی کی وجہ سے پامپلونا کی گلیاں پھسلن کا شکار تھیں۔ اس دوڑ میں بیلوں نے قریب آٹھ سو اڑتالین میٹر کا فاصلہ قریب تین منٹ میں طے کیا، جب کہ اس دوران لوگ ان کے سامنے دوڑتے رہے۔
اس دوڑ میں حصہ لینے والے ایک 29 سالہ نوجوان انیگو پلازہ کے مطابق، ’’اس دوڑ کی خاص بات یہ ہے کہ آپ زخمی نہ ہو، تاکہ اگلے دن دوبارہ دوڑ میں حصہ لے سکیں۔‘‘
سان فیرمین فیسٹیول، بل رننگ کے شوقین افراد کا میلہ
سپانوی شہر پامپلونا میں ہر سال چھ سے چودہ جولائی تک سان فیرمین فیسٹیول منایا جاتا ہے۔ اس فیسٹیول کی پہچان بیلوں کی دوڑ ہے، جسے ہسپانوی زبان میں’ اینسیئیرو‘ کہا جاتا ہے۔
تصویر: AP
جنونی دوڑ
یہ بات اہم ہے کہ اس روایتی مگر جنونی دوڑ میں بھینسوں کو چھونے پر پابندی عائد ہوتی ہے اور بس جھانسا دے کر بچنا ہوتا ہے۔
تصویر: picture-alliance/dpa
روایتی میلہ
سان فیرمین کے روایتی ہسپانوی میلے میں شرکت کے لیے دنیا بھر سے ہزاروں افراد شریک ہوتے ہیں۔
تصویر: picture-alliance/dpa
خصوصی لباس
ان بھینسوں کے آگے دوڑنے والے روایتی سفید لباس اور سرخ رنگ کی شالیں لیے ہوتے ہیں۔ ان بھینسوں کی ٹکروں اور ٹاپوں سے بچتے، ایک دوسرے سے ٹکراتے یہ دوڑنے والے اس سنسنی خیزی کا مزہ لیتے ہیں۔
تصویر: picture-alliance/dpa
جان کا خطرہ
1911ء سے سان فیرمین فیسٹیول کے حوالے سے اعداد و شمار جمع کرنے شروع کیے گئے ہیں اور اس کے مطابق اب تک 15افراد بُل رننگ میں اپنی جانیں گنوا چکے ہیں۔
تصویر: picture-alliance/dpa
مذہبی تہوار
اصل میں سان فیرمین ایک مذہبی تہوار تھا، جو گزشتہ کچھ برسوں سے ایک میلے کی سی صورت اختیار کر گیا ہے۔
تصویر: picture-alliance/dpa
سان فیرمین پر ناول
اس فیسٹیول کی شہرت میں ایرنسٹ ہیمنگوے کے ناول ’’The Sun Also Rises ‘‘ نے بھی اہم کردار ادا کیا ہے۔
تصویر: picture-alliance/dpa
قسمت کا دھنی
امریکی ریاست نیوجرسی سے اپنے بھائی اور 18 سالہ بیٹے کے ساتھ اس دوڑ میں حصہ لینے اسپین پہنچنے والے مِلیگان کا کہنا ہے، ’ایک بھینسے نے مجھے پیٹھ میں ٹکر ماری اور پھر مجھ پر سے کودتا آگے بڑھ گیا۔ اس تمام وقت میں میرا بیٹا مجھ سے چند قدم آگے آگے دوڑ رہا تھا۔‘
تصویر: Reuters
سنسی اور لطف
پامپلونا شہر کی گلیوں میں بھینسوں کے آگے آگے دوڑ کر ’سنسنی کا لطف‘ لینا ایک قدیم ہسپانوی میلہ ہے۔ حکام کے مطابق اس مرتبہ اس میلے میں بھینسوں کی ٹکروں سے پانچ افراد زخمی ہو گئے۔
تصویر: Reuters
بُل رنگ
اس دوڑ کے لیے شہر میں ایک خصوصی بُل رنگ تعمیر کیا جاتا ہے تاکہ بیل اور سانڈ صرف ایک خاص راستے میں ہی دوڑ سکیں اور آبادی میں داخل نہ ہو سکیں۔ اس راستے کا اختتام ایک بل فائٹنگ ایرینا میں ہوتا ہے۔
تصویر: picture-alliance/dpa
نتیجہ بُل کی موت
شہر کی گلیوں سے دوڑتے ہوئے یہ بھینسے بل فائٹنگ ایرینا جا پہنجتے ہیں۔ اس اسٹیڈیم میں ایک بل فائٹر موجود ہوتا ہے اوراس لڑائی کا نتیجہ ان بھینسوں کی یقینی موت کی صورت میں نکلتا ہے۔
تصویر: AP
10 تصاویر1 | 10
ان کا مزید کہنا تھا، ’’ قریب چھو سو کلوگرام کا ایک جانور جب آپ کے پیچھے دوڑ رہا ہو اور گلیوں میں ہرطرف لوگ ہی لوگ ہوں، تو ایک عجیب سی کیفیت اور خوشی کا احساس پیدا ہوتا ہے۔‘‘
واضح رہے کہ یہ فیسٹیول اسپین میں ہر برس متعدد افراد کے زخمی ہونے کا سبب بنتا ہے۔ گزشتہ برس اس فیسٹیول میں تقریباﹰ 17 ہزار لوگوں نے حصہ لیا تھا، جس میں 64 افراد زخمی ہوئے تھے۔ زخمیوں میں سے سات ایسے تھے، جو بیل کے سینگوں کی نذر ہوئے تھے۔ جانوروں کے حقوق کی تنظیمیں اس فیسٹیول پر شدید تنقید کرتی ہیں۔