مارین لے پین اپنی مہاجرین اور یورپی یونین مخالف سوچ کی وجہ سے شہرت رکھتی ہیں۔ وہ فرانس کی عوامیت پسند جماعت نیشنل ریلی (سابقہ نیشنل فرنٹ) کی سن 2011 سے قیادت کر رہی ہیں۔ انہوں نے اپنی جماعت سے متعلق عوامی تاثر کو زیادہ اعتدال پسند معتدل بنانے کی کوشش کی ہے۔

اے ایف ڈی کی سابقہ شریک سربراہ فراؤکے پیٹری کی مہاجرین اور مسلمان مخالف پالیسیوں نے سن 2017 کے انتخابات میں دائیں بازو کی اس جرمن عوامیت پسند پارٹی کو وفاقی پارلیمان میں پہنچنے میں مدد دی۔ تاہم الیکشن میں کامیابی کے فوری بعد پیٹری نے اے ایف ڈی کو خیرباد کہہ دیا تھا۔ ان کا موقف تھا کہ اس جماعت میں موجود ان کے حریف اے ایف ڈی کو ایک بنیاد پرست جماعت بنانا چاہتے ہیں۔

فراؤکے پیٹری کے سن 2017 میں اے ایف ڈی سے الگ ہونے کے بعد سے ایلس وائڈل پارٹی کی شریک سربراہ ہیں۔ سن 2013 میں وائڈل کی جانب سے سامنے آنے والی ایک ای میل میں انہوں نے کہا تھا کہ جرمنی غیر ملکیوں بالخصوص عرب باشندوں کی ثقافتی یلغار کے تلے دبا ہوا ہے۔ وائڈل کی جماعت ہم جنس پرستوں کی آپس میں شادیوں کے خلاف ہے لیکن وائڈل ذاتی طور پر ایسے ہی ایک رشتے میں بندھی ہوئی ہیں۔

یہ خاتون پولینڈ کی نائب وزیر اعظم اور رائٹ وِنگ پاپولسٹ پارٹی ’لاء اینڈ جسٹس‘ کی نائب سربراہ ہیں۔ اس جماعت کو پولستانی پارلیمان میں اکثریت حاصل ہے۔ یہ جماعت یورپی یونین کی جانب سے مہاجرین کی پوری یونین میں منصفانہ لیکن کوٹے کی بنیاد پر تقسیم کی پالیسی کی شدید مخالف ہے۔

سِیو ژینسن ناروے کی سیاسی جماعت ’پروگریس پارٹی‘ کی سربراہ ہیں، یہ جماعت مرکز کی جانب جھکاؤ رکھنے والی مخلوط ملکی حکومت میں بھی شامل ہے۔ ژینسن کھل کر اسرائیل کی حمایت کرتی ہیں اور انہوں نے اسرائیل میں ناروے کا سفارت خانہ تل ابیب سے یروشلم منتقل کرنے کا مطالبہ بھی کیا تھا۔

نیشنل کنزرویٹو برادرز آف اٹلی نامی پارٹی کی شریک بانی اور رہنما جورجیا میلونی انتہائی دائیں بازو کی سیاست کے حوالے سے وسیع تجربہ رکھتی ہیں۔ انہوں نے پندرہ برس کی عمر میں اٹلی کے نئے فاشسٹوں کی سماجی تحریک کے یوتھ ونگ میں شمولیت اختیار کی تھی۔ وہ سن 2008 سے سن 2011 تک نوجوانوں کے امور کی وزیر بھی رہی ہیں۔

پِیا کیئیرسگارد انتہائی دائیں باز وکی ڈینش پیپلز پارٹی کی شریک بانی ہیں۔ انہوں نے سن 1995 سے لےکر سن 2012 تک اس پارٹی کی قیادت کی۔ وہ مہاجرین مخالف سوچ کی حامل ہیں اور متنوع ثقافتوں کے خلاف اپنے شدید نوعیت کے نظریات کے باعث بھی جانی جاتی ہیں۔ ان کا بنیادی سیاسی جھکاؤ ڈنمارک میں مہاجرین کی آمد پوری طرح روک دینے کی طرف ہے۔

اس تقریب میں ساٹھ خواتین کو سستے داموں ’سی ڈی 70 ڈریم‘ موٹر سائیکلیں فراہم کی گئیں۔ یہ موٹر سائیکلیں لاہور، فیصل آباد، سرگودھا، ملتان اور راولپنڈی سے تعلق رکھنے والی خواتین کو فراہم کی گئی ہیں۔

مصنف اور اداکارہ میرا سیٹھی نے بھی اس ریلی میں شرکت کی۔ سیٹھی نے سوشل میڈیا ویب سائٹ انسٹاگرام پر اپنی تصویر شیئر کرتے ہوئے لکھا کہ لاہور کی سٹرکوں پر خواتین موٹر سائیکل سوار کتنی اچھی لگیں گی۔ یہ پیشرفت خواتین کی خود مختاری اور روز مرہ زندگی میں ان کی شمولیت کی ایک نئی مثال قائم کرے گی۔ سیٹھی نے لکھا کہ وہ جانتی ہیں کہ یہ تھوڑا مشکل ہے لیکن پاکستان کی بہادر عورتیں یہ کر سکتی ہیں۔

گلوکارہ میشا شفیع بھی اس ریلی میں شریک تھیں۔ انہوں نے اپنی تصویر ٹوئٹر پر شیئر کرتے ہوئے لکھا کہ کس نے کہا ہے کہ وہ کینیڈا چلی گئی ہیں، یہ لاہور کی سٹرک ہے۔ انہوں نے لکھا، ’’ویمن آن وہیلز ریلی میں ان بہادر خواتین کے ساتھ موٹر سائیکل چلا کر مجھے بہت اچھا لگا ہے۔‘‘ شفیع نے ابھی حال ہی میں معروف گلوکار علی ظفر پر جنسی ہراسانی کا الزام عائد کیا تھا اور افواہ تھی کہ وہ ملک چھوڑ کر کینیڈا چلی گئی ہیں۔

ویمن آن وہیلز مہم لاہور، ملتان ، فیصل آباد، راولپنڈی اور سرگودھا میں شروع کی جا چکی ہے اور اب تک اس مہم کے تحت 3500 خواتین کو موٹر سائیکل چلانا سکھایا جا چکا ہے۔

ریلی میں بڑی تعداد میں خواتین نے شرکت کی۔ اس موقع پر سماجی کارکنان بھی موجود تھے۔