اسلامک اسٹیٹ کے خلاف عالمی کوليشن کی حمايت ميں اضافہ جاری، جان کيری
18 ستمبر 2014![](https://static.dw.com/image/17931651_800.webp)
جان کيری نے امريکی سينيٹ کی خارجہ امور سے متعلق کميٹی کو بدھ اٹھارہ ستمبر کے روز بتايا کہ اسلامک اسٹيٹ کے خلاف عالمی اتحاد میں شامل ملکوں کی تعداد پچاس تک پہنچ گئی ہے اور اب اس بات کا تعين کيا جا رہا ہے کہ مختلف ممالک کيا کردار ادا کر سکتے ہيں۔ کيری کا کہنا تھا، ’’امريکا يہ کام اکيلا سر انجام نہيں دے گا۔‘‘ نيوز ايجنسی ڈی پی اے کے مطابق کوليشن کے تازہ ارکان اور ديگر اہم معلومات اقوام متحدہ کی جنرل اسمبلی کے عنقريب ہونے والے اجلاس ميں عام کی جائيں گی۔
دريں اثناء امريکی رياست فلوريڈا ميں فوج کے مرکزی کمان کے افسران نے صدر باراک اوباما کو شام اور عراق کے حوالے سے اپنی حکمت عملی سے آگاہ کا۔ اس موقع پر اوباما نے ايک مرتبہ پھر يہ بات دہرائی کہ اسلامک اسٹيٹ کے خلاف اس لڑائی ميں امريکی بری فوج کو عراق نہيں بھيجا جائے گا۔ ان کے بقول يہ کام عرب ممالک کا ہے کہ وہ خطے کی سلامتی کو يقينی بنائيں۔
شام اور عراق ميں سنی شدت پسند تنظيم اسلامک اسٹيٹ کی پيشقدمی کے تناظر ميں امريکا نے زيادہ فعال کردار ادا کرنے کا فيصلہ کيا ہے، جس کے تحت واشنگٹن فضائی حملے، مقامی افواج کی معاونت، کوليش کی قيادت اور اعتدال پسند شامی باغيوں کو تربيت فراہم کرے گا۔ امريکی ايوان نمائندگان پہلے ہی بدھ کے روز 156 کے مقابلے ميں 273 ووٹوں سے شامی باغيوں کو سعودی عرب ميں تربيت فراہم کرنے کی منظوری دے چکا ہے جبکہ آج جمعرات کو يہ معاملہ سينيٹ ميں پيش کيا جانا ہے اور امکان ہے کہ وہاں بھی اس پروگرام کی منظوری دے دی جائے گی۔
قطر دہشت گرد تنظيموں کی مدد نہيں کرتا، قطری امير
دريں اثناء جرمن دارالحکومت برلن ميں چانسلر انگيلا ميرکل سے اپنی ملاقات ميں قطر کے امير شيخ تميم بن حمد الثانی نے ميرکل کو يقين دہانی کرائی ہے کہ قطر کی طرف سے اسلامک اسٹيٹ کی مالی امداد سے متعلق خبريں بے بنياد ہيں۔ ملاقات کے بعد قطری امير نے کہا کہ ان کے ملک نے دہشت گرد تنظيموں کی امداد نہ تو کبھی کی ہے اور نہ کرے گا۔
شیخ تمیم بن حمد الثانی نے جرمن چانسلر کے علاوہ صدر یوآخم گاؤک سے بھی ملاقات کی۔ ذرائع کے مطابق برلن میں ہونے والی ان ملاقاتوں میں دہشت گردی کے علاوہ اقتصادی تعلقات میں فروغ اور مشترکہ منصوبوں پر توجہ مرکوز کی گئی۔