اسلام آباد: ورلڈ فوڈ پروگرام کےدفتر میں خودکش حملہ
5 اکتوبر 2009اسلام آباد پولیس کے سینیئر افسر بنیامین کے مطابق بم دفتر کی لابی میں ہوا۔ دھماکے کے وقت دفتر میں تقریبا 80 افراد موجود تھے۔ دھماکے کے نتیجے میں چار افراد زخمی بھی ہوئے، جنہیں فوری طور پر پمز ہسپتال منتقل کر دیا گیا ہے۔ مقامی ذرائع کے مطابق زخمی ہونے والوں میں دوغیر ملکی بھی شامل ہیں۔
یہ بم دھماکہ آج دوپہر تقریبا سوا بارہ بجے اسلام آباد کے سیکٹر جی ایٹ میں واقع اقوام متحدہ کے ذیلی ادارے ورلڈ فوڈ پروگرام کے دفتر میں ہوا۔ دھماکے سے قبل وہاں ایک اجلاس ہو رہا تھا۔ بلڈنگ لابی میں ہونے والے اس دھماکے کے بعد بگدڑ مچ گئی۔ ڈی آئی جی بنیامین کے مطابق یہ خود کش حملہ تھا اور اس میں آٹھ کلو وزنی دھماکا خیز مواد استعمال کیا گیا ۔
ڈی آئی جی نے دھماکے میں ورلڈ فوڈ پروگرام کے ایک اہلکار کے مطابق دھماکے سے استقبالیہ پر موجود تمام افراد زمین پر گر گئے اورسب کچھ الٹ پلٹ ہو گیا ۔انہوں نے مزید بتایا کہ انہیں اس سے قبل کبھی کوئی دھمکی نہیں ملی ۔ انہوں نے مزید تبایا کہ ورلڈ فوڈ پروگرام کے دفتر میں بیس سے پچیس افراد غیر ملکی ہیں۔
خبررساں ادارے
ادارت : عاطف توقیر