ہاکنگ کو آئن اسٹائن کے بعد سب سے زیادہ جانے مانے سائنس دانوں میں شمار کیا جاتا تھا۔ ان کے انتقال پر پوری دنیا سے تعزیت کے پیغامات آ رہے ہیں۔

اسٹیفن ہاکنگ نے بلیک ہول سے باہر چھلکتے تابکار ذروں اور توانائی کی بابت نظریہ دیا۔ بلیک ہول سے متعلق اسٹیفن ہاکنگ کے کام کو نئے باب کھولنے سے عبارت قرار دیا جاتا ہے۔

موٹر نیورون کی بیماری کی وجہ سے ہاکنگ بولنے اور چلنے کی صلاحیت سے محروم ہو گئے تھے تاہم یہ بیماری اس عظیم سائنس دان کو سوچنے سے محروم نہ کر سکی۔ ہاکنگ اپنے خیالات کا اظہار کمپیوٹر کی مدد سے کرتے تھے۔

ہاکنگ کی کائنات کے مشکل رازوں کے جوابات ڈھونڈنے کی کاوشوں کی وجہ سے ان کے مداحوں کی تعداد کروڑں میں ہے۔ اس تصویر میں کیتھولک مسیحیوں کے روحانی پیشوا پوپ فرانسِس ہاکنگ سے ملاقات کر رہے ہیں۔

اس تصویر میں ہاکنگ ناسا کے ایک خصوصی طیارے میں زیروز گریویٹی یا صفر کشش ثقل کا تجربہ کر رہے ہیں۔ جسمانی معذوری کے باوجود ہاکنگ اس کیفیت کو محسوس کرنا چاہتے تھے۔

اسٹیفن ہاکنگ نوجوانی کے دور ہی میں موٹر نیورون کی بیماری میں مبتلا ہو گئے تھے، جس کی وجہ سے ان کی چلنے پھرنے اور بولنے کی صلاحیت جاتی رہی۔ ابتدا میں انہیں کہا گیا تھا کہ وہ زیادہ عرصہ جی نہیں سکیں گے، تاہم ہاکنگ اس بیماری سے مقابلہ کرتے رہے۔

میری کیوری کے نام سے شہرت پانے والی ماریا سکلوڈووسکا کے والد ریاضی اور فزکس کے استاد تھے۔ جبکہ اُن کی والدہ لڑکیوں کے ایک بورڈنگ اسکول کی نگران ٹیچر تھیں۔

میری کیوری کی والدہ برونِسلاوا سکلوڈووسکا نے اپنی تمام عمر تعلیم کے شعبے کے لیے وقف کر دی تھی۔ جب برونِسلاوا سکلوڈووسکا کا انتقال ہوا، اُس وقت میری کیوری صرف تیرہ برس کی تھیں۔

سن 1883 میں پندرہ برس کی عمر میں میری کیوری نے ثانوی اسکول کی تعلیم مکمل کر لی۔ لیکن ایک لڑکی ہونے کے ناطے پولینڈ میں انہیں یونیورسٹی جانے کی اجازت نہیں تھی۔ چونکہ میری کے والد انہیں اعلیٰ تعلیم کے لیے باہر بھیجنے کی استطاعت نہیں رکھتے تھے، میری نے خفیہ طور پر لگائی جانے والی کلاسیں لینا شروع کر دیں۔

سن 1891 میں ایک نوجوان طالبہ کی حیثیت سے ماریا سکلوڈووسکا پیرس چلی گئیں۔ وہاں انہوں نے طبیعات کی ’ سوربون‘ یونیورسٹی میں داخلہ لیا۔ یہیں انہوں نے تابکاری کی دریافت بھی کی۔ مادام کیوری نے فرانس کی شہریت بھی حاصل کر لی تھی۔

پیری کیوری سے میری کی پہلی ملاقات سن 1894 میں ہوئی۔ اُس وقت پیری میونسپل ٹیکنیکل کالج کی تحقیقاتی لیبارٹری کے سربراہ تھے۔ سائنسی تحقیق کے لیے اُن کا مشترکہ جنون انہیں ایک دوسرے کے قریب لے آیا اور وہ چھبیس جولائی سن 1895 میں رشتہ ازدواج میں منسلک ہو گئے۔

سن 1903 میں جب مادام کیوری نے ڈاکٹریٹ کیا، انہیں اور اُن کے شوہر پیری کیوری کو سویڈش اکیڈمی آف سائنسز کی طرف سے نوبل انعام کا حق دار قرار دیا گیا۔ یہ انعام کیوری جوڑے کو تابکاری پر ریسرچ کے لیے اُن کی خدمات کے اعتراف میں دیا گیا تھا۔

مادام کیوری کی پہلی بیٹی سن 1897 میں پیدا ہوئیں۔ کیوری کی دوسری بیٹی ایو ابھی بہت چھوٹی تھیں کہ اُن کے والد پیری کیوری ایک حادثے میں چل بسے۔

سن انیس سو بیس میں میری کیوری نے امریکا کا سفر اختیار کیا۔ امریکی میڈیا نے انہیں ایک سائنسدان سے زیادہ بطور ایک معالج کے تکریم دی۔ امریکا میں قیام کے دوران مادام کیوری نے وائٹ ہاؤس کا دورہ کرنے کے علاوہ وہاں مختلف اداروں میں لیکچرز دیے اور تحقیقاتی اداروں کا دورہ بھی کیا۔