جنوبی فرانسیسی علاقے باؤڈو کے قریب دو مقامات پر لگی جنگلاتی آگ کو بجھانے کے لیے 12 سو فائرفائٹرز مصروف عمل ہیں، جنہیں پانی گرانے والے طیاروں کی مدد بھی حاصل ہے۔ حکام کی جانب سے جاری کردہ تصاویر میں دیکھا جا سکتا ہے کہ پائن کے درخت اس آگ کی لپیٹ میں ہیں۔ حکام کو شبہ ہے کہ شاید ان دو میں سے ایک آگ دانستہ طور پر لگائی گئی۔

جنوبی فرانس میں دو مقامات پر لگی یہ آگ حالیہ دنوں میں نو ہزار چھ سو پچاس ہیکٹر علاقے کو خاکستر کر چکی ہے۔ بلند درجہ حرارت اور تیز ہواؤں کی وجہ سے آگ کو قابو میں کرنے کی سرگرمیاں مشکلات کا شکار ہیں۔ اسی تناظر میں چودہ ہزار افراد کو ان کے گھروں سے محفوظ مقامات پر متنقل کیا گیا ہے۔

بحرالکاہل کی جانب واقع فرانسیسی ساحلوں پر جنگلاتی آگ کا دھواں دکھائی دے رہا ہے۔ یہ آگ ایک ایسے موقع پر لگی ہے، جب فرانس میں گرمیوں کی چھٹیوں پر بہت سے افراد ساحلوں کی جانب رخ کر رہے ہیں۔

فرانس کے ہمسایہ ملک اسپین میں مسلح افواج کے ایمرجنسی بریگیڈ کے ہمراہ فائرفائٹرز تیس سے زائد مقامات پر لگی جنگلاتی آگ پر قابو پانے کی کوشش میں ہیں۔ کچھ مقامات ناہموار اور پتھریلے پہاڑی علاقے اس آگ سے متاثر ہیں، جہاں فائرفائٹرز کا زمینی راستوں سے پہنچنا مشکل ہے۔ اسپین میں ان دنوں غیرمعمولی طور پر 45.7 درجے سینٹی گریڈ تک درجہ حرارت نوٹ کیا گیا ہے۔

اسپین کے جنوبی اندلس کے علاقے میں لگی آگ پر قابو پانے کے لیے ہیلی کاپٹروں کی مدد بھی لی جا رہی ہے۔ مالاگا کے علاقے کے قریبی دیہات سے اب تک تین ہزار افراد کو نکالا جا چکا ہے۔ دریں اثناء مغربی اسپین کی جنگلاتی آگ سے مونفراگ نیشنل پارک خطرے میں ہے۔

اسپین کے وسطی کاسٹائل خطے کے علاوہ شمالی علاقے گالیسیا میں بھی تین ہزار پانچ سو ہیکٹر علاقے آگ سے تباہ ہو چکا ہے۔

پرتگال میں لگی جنگلاتی آگ پر قابو پانے کے لیے فائرفائٹرز کے ہم راہ عام شہری بھی مصروف عمل ہیں تاکہ اپنے گھروں کو اس آگ سے بچایا جا سکے۔ جمعرات کو پرتگال میں درجہ حرارت 47 درجہ سینٹی گریڈ ریکارڈ کیا گیا۔ بلند درجہ حرارت اس آگ کو مزید بڑھاوا دے رہا ہے۔

شمال مشرقی پرتگال میں فائرفائٹنگ میں مصروف ایک جہاز کو پیش آنے والے حادثے میں ایک پائلٹ ہلاک ہو گیا۔ یہاں آگ اب تک پندہ ہزار ہیکٹر کا علاقہ نگل چکی ہے۔

یورپ کے متعدد دیگر ممالک بہ شمول کروشیا، ہنگری اور یونان بھی مختلف مقامات پر جنگاتی آگ سے لڑائی میں مصروف ہیں۔ کروشیا کے ساحلی علاقے میں لگی آگ کو بجھانے کی کارروائیوں میں مدد کے لیے فوج کی خدمات لی جا چکی ہے۔ اطالوی علاقے وینس میں بھی ایک مقامات پر آتش زدگی کی اطلاعات ہیں۔

یونان میں بحیرہ روم میں واقع جزیرے کریٹ میں لگی آگ بجھانے کے لیے کارروائیاں جاری ہیں۔ حکومت اس سلسلے میں اوبوئیا، کریٹ، کیوس اور ساموس جزائر کے حوالے سے خطرے سے انتباہ کی سطح کو پانچ درجے تک بڑھا چکی ہے۔ رواں ہفتے ساموس میں آگ بجھانے کی کارروائی میں مصروف ایک ہیلی کاپٹر کے حادثے میں دو افراد مارے گئے۔

غرناطہ کے صوبے اندُلس کے پہاڑی سلسلے سیرا نیواڈا کے دامن میں واقع یہ ہسپانوی شہر براعظم یورپ کے سب سے زیادہ دھوپ والے شہروں میں سے ایک ہے۔ یہاں ماہانہ اوسطاً 341 گھنٹے دھوپ رہتی ہے۔ یہاں قائم الحمرا پیلس اس خطے کی اسلامی تاریخ کے تعمیراتی شاہکار کی حیثیت رکھتا ہے اور سب سے زیادہ دیکھی جانے والی یادگار مانا جاتا ہے۔

گرینڈ کیناریا کے جزیرے پر واقع سب سے بڑا شہر لا پالما بھی مہینے میں اوسطاً 341 گھنٹے سورج کی روشنی سے چمکتا رہتا ہے۔ اس کا ساحل پورپ کے دلکش ترین ساحلوں میں سے ایک ہے۔ یہاں کا ایک قدیم شہر Vegueta دیکھنے سے تعلق رکھتا ہے اور لا کانتیرا بیچ )تصویر( پر گزارا گیا ایک دن بھی عمر بھر یاد رہتا ہے۔

یہاں سال بھر آب و ہوا معتدل اور ماہانہ 342 گھنٹے دھوپ رہتی ہے۔ تعطیلات کے لیے فرانس کے پسندیدہ شہروں میں سے ایک، نیس طویل عرصے سے سورج کی روشنی اور حدت سے لطف اندوز ہونے والوں میں نہایت مقبول ہے۔ خوبصورت فن تعمیر، ساحل سمندر اور یہاں کا سالانہ نیس جاز فیسٹیول دیکھنے سے تعلق رکھتے ہیں۔ ہر سال جولائی میں شہر کا ماسینا اسکوائر نامی علاقہ مختلف کنسرٹس کا مرکز بن جاتا ہے۔

مقصد اگر ساحل سمندر اور شہری زندگی کے امتزاج والی تعطیلات ہوں، تو ہسپانوی شہر ویلینسیا مثالی حیثیت کا حامل ہے۔ یہاں کی ایک خاص ڈش پائیلا ہے، جو خاص طور پر ایل کارمین کے علاقے کے بہت سے ریستورانوں میں دستیاب ہوتی ہے۔ اس علاقے میں قائم سان نیکولاس چرچ اور موسن سوریل مارکیٹ انتہائی متاثر کن ہیں۔

یہ سسلی کا تیسرا بڑا اور اس اطالوی جزیرے کا سب سے زیادہ دھوپ والا شہر ہے۔ یہاں ماہانہ اوسطاً 345 گھنٹے تیز دھوپ رہتی ہے۔ یہ شہر بھی تاریخ سے بھرپور ہے۔ گزشتہ صدیوں کے دوران متعدد بڑے زلزلوں نے اس بندرگاہی شہر پر گہرے نشانات چھوڑے ہیں۔ یہ مین لینڈ اٹلی کے پار واقع ہے۔ 1908ء کے بدترین زلزلے کے باوجود بارہویں صدی کا ایک کلیسا آج بھی ایک پرکشش مقام ہے۔

ہر ماہ اوسطاً 345 گھنٹے سورج کی روشنی میں چمکتا رہنے والا جنوبی اسپین کا یہ علاقہ چھٹیاں گزارنے کے لیے بہترین ہے۔ یہ پرکشش ثقافتی مقامات، گرجا گھروں اور عجائب گھروں کا مرکز ہے اور معروف مصور پابلو پکاسو کی جائے پیدائش بھی۔ یہاں پانچ ہزار ہیکٹر پر پھیلا ہوا قدرتی پارک، یہاں کا ساحل اور ہائیکنگ کے لیے مشہور مونٹ دے مالاگا سیاحوں کے لیے بہت ہی پرکشش ہیں۔

یورپ کا تیسرا سب سے زیادہ دھوپ والا یہ شہر ہر ماہ اوسطاً 346 گھنٹے سورج کی روشنی میں چمکتا رہتا ہے۔ یہ اسپین کے مشرقی ساحل کوسٹا کالیدا پر واقع ہے۔ مُورسیا کے آس پاس کا علاقہ اپنے تفریحی اور سینیٹوریم مقامات کے لیے بھی جانا جاتا ہے۔ اس علاقے میں پانی کے بہت سے گرم چشمے بھی پائے جاتے ہیں۔

اطالوی جزیرے سسلی کے مشرقی ساحل پر واقع بندرگاہی شہر کاتانیا یورپ کا دوسرا سب سے زیادہ دھوپ والا شہر ہے، جہاں ہر ماہ اوسطاﹰ 347 گھنٹے دھوپ رہتی ہے۔ شہر کے مرکز میں واقع پیازا ڈیل دُواومو کی عمارات باروک طرز تعمیرکا شاہکار ہیں اور یہ علاقہ یونیسکو کے تسلیم کردہ عالمی ثقافتی ورثے کا حصہ ہے۔ .

یورپ کا سب سے زیادہ دھوپ والا شہر: صوبے آلےکانتے میں کوسٹا بلانکا کی ساحلی پٹی پر ماہانہ 349 گھنٹے دھوپ رہتی ہے۔ تاہم سورج کی کرنوں کے علاوہ یہاں کی تاریخی عمارات سے سجے دلکش شہر کے ساتھ ساتھ اور بھی بہت کچھ اس علاقے کی کشش کی وجہ ہے۔ یہاں کی چاولوں کی ایک ڈش بہت ہی مقبول ہے۔

یورپ کے سب سے زیادہ دھوپ والے شہروں کی اس درجہ بندی کے لیے انٹرنیٹ سرچ انجن ’ہولیڈُو‘ کو استعمال کیا گیا۔ یہ سرچ انجن بین الاقوامی سطح پر موسم کی پیش گوئی کرنے والی ویب سائٹ ورلڈ ویدر آن لائن کا ڈیٹا استعمال کرتی ہے۔ ’ہولیڈُو‘ نے 2009ء سے 2021ء کے دوران یورپ کے 300 سب سے زیادہ گنجان آباد شہروں میں سورج کی روشنی والے گھنٹوں کی ماہانہ اوسط تعداد کا حساب لگایا تھا۔