امریکا سے بے دخل کیے جانے والے روسی ’جاسوس‘ ماسکو پہنچ گئے
1 اپریل 2018
امریکا سے بے دخل کیے جانے والے روسی سفارتکار آج اتوار کی صبح ماسکو پہنچ گئے ہیں۔ امریکا نے ان ساٹھ روسی شہریوں کو ’جاسوس‘ قرار دیتے ہوئے ملک چھوڑنے کے احکامات دیے تھے۔
اشتہار
خبر رساں اداروں کے مطابق آج دو جہاز روسی دارالحکومت کے ونوکووو ہوائی اڈے پر اترے، جن میں واشنگٹن اور نیو یارک سے نکالے جانے والے ساٹھ سفارت کار اور ان کے اہلخانہ سمیت کل 171 افراد سوار تھے۔ روسی ٹیلی وژن پر نشر کی جانے والی تصاویر میں ان افراد کو سرکاری جہازوں سے نکلتے اور وہاں پر موجود بسوں میں سوار ہوتے ہوئے دکھایا گیا ہے۔
امریکا، یورپی یونین، نیٹو کے رکن ریاستوں اور دیگر ممالک کی جانب سے ڈیڑھ سو سے زائد روسی سفارت کاروں کو ملک چھوڑنے کے احکامات دیے گئے ہیں۔
امریکا نے سیائٹل میں روسی قونصل خانہ بھی بند کر دیا ہے۔ تاہم واشنگٹن حکام نے کہا ہے کہ ماسکو حکومت چاہے تو بے دخل کیے جانے والے ڈپلومیٹس کی جگہ نئے سفارت کاروں کو تعینات کر سکتی ہے۔ امریکی اقدام کے رد عمل میں روس نے بھی سینٹ پیٹرز برگ میں امریکی کونسلیٹ بند کرتے ہوئے ساٹھ امریکی سفارت کاروں سے ملک چھوڑنے کے لیے کہا ہے۔
امریکی صدر ڈونلڈ ٹرمپ اپنے روسی ہم منصب ولادی میر پوٹن پر تنقید کرنے سے اکثر کتراتے ہیں۔ انہوں نے ابھی حال ہی میں کہا تھا کہ مستقبل قریب میں روس اور امریکا کا سربراہی اجلاس ممکن ہے۔ ماسکو میں امریکی سفارت خانے کے مطابق، ’’ قونصل خانہ بند ہونے کے باوجور روس اور امریکا کے باہمی تعلقات بہتر کرنے کی ہماری کوششیں جاری رہیں گی۔‘‘
برطانیہ میں چار مارچ کو سابق روسی جاسوس سرگئی سکرپل اور ان کی بیٹی پر زہریلی گیس کے حملے کے بعد مغربی ممالک اور روس کے مابین سفارتی تناؤ پیدا ہوا تھا۔ برطانیہ کا الزام ہے کہ اس حملے میں روس ملوث ہے جبکہ ماسکو حکام اس کی تردید کرتے ہیں۔
روس کا ’ انتہائی خطر ناک زہر‘
ڈبل ایجنٹ سرگئی سکرپل کو اعصاب کو مفلوج کرنے والا ایک ایسا زہر دیا گیا تھا جس کے بارے میں بہت کم معلومات میسر ہے۔ اس نرو ایجنٹ کا تعلق کیمائی مادے ’نوویچوک‘ سے ہے۔
تصویر: Getty Images/C.J. Ratcliffe
نوویچوک کے معنی ’نئے شخص‘ کے ہیں
روسی زبان میں نوویچوک کے معنی ’نئے شخص‘ کے ہیں حالانکہ اب یہ مادہ نیا نہیں ہے۔ کیمیائی مادوں کی ا یک ایسی قسم سے ہے، جسے انیس سو ستر اور اسی کی دہائی میں بنایا گیا تھا۔ نوویچوک 5 اور نوویچوک 7 دنیا کے خطرناک ترین سمجھے جانے والے کیمیائی ہتھیار ’وی ایکس‘ سے بھی آٹھ گنا زیادہ خطرناک ہیں۔
سویت دور میں کچھ کم خطرناک کیمیائی مادوں کو کیڑے مار ادویات قرار دیتے ہوئے ان کے بارے معلومات عام کی گئی تھیں۔ تجزیہ کاروں کی رائے میں اس وقت اس تحقیق کو ایک سویلین پروگرام کے طور پر دکھایا گیا تھا۔
تصویر: picture-alliance/dpa/AP Photo/A. Matthews
نوویچوک مادوں کی تیاری
ڈی ڈبلیو سے گفتگو کرتے ہوئے برطانیہ کی ’نارتھ رومبیا یونیورسٹی‘ میں زہریلے مادوں پر تحقیق کرنے والی ڈاکٹر میشیل کارلن نے کہا،’’نوویچوک مادوں کو اس لیے تیار کیا گیا تھا تاکہ انسداد کیمیائی ہتھیاروں کے کنونشن سے کسی طرح بچا جا سکے۔‘‘
تصویر: Northumbria University
نوویچوک مادوں پر پابندی
آج کیمیائی ہتھیاروں کے کنونشن میں نوویچوک مادوں پر پابندی عائد ہے۔ ابھی تک یہ معلوم نہیں ہے کہ نوویچوک کو سکرپل اور ان کی بیٹی کو زہر دینے کے لیے کس طرح استعمال کیا گیا۔
تصویر: picture-alliance/dpa/Sputnik/I. Pitalev
نوویچوک دیگر نرو ایجنسٹس کی طرح ہی ردعمل ظاہر کرتا ہے
کارلن بتاتی ہیں،’’ نوویچوک دیگر نرو ایجنسٹس کی طرح ہی ردعمل ظاہر کرتا ہے۔ یہ زہر جسم میں جاتے ہی ایک پروٹین چین ری ایکشن برپا کر دیتا ہے جس سے فوری طور جسم کے ٹشوز اور اعضاء متاثر ہونا شروع ہو جاتے ہیں۔‘‘
تصویر: Getty Images/C.J. Ratcliffe
بڑا نخطر
کارلن کے مطابق نوویچوک کا فضا میں ہونا محدود وقت تک نقصان دہ ہوتا ہے۔ یہ نرو ایجنٹ کا استعمال کرنے والے ایک بڑا نخطرہ مول لیتے ہیں، ’’ اگر مختلف مادوں کو مکس کیا جاتا ہے تو اس وقت ایک بڑا مسئلہ پیدا ہو سکتا ہے۔’‘