مٹ ڈیمن ہالی ووڈ کے مشہور ترین اداکاروں میں سے ایک ہیں۔ انہوں نے امریکی صدارتی انتخابات سے پہلے جرمن داراحکومت برلن کے ایک اخبار کو انٹرویو دیتے ہوئے کہا تھا،’’کیا پتا کہ ٹرمپ کے بطور صدر منتخب ہونے کے بعد میں امریکا چھوڑ کر برلن میں آباد ہو جاؤں‘‘۔ ڈیمن اکثر اپنے بیانات میں ٹرمپ کی مخالفت کرتے رہے ہیں۔

معروف امریکی اداکارہ اور گلوکارہ شیر کا کہنا تھا،’’اگر ٹرمپ انتخابات میں کامیاب ہو گئے تو میں امریکا چھوڑ کر ’’مشتری‘‘ کی جانب کوچ کر جاؤں گی۔

مشہور سیریز ’بریکنگ بیڈ‘ کا مرکزی کردار ادا کرنے والے برائن نے کہا تھا،’’ اگر ٹرمپ امریکا کے نئے صدر بن گئے تو وہ امریکا چھوڑ کر مہاجرت اختیار کر لیں گے۔‘‘

امریکا کی خاتون کامیڈین اور اسکرپٹ رائٹر ’ایمی شومر‘ نے کہا تھا کہ اگر ڈونلڈ ٹرمپ صدارتی انتخابات میں کامیاب ہو کر امریکا کے آئندہ صدر منتخب ہو گئے تو وہ امریکا میں نہیں رہیں گی بلکہ امکاناً اسپین جا بسیں گی۔

جان اسٹیورٹ امریکی ٹیلی وژن کے ایک مقبول پروگرام ’ڈیلی شوُ‘ کے میزبان رہے ہیں۔ وہ سن 1999 سے سن 2015 تک یہ شو‌ُ کرتے رہے۔ اُن کے بقول،’’ ٹرمپ کی کامیابی کی صورت میں ایک راکٹ لے کر کسی دوسرے سیارے کی طرف چلا جاؤں گا کیونکہ ہمارا سیارہ تو دیوانہ ہو چُکا۔‘‘

فلم سیریز ’اسکریم‘ میں اداکاری کا کمال دکھانے والی ’نیو کیمبل‘ نے کہہ دیا تھا کہ ٹرمپ کے صدر منتخب ہونے کی صورت میں وہ اپنے وطن کینیڈا لوٹ جائیں گی۔

میلے سائرس امریکا کے صدارتی انتخابات کی مہم میں ڈیموکریٹ امیدوار ہلیری کلنٹن کے لیے انتھک محنت کر رہی تھیں اور ہلیری کو امریکا کی پہلی خاتون صدر کے طور پر دیکھنا چاہتی تھیں۔ ٹرمپ کی جیت نے ان کے جذبات کو بہت مجروح کر دیا وہ اپنے آنسوؤں پر قابو نا رکھ پائیں اور اُن کا کہنا تھا،’’ میں ٹرمپ کے صدر بننے کے بعد اپنا ملک چھوڑ دوں گی۔‘‘

چیلسی نے امریکا کے صدارتی انتخابات سے کافی پہلے ہی امریکا سے باہر ایک گھر خرید لیا تھا اور انہوں نے کہا تھا، ’’ میں ڈونلڈ ٹرمپ کے صدر منتخب ہونے کی صورت میں اُن لوگوں سے مختلف قدم اُٹھاؤں گی جو محض امریکا چھوڑنے کی دھمکی دے رہے ہیں۔ میں عملاً یہ کر دکھاؤں گی۔‘‘

امریکی صدارتی الیکشن سے پہلے ’ڈیلی بیسٹ ویب سائٹ‘ کو ایک انٹرویو دیتے ہوئے ان کا کہنا تھا،’’اگر ہلیری کلنٹن صدر منتخب نہ ہوئیں تو میں امریکا ترک کر کے کینیڈا چلی جاؤں گی۔‘‘

Let´s get loud امریکی گلوکارہ جینیفر لوپیز کا ایک گیت ہے۔ انہوں نے بھرپور انداز میں ڈیموکریٹک امیدوار ہلیری کلنٹن کی حمایت کی۔ جان بون جووی بھی کلنٹن کے حق میں نکلے۔ ’’Love Trumps Hate‘‘ کے عنوان کے تحت ان گلوکاروں نے ملک بھر میں مفت کنسرٹس بھی کیے۔

معروف امریکی گیت نگار اور گلوکارہ کیٹی پیری نے کنسرٹس کے ساتھ ساتھ ہلیری کلنٹن کے اُن اجتماعات میں بھی شرکت کی، جو انہوں نے طلبہ ہوسٹلز میں منعقد کیے۔ پیری کی حمایت کی انتہا اس وقت ہوئی، جب انہوں نے ایک ویڈیو میں برہنہ ہو کر کلنٹن کے حامیوں سے کہا کہ وہ ووٹ ڈالنے ضرور نکلیں۔

ایک ویڈیو میں اداکار روبرٹ ڈی نیرو نے واضح کر دیا کہ وہ کس امیدوار کی حمایت کر رہے ہیں۔ انہوں نے کہا، ’’وہ لوگ جو میرے اجتماع میں احتجاج کریں گے میں ان کے چہرے پر تھپڑ رسید کروں گا، میں شوق سے انہیں تھپڑ ماروں گا۔ کیا ہمیں ایک ایسا صدر چاہیے؟ میرے خیال میں نہیں۔

کلائنٹ ایسٹوڈ کے مطابق، ’’ہمارا ڈرپوک افراد کی نسل سے تعلق ہے‘‘۔ وہ اسی لیے ریپبلکن امیدوار کے ووٹ دیں گے، گو کہ وہ ڈونلڈ ٹرمپ کے مداح نہیں ہیں۔ اداکار ایسٹ وڈ کے مطابق وہ ٹرمپ کو کم برا سمجھتے ہیں۔

کچھ امریکی اداکار ایسے بھی ہیں، جنہوں نے براہ راست ٹرمپ کی حمایت نہیں کی۔ اس کی وجہ یہ ہے کہ کہیں ان کی ساکھ کو نقصان نہ پہنچے۔ چارلی شین نے ابتدا میں ٹرمپ کی مخالفت کی تھی تاہم بعد میں انہوں نے کہا،’’ اگر ڈونلڈ ٹرمپ نے مجھے اپنا نائب بننے کی پیشکش کی تو میں فوراً قبول کر لوں گا۔‘‘

ڈونلڈ ٹرمپ کہیں صدر نہ بن جائیں۔ اس مقصد کے لیے اداکارہ میریل اسٹریپ نے ڈیموکریٹک پارٹی کی حمایت کرنے کی ٹھانی۔ وہ بہت پر اعتماد ہیں اور کہتی ہیں،’’ہلیری کلنٹن ریاست ہائے متحدہ کی اگلی صدر ہوں گی۔‘‘

ہالی وڈ اسٹار جارج کلونی اُس وقت سے خود کو ہلیری کلنٹن کا مداح کہتے ہیں، جب وہ سینیٹر تھیں۔ یہ تصویر 2003ء کی ہے۔ اس مرتبہ کلنٹن کی انتخابی مہم کے لیے چندہ جمع کرنے کے لیے انہوں نے لاس اینجلس میں اپنے کوٹھی میں ایک عشائیے کا بھی اہتمام کیا تھا۔ اس میں شرکت کے لیے فی کس تقریباً ساڑھے تینتس ہزار ڈالر کا چندا دینا ضروری تھا۔

ہلیری کلنٹن کی ایک ٹاک شو میں شرکت بھی ان کی انتخابی مہم پر مثبت انداز میں اثر انداز ہوئی۔ میزبان ایلن ڈیگینیرس، مزاح نگار ایمی شومر اور پاپ اسٹار پنک کے ساتھ مل کر کلنٹن نے بھی اسٹیج پر رقص کیا۔

شوبز کی دنیا کی بات کی جائے تو ٹرمپ کے حامیوں کی فہرست میں کلنٹن کے مقابلے میں کم نام دکھائی دیں گے۔ معروف ریسلر ہولک ہوگن، عالمی شہرت یافتہ باکسر مائک ٹائسن اور گلوکار کڈ روک نے ریپبلکن امیدوار کے حق میں آواز اٹھائی۔ تاہم ٹرمپ کی انتخابی مہم میں ان میں سے کوئی بھی باقاعدہ طور پر شریک نہیں ہوا۔

گلوکارہ میلے سائرس نے ہلیری کلنٹن کے لیے ورجینیا کے ایک کالج کا دورہ کیا اور انہوں نے ہوسٹلز کے ہر دروازے پر دستک دی۔ وہ خود بھی خواتین کے حقوق کی خاطر مہم چلا رہی ہیں اور خود کو دنیا میں حقوق نسواں کی سب سے بڑی علمبردار کہتی ہیں۔ وہ چاہتی ہیں کہ کلنٹن وائٹ ہاؤس میں پہلی خاتون صدر کے طور پر پہنچیں۔

سماجی ویب سائٹس پر بہت سے نوجوانوں اداکاروں نے ہلیری کلنٹن کے حق میں مہم چلائی۔ ریئیلٹی ٹی وی اسٹار کم کارڈاشیئن نے اپنے ٹویٹر اکاؤنٹ پر کلنٹن کے ساتھ اپنی سیلفی پوسٹ کی۔ کم کارڈاشیئن کے ٹویٹر پر پچاس میلن سے زائد فین ہیں۔