آسٹریا کے دارالحکومت ویانا میں ہونے والے یورو وژن کا فائنل سویڈش نوجوان مانز سیمرلُو نے جیتا۔ ان کے گیت ’ہیروز‘ نے بقیہ چھبیس گیتوں کو بہت پیچھے چھوڑ دیا۔ اسے سویڈن میں پاپ میوزک کی صنعت کے لیے بہت بڑی کامیابی قرار دیا جا رہا ہے۔ اسی وجہ سے اگلا یورو وژن سونگ کانٹَیسٹ سویڈن میں منعقد ہو گا۔

مانز سیمرلُو گزشتہ دس برسوں سے اپنے ملک کے ایک معروف گلوکار ہیں۔ ان کے پاپ گیت ’ہیروز‘ کو کل 365 پوائنٹس ملے۔ یہ گیت صرف فنکارانہ حوالے سے ہی شاندار نہیں تھا بلکہ اس دوران کمپیوٹر اینیمیشن کے ذریعے اسٹیج پر مختلف خدوخال بھی پیش کیے گئے، جنہیں بہت سراہا گیا۔

ووٹنگ کے دوران کافی دیر تک روس کی پولینا گاگارینا کا گیت One Million Voices پہلے نمبر پر تھا اور امید کی جا رہی تھی کہ وہ جیت جائیں گی۔ لیکن اختتام سے کچھ دیر پہلے تک پوائنٹس ٹیبل کا نقشہ بدل چکا تھا۔ پولینا گاگارینا کو جرمنی کی جانب سے بارہ پوائنٹس دیے گئے تھے۔ گاگارینا کے مجموعی پوائنٹس کی تعداد 303 تھی۔

تین گلوکاروں پر مشتمل اطالوی گروپ اِل وُولو کو 292 پوائنٹس ملے اور اس طرح ان کا نمبر تیسرا رہا۔ ان کا گیتGrande Amore یعنی عظیم محبت اوپرا اور پاپ موسیقی کا خوبصورت امتزاج تھا۔

بیلجیم کے انیس سالہ گلوکار لوئک نوٹیٹ کے گیت Rhythm Inside کو گزشتہ شام کا سب سے کُول یا مست گیت قرار دیا گیا۔ مداحوں کی جانب سے ان کی آواز کی بے حد تعریف کی گئی جبکہ گانے کے دوران اسٹیج پرفارمنس بھی دیکھنے سے تعلق رکھتی تھی۔

اس مرتبہ یورو وژن مقابلے میں آسٹریلیا کو پہلی مرتبہ اعزازی مہمان کے طور پر دعوت دی گئی تھی۔گائے سیباستیان کا Tonight Again گو کہ ایک پرکشش گیت تھا لیکن اس کے باوجود وہ پانچویں نمبر سے آگے نہ بڑھ پایا۔

سرخ لباس میں ملبوس لیٹویا کی امیناتا سواڈوگا کی اسٹیج پرفارمنس کو انتہائی جرات مندانہ قرار دیا گیا۔ انہوں نے اپنے گیت Love Injected کے دوران خاص انداز میں تھرک کر خاصی داد وصول کی۔ وہ چھٹے نمبر پر رہیں۔

جرمن گلوکارہ اَین سوفی اپنے گیت Black Smoke کے ساتھ اس سالانہ یورپی مقابلے کے فائنل میں ایک پوائنٹ بھی حاصل نہ کر سکیں اور یوں جرمنی فائنل میں شریک 27 ملکوں میں سے 26 ویں نمبر پر رہا۔ اس کے باوجود 24 سالہ سوفی کا کہنا تھا، ’’مجھے بہت مزہ آیا۔‘‘ گزشتہ پچاس برسوں میں یہ پہلی مرتبہ ہے کہ جرمنی یورو وژن مقابلے میں اس نمبر پر آیا ہے۔

گزشتہ برس گیتوں کا یہ مقابلہ آسٹریا نے جیتا تھا ۔ میک میکس Makemakes کا گیت I am yours آسٹریا کے ہمسایہ ملک جرمنی کے گیت کی طرح ایک بھی پوائنٹ حاصل نہ کر پایا۔ ماہرین نے اسے آسٹریا کی انتہائی مایوس کن کارکردگی قرار دیا ہے۔

یورو وژن مقابلے کے انتظامات کے حوالے سے آسٹریا کی بہت تعریف کی جا رہی ہے۔ صرف وہاں پر موجود افراد نے ہی نہیں بلکہ ٹیلی وژن پر اس شو کو لائیو دیکھنے والے دو سو ملین افراد نے بھی انتظامات، جگمگاتی روشنیوں اور اسٹیج پر موجود قمقموں کو قابل دید قرار دیا۔

آبا کا یہ گیت سن 1974 کے یورو وژن مقابلے میں بہترین قرار پایا تھا۔ یہ گیت خاص طور پر یورو وژن کے لیے ہی لکھا گیا۔ حقیقت میں اسی گیت نے آبا کی عالمگیر شہرت کی بنیاد رکھی تھی۔ سن 2005 میں یورو وژن کی پچاسویں سالگرہ کے موقع پر اس گیت کو میوزیکل مقابلے کی تاریخ کا سب سے بہترین گیت قرار دیا گیا۔ نپولین کی واٹر لو کے مقام پر شکست کےتناظر میں گیت نسائی محبت کے اظہار کا شاہکار ہے۔

یہ گیت سن 1975 میں جاری کیا گیا۔ اس گیت کو بھی واٹر لُو کے بعد شائقین و ناقدین کی جانب سے انتہائی زیادہ پذیرائی حاصل ہوئی۔ پاپ موسیقی کی دنیا میں اس گیت کی بندش یا کمپوزیشن کو بہترین خیال کیا جاتا ہے۔

یہ گیت آبا کا سب سے مقبول اور بہترین گیت قرار دیا جاتا ہے۔ یہ سن 1976 میں ریلیز ہونے والے چوتھے البم میں شامل کیا گیا۔ اس گیت کو خاص طور پر اُس دور کی امریکی ڈسکو موسیقی کے رحجان کو یورپی طرز دی گئی۔ آج بھی کسی بھی ڈانسنگ فلور پر یہ گیت شائقین کو تھرکنے پر مجبور کر دیتا ہے۔

پرفارمنس کے دوران میوزیکل بینڈ آبا کا مجموعی رویہ اور بھڑکیلے پہناوے انتہائی منفرد ہوا کرتے تھے۔ کیمونے طرز کے ڈریس کو پہلی مرتبہ آبا نے ’منی منی منی‘ گیت میں پہنا تھا۔ یہ گیت اُن کے البم ’آرائیول‘ کا حصہ تھا اور ڈانسنگ کوئین کے فوری بعد ریلیز کیا گیا۔ اس گیت کی ریلیز کے وقت آبا پر دولت کی بارش شروع ہو چکی تھی۔

سن 1976 میں یہ گیت ریلیز کیا گیا۔ اس گیت نے بھی فروخت کا نیا ریکارڈ قائم کیا۔ یہ گیت آزادی کی جنگ کے دو پرانے فائٹرز کی ٹیکساس اور میکسیکو کی سرحد پر ہونے والی ملاقات پر مبنی ہے۔ آبا کے رُکن اور گیت نگار بیژورن اُلوائیس نے اس گیت کے حوالے سے کہا کہ چھوٹی چھوٹی کہانیوں کو گیتوں میں شامل کرنا انہیں بہت پسند تھا۔

آبا میوزیکل بینڈ میں داخلی رشتوں کی ٹوٹ پھوٹ کے بعد ریلیز کیا جانے والا یہ پہلا گیت سن 1977 میں ریلیز کیا گیا۔ آبا میں بیژورن اُلوائیس کی شادی اگنتھا فیلٹ سکوگ جب کہ آنی فریڈ لنگسٹڈ کی شادی بینی اینڈرسن سے تھی۔ یہ دونوں شادیاں اس میوزیکل بینڈ کی شہرت کے عروج پر ٹوٹنا شروع ہو گئیں تھیں۔

سن 1980 میں ریلیز کیا جانے والا یہ گیت محبت کی ناکامی سے پیدا ہونے والی اداسی کا اظہار ہے۔ یہ گیت خاص طور پر آبا گروپ کے اراکین کے تعلقات میں پیدا ہونے والی دراڑوں کا عکاس خیال کیا جاتا ہے۔ اس گروپ کے دو جوڑوں کی شادیاں سن 1979 اور سن 1981 میں طلاق کے انجام پر پہنچیں۔ اس ٹوٹ پھوٹ کے باوجود میوزیکل بینڈ متحد رہا۔

سن 1975 کا مقبول گیت ایک فلم کا عنوان بنا دیا گیا۔ ماما میا نامی فلم میں میرل اسٹریپ نے مرکزی کردار ادا کیا۔ ماما میا ایک اطالوی ترکیب ہے، جس کا مطلب ’ مائی ممی یا میری امی‘ ہے۔ اس کی ادائیگی میں حیرانی کو شامل کرنا بہت بھلا لگتا ہے۔

سن 1979 میں ریلیز کیے جانے والے گیت کے لیے عنوان ہسپانوی زبان کا لفظ ’چیکیٹا‘ یعنی اُنسیت رکھا گیا۔ اس مقبول گیت کا آغاز آبا کے گیتوں کی روایت سے ہٹ کر ایک لوری سے ہوتا ہے۔ اس کے ویڈیو میں بینڈ کے اراکین ایک انتہائی بڑے اسنو مین کے ساتھ گیت گا رہے ہیں۔

آبا نے اپنے ایک اور مقبول گیت کا عنوان فرانسیسی زبان سے لیا۔ فرنچ میں ’وولی وُو‘ کے معنی کیا تمہیں چاہیے ہے۔ یہ گیت بھی سن 1979 میں ریلیز کیا گیا تھا۔ اس گیت کی ریلیز کے بعد مختلف البم ضرور سامنے آئے لیکن کوئی نیا گیت ریلیز نہیں کیا گیا۔ سن 1982 کے بعد آبا فعال نہیں رہا لیکن اس میوزیکل بینڈ نے کبھی تحلیل ہونے کا اعلان نہیں کیا۔ اب یہ مقبول گروپ پھر سے فعال ہونے جا رہا ہے۔