امیدوں پر پانی
6 جولائی 2008اشتہار
پاکستان میں یہ تاثرعام ہےکہ نئی جمہوری حکومت اپنے پہلے سو دنوں میں عوامی توقعات پر پورا اترنے میں کامیاب نہیں ہو سکی ہے۔ یوسف رضا گیلانی نے 29 مارچ کو حلف اٹھاتے وقت جو پہلے سو دنوں کا جو پلان دیا تھا۔ وہ پلان ہی رہا۔ عوام کی حالت بہتر بنانےکہ جو وعدےکئے تھے وہ وعدے ہی رہے۔ حکومت مزدورں کے لئےاعلان کردہ کم سے کم معاوضےپرعمل درآمد کرانے اوربے روزگاری کو کم کرنےمیں ناکام رہی ہے۔ عوامی حلقوں کا یہ بھی کہنا کہ دہشت گردی کے خاتمے اور معذول عدلیہ کی بحالی جیسے مسائل کے حل کے لئے بھی حکومت کی جانب سے کوئی ٹھوس اقدام سامنے نہیں آیا ہے۔