بھارت کے لیجنڈری اداکار امیتابھ بچن فلموں میں آنے سے قبل ایک شپنگ کمپنی میں ملازمت کرتے تھے۔ اُن کو پہلی ملنے والی تنخواہ پانچ سو روپے تھی۔

’دبنگ فیم‘ سلمان خان نے اپنا کیریئر اسٹیج ڈانس پرفارمر کے طور پر شروع کیا تھا۔ سلمان کو ایک ڈانس شو کے پچھتر روپے ملا کرتے تھے۔

معروف کیریکٹر ایکٹر عرفان خان اداکاری میں آنے سے قبل ٹیوشن پڑھایا کرتے تھے جس کے انہیں پچیس روپے ملے تھے۔

کلکی اداکاری سے پہلے انگلینڈ کے ایک کیفے میں ویٹرس کا کام کرتی تھیں۔ اُن کی پہلی آمدنی چالیس پونڈ تھی۔

شہرہ آفاق بولی ووڈ ہیرو دھرمیندر کو اُن کی پہلی فلم ’دل بھی تیرا ہم بھی تیرے‘ کے لیے کام کرناے کا معاوضہ اکیاون روپے ادا کیا گیا تھا۔

بالی ووڈ کے مشہور ایکٹر رندیپ ہڈا آسٹریلیا میں ایک ریستوران میں بطور ویٹر کام کرتے تھے۔ اس کام کے لیے انہیں فی گھنٹہ آٹھ آسٹریلین ڈالر اجرت ملی تھی۔

شاہ رخ خان آج بھارتی فلم انڈسٹری کے چوٹی کے ہیرو شمار ہوتے ہیں لیکن یہ کوئی نہیں جانتا کہ اداکاری کے میدان میں قدم رکھنے سے قبل خان نے کیا کیا پاپڑ بیلے۔ شاہ رخ خان ٹرینوں میں ریزرو نشتیں کسی مسافر کے ہاتھ بیچ دیتے تھے اور اس طرح کچھ پیسے بنا لیا کرتے تھے۔

قابل اور حسین اداکارہ اور معروف بھارتی اداکار انیل کپور کی صاحبزادی سونم کپور نے اپنی عملی زندگی کا آغاز اسسٹنٹ ڈائریکٹر کی حیثیت سے کیا تھا اور انہیں ماہانہ تین ہزار روپے تنخواہ ملتی تھی۔

رتک روشن نے چائلڈ آرٹسٹ کی حیثیت سے سو روپے معاوضے کے بدلے کام کا آغاز کیا تھا۔

عامر خان نے فلموں میں بطور اسسٹنٹ ڈائریکٹر کام کا آغاز کیا اور انہیں جو پہلی تنخواہ ملی وہ ایک ہزار روپے تھی۔

نصیرالدین شاہ بھارتی آرٹ فلموں کے ایک مایہ ناز اداکار ہیں۔ سوشل موضوعات پر اُن کی بیشتر فلمیں بار بار دیکھنے کے قابل ہیں۔ یہ امر دلچسپی سے خالی نہیں کہ شاہ پہلی بار ایک فلم میں چتا کو آگ لگائے جانے کے ایک سین میں ارد گرد کھڑے تماشائیوں میں شامل تھے اور اس کام کے لیے انہیں ساڑھے سات روپے ملے تھے۔

رومانوی فلموں کے ہیرو عمران ہاشمی کو ایک مچھر مار دوا کے ٹی وی اشتہار میں کام کرنے کے عوض 2500 انڈین روپے بطور معاوضہ دیے گئے تھے۔

سری ديوی نے پہی مرتبہ صرف چار برس کی عمر ميں سن 1969 ميں ايک فلم ميں کام کيا تھا جس کے بعد وہ تامل، تيلگو، ملیايم اور کانڑا زبانوں کی مختلف فلموں ميں کام کرتی رہيں۔ بالی ووڈ کے اپنے سفر کا آغاز انہوں نے سن 1975 ميں جُولی فلم سے کيا۔ اس وقت ان کی عمر تيرہ برس تھی۔

ہندی سينما ميں سری ديوی کو پہلی مرتبہ مرکزی کردار سن 1979 ميں ريليز ہونے والی فلم ’سولہواں ساون‘ ميں ملا تاہم شہرت کے اعتبار سے سن 1983 ميں بننے والی فلم ’ہمت والا‘ ان کے ليے يادگار ثابت ہوئی۔ بعد ازاں سری ديوی نے موالی، تحفہ، نيا قدم، ماسٹر جی، مقصد، نذرانہ، مسٹر انڈيا، وقت کی ‌آواز اور چاندنی جيسی کئی کامياب فلموں ميں اپنی اداکاری کے جوہر دکھائے۔

سن 1970 اور سن 1980 کی دہائيوں ميں سری ديوی سب سے زيادہ معاوضہ حاصل کرنے والے اداکاوں ميں شامل تھيں۔ صرف يہ ہی نہيں وہ اس دور کی کامياب اور معروف ترين خاتون ہيروئن تھيں اور انہوں نے ہندی کے علاوہ تامل اور تيلگو فلمی صنعتوں ميں بھی نام کمايا۔

بھارتی حکومت نے فلم انڈسٹری کے ليے ان کی خدمات پر سن 2013 ميں سری ديوی کو پدم شری ايوارڈ سے نوازا، جو بھارت کا چوتھا اہم ترین سول ایوارڈ ہے۔ اس کے علاوہ کيريئر کے دوران انہيں تامل ناڈو، آندھرا پرنديش اور کيرالا کی رياستوں نے بھی مختلف اعزازات ديے۔ سی اين اين آئی بی اين کے سن 2013 ميں کرائے گئے ايک سروے ميں سری ديوی کو ’پچھلے ايک سو سال ميں بھارت کی سب سے زبردست اداکارہ‘ قرار ديا گيا۔

سن 1997 ميں جدائی فلم ميں کام کرنے کے بعد سری ديوی نے فلمی دنيا سے کچھ سالوں کے ليے وقفہ ليا اور پھر سن 2012 ميں انگلش ونگلش ميں جلوہ گر ہوئيں۔ کئی سال بڑی اسکرين سے دور رہنے کے باوجود اس فلم ميں سری ديوی کی اداکاری نے نہ صرف بھارت بلکہ مغربی دنيا ميں بھی دھوم مچا دی۔