پاکستان اور آسٹريليا کے مابين سيريز کا تيسرا اور آخری ايک روزہ ميچ پرتھ کے ميدان پر کھيلا گيا۔ پاکستان نے تیسرے ون ڈے میں آسٹریلیا کے خلاف ٹاس جیت کر بولنگ کا فیصلہ کیا تھا۔

آج بھی پاکستانی فاسٹ بولرز نے ٹیم کو اچھا آغاز فراہم کیا، نسیم شاہ نے 20 رنز پر پہلی اور شاہین آفریدی نے 36 رنز پر دوسری وکٹ حاصل کی۔ ميزبان ٹيم پہلے بيٹنگ کرتے ہوئے 31.5 اوورز ميں 140 کے اسکور پر ڈھير ہو گئی۔

 پاکستان کے ليے شاہين شاہ آفريدی اور نسيم شاہ نے تين تين جبکہ حارث رؤف نے دو اور محمد حسنين نے ايک وکٹ لی۔ آسٹريليا کے ليے شان ايبٹ تيس کے انفرادی اسکور کے ساتھ سب سے نماياں کھلاڑی رہے۔

پاکستان کی جانب سے عبداللّٰہ شفیق اور صائم ایوب نے اننگ کا آغاز کیا اور دونوں بیٹرز نے پُراعتماد انداز سے بیٹنگ کی اور 84 رنز کی پارٹنرشپ قائم کی۔ جواب ميں مہمان ٹيم نے 26.5 اوورز ميں دو وکٹوں کے نقصان پر 143 رنز اسکور کر کے يہ ميچ آٹھ وکٹوں سے جيت ليا۔ اوپنرز سيم ايوب 42 اور عبداللہ شفيق 37 رنز بنا کر پويلين لوٹے جبکہ بابر اعظم 28 اور محمد رضوان 30 کے اسکور پر ناٹ آؤٹ رہے۔

خواتین کے ٹی 20 کرکٹ ورلڈ کپ کا آغاز

کھیل میں سیاست، کرکٹ کی زبوں حالی

’پاکستان کی کرکٹ ختم ہو گئی‘

بطور ايک روزہ ٹيم کے کپتان محمد رضوان کی يہ ان کی اولین سيريز میں فتح ہے۔ ايک روزہ سيريز ميں پاکستان کی ٹيم آسٹريليا ميں 2002ء کے بعد پہلی مرتبہ کاميابی حاصل کر پائی ہے۔ اس سے قبل 2002ء میں پاکستان نے 3 ون ڈے میچز کی سیریز 1-2 سے جیتی تھی۔

آسٹريليا ميں اب پاکستان کی ٹيم تين ٹی ٹوئنٹی ميچز کھيلے گی، جو جمعرات سے شروع ہو رہے ہيں۔

ع س / ش خ (روئٹرز)