گزشتہ برس ’برِک اینڈ مارٹر ریٹیلرز‘ نے ساڑھے چار ارب یورو سے زائد کا سامان فروخت کیا۔ ان میں پالتو جانور، ان کی خوراک کھلونے اور بستر وغیرہ شامل ہیں۔ اسی طرح وباء کے دوران جنگلی پرندوں کی خوراک کو بھی شامل کیا جائے تو یہ ساڑھے پانچ ارب یورو بنتے ہیں۔

کتے انسان کے بہترین دوست ہوتے ہیں اور ان کا جرمنی میں کثرت سے پایا جانا کوئی تعجب کی بات نہیں۔ گزشتہ ایک سال کے دوران اس جانور کی قیمت اور فروخت میں واضح اضافہ ہوا ہے اور جرمنی میں پالتو کتوں کی تعداد تقریباً دس ملین تک پہنچ گئی ہے۔ وباء کے دوران کتے پرُ تعیش مشغلہ ہی نہیں بلکہ بہت سے انسانوں کی تنہائی کے ساتھی بن چکے ہیں۔

لیکن جرمنی میں بلیاں ’بادشاہ‘ ہیں۔ جرمنی میں اس وقت 15.7 ملین پالتو بلیاں پائی جاتی ہیں۔ یہ پالتو جانوروں کی مجموعی تعداد کا ایک تہائی بنتی ہیں۔ بلیوں کی دیکھ بھال دیگر جانوروں کی نسبت آسان تصور کی جاتی ہے۔ وباء کے دوران بلیوں کے دودھ اور سنیکس کی خریداری میں قریب ساڑھے نو فیصد اضافہ ریکارڈ کیا گیا۔

گزشتہ ایک برس کے دوران جرمنی میں تقریباً دس لاکھ نئے پالتو جانور خریدے گئے ہیں۔ اب تقریبا سینتالیس فیصد جرمن گھرانوں میں کوئی نہ کوئی پالتو جانور موجود ہے۔ ان میں تقریباً پانچ ملین خرگوش، ہیمسٹرز اور چوہوں جیسے چھوٹے جانور شامل ہیں۔ پرندوں کی تعداد ساڑھے تین لاکھ بنتی ہے جبکہ اٹھارہ لاکھ ایکویریم ہیں۔ کچھوؤں اور چھپکلیوں وغیرہ کی تعداد تیرہ لاکھ ہے۔

جرمن بھی جانوروں سے محبت کرتے ہیں لیکن سن 2019ء کے اعداد و شمار کے مطابق پالتو جانوروں کی خریداری میں سوئٹزرلینڈ، فرانس اور برطانیہ جرمنی سے بھی آگے ہیں۔ سرفہرست امریکا ہے، جہاں جرمن باشندوں کی نسبت پالتو جانوروں پر دگنی رقم خرچ کی جاتی ہے۔

جانوروں کے لیے عام مصنوعات کو بھول جائیے۔ پالتو جانوروں کے امیر مالکان ٹیفنی اور پراڈا جیسے برانڈز کے بیگ خریدتے ہیں۔ جانوروں کے لیے ورساچے کے فوڈ باؤلز، رالف لورن کے سویٹر اور مونکلر کی جیکٹیں خریدی جاتی ہیں۔ انسٹاگرام کی تصاویر کے لیے پالتو جانوروں کو پہنائے جانے والے مہنگے لباس ان کے علاوہ ہیں۔

بہت سے ملازمین گھروں میں بیٹھ کر کام کر رہے ہیں۔ پالتو جانوروں کے لیے تو یہ اچھی بات ہے لیکن ڈے کیئر بزنس کے لیے ایک بری خبر۔ لیکن مجموعی طور پر پالتو جانوروں کے لیے آن لائن خریداری میں اضافہ ہوا ہے۔ اس مد میں سولہ فیصد اضافے کے ساتھ گزشتہ ایک برس کے دوران 820 یورو خرچ کیے گئے۔

کئی پالتو جانوروں کی قیمتوں میں اضافہ ہوا ہے اور اسی وجہ سے خوف پایا جاتا ہے کہ جرائم پیشہ افراد ان کی چوریاں اور اسمگلنگ شروع کر دیں گے۔ یہ خوف بھی ہے کہ لاک ڈاؤن کے بعد بہت سے لوگوں کو ان پالتو جانوروں کی ضرورت نہیں رہے گی اور شیلٹر ہاؤسز کے مسائل میں اضافہ ہو جائے گا۔

جرمنی میں پالتو جانوروں کے اندراج کے لیےTasso e.V کے نام سے باقاعدہ ایک ایسوی ایشن قائم ہے۔ اس ایسوسی ایشن کے مطابق 2022ءمیں جرمنی میں کتوں اور بلیوں کا سب سے مشہور نام لونا تھا۔ ایسوسی ایشن کے پاس ملک بھر میں موجود 11 ملین جانوروں کا ڈیٹا ہے۔ وہ ہر سال سب سے زیادہ مشہور پالتو جانوروں کے نام اور کتوں کی نسلوں سے متعلق مواد شائع کرتے ہیں۔ لونا ایک دہائی سے ان کی فہرست میں سرفہرست ہے۔

مادہ بلیوں کا ایک مشہور نام میمی ہے۔ بلیاں جرمنوں کا پسندیدہ پالتو جانور ہیں۔ سینٹرل ایسوسی ایشن آف زولوجیکل اسپیشلسٹ (ZZF) کی ایک ماہر انٹژے شرائیبرکے مطا بق 2021ء میں جرمن گھرانوں میں تقریباً 34.7 ملین پالتو جانور رہتے تھے، جن میں سے تقریباً 16.7 ملین بلیاں تھیں۔

ان ناموں میں کیا مشترک ہے؟ یہ تمام ڈزنی فلم کے متحرک کردار ہیں۔ سمبا اور نالہ ’’ لائن کنگ‘‘ اور بالو ’جنگل ُبک‘ کا جانا پہچانا کردار یعنی ریچھ ہے۔ Tasso e.V کے مطابق اس کے علاوہ لوکی، ’’دمارول‘‘ کا ایک شاندار کردار ہے اور یہ نام جرمنی میں اکثر نر بلیوں کے لیے رکھا جاتا ہے۔ اپنے چار ٹانگوں والے ساتھیوں کا نام آخر ہم اپنے ہیروز کے نام پر کیوں نہیں رکھ سکتے ؟

پالتو جانور کے نام کا فیصلہ کرتے وقت اس کی شخصیت کے بارے میں ضرور سوچنا چاہیے۔ راکی جرمن گھرانوں میں بلی کا ایک پسندیدہ نام ہے۔ راکی کا تعلق سلویسٹر اسٹالن کی فلم سے ہے۔ یہ فلم ایک ایسے معمولی باکسر کے بارے میں ہے، جو ایک ہیوی ویٹ چیمپیئن سے لڑتا ہے۔ اس قسم کے نام کے لیے بڑی جسامت والی بلی سب سے زیادہ موزوں ہے۔

کتے کے لیے ایک یا دو حرف پر مبنی نام بہت پسند کیا جاتا ہے۔ جس کا اختتام واول پر ہو۔ اس طرح آپ کو اپنے کتے کا نام خود بخود یاد آجائے گا۔ برلن کے ایک علاقے ڈوگابل سے تعلق رکھنے والی جوانا نورزینسکا کہتی ہیں، ’’آپ کتے کو جو کچھ بھی سکھاتے ہیں وہ وہی سنتے ہیں۔‘‘ بیلا بیلا پکارنا آسان ہے لیکن اگر آپ اپنے کتے کو کہیں ’یہاں واپس آؤ‘ تو وہ واپس آنا سیکھے گا۔

فنڈوس نر بلیوں کا ایک مشہور نام ہے اور یہ سویڈن کی بچوں کی ایک مشہور کتاب سیریز سے متاثر ہے جسے سوین نارڈ کوئسٹ نے لکھا اور اس کی تصویر کشی بھی کی۔ یہ کتاب پہلی بار 1984 ء میں شائع ہوئی۔ 1950 ء کی دہائی میں اس سویڈش کتاب کا 55 زبانوں میں ترجمہ ہو چکا ہے۔ یہ خاص طور پر جرمنی میں ایک مقبول نام تھا اور اسے سویڈش-جرمن اینیمیٹڈ ٹی وی سیریز (2000ء-2020ء) میں تبدیل کر دیا گیا تھا۔

مونس کتوں کا ایک مشہور نام ایما ہے۔ بظاہر یہ گزشتہ برسوں میں جرمنی میں خواتین کا ایک مقبول نام بن گیا ہے۔ یہ ایک جرمن لفظ سے ماخوذ ہے، جس کا مطلب ہے عالمگیر۔ کتے اور بلیوں کے لیے عام انسانی نام کی مزید مثالیں ایمی، مایا اور فریڈا ہیں۔ وین اسٹیٹ یونیورسٹی کے ارنسٹ ایبل کا مشاہدہ ہے کہ پنجرے میں بند پالتو جانوروں کے مقابلے میں کتوں اور بلیوں کو انسانی نام دینے کا زیادہ امکان ہے۔

بظاہر انگریزی الفاظ بھی جرمنی میں کتے کے ناموں کے طور پر پسند کیے جاتے ہیں۔ کتے کے بارے میں لوگوں کے احساسات کی ترجمانی ان پالتو کتوں کو دیے گئے ناموں سے بھی ہو سکتی ہے۔ جیسے کہ ’لکی ٹو ہیوآ بڈی‘۔ یعنی بڈی جیسا دوست ہونا خوش قسمتی ہے۔

یہ عرفی نام پیار کی سب سے عام جرمن اصطلاح ہے۔ یہ محبت کرنے والوں، پرانے شادی شدہ جوڑوں، بچوں اور پالتو جانوروں کے لیے بھی استعمال کیا جاتا ہے۔ یہاں تک کہ بہت پیار آئے تو لوگ Schatzi شاٹسی یا Schätzen شیٹسشن کہہ کر بھی پکارتے ہیں۔

بائیڈن کے جرمن شیپرڈ نسل کے کتے کی ٹانگ اس وقت ٹوٹ گئی جب نومنتخب صدر اس کے ساتھ کھیل رہے تھے۔ وائٹ ہاؤس میں قدم رکھنے سے پہلے اب بائیڈن کو ایک بلی دی جائے گی۔ وائٹ ہاؤس میں پہلی مرتبہ پالتو بلی امریکا کے دوسرے صدر رتھرفورڈ ہائس لائے تھے۔

گزشتہ ایک صدی کے عرصے میں ڈونلڈ ٹرمپ ایسے واحد صدر رہے جن کے پاس کوئی پالتو جانور نہیں تھا۔ باراک اوباما کے دو کتے ’بو اور سنی‘ وائٹ ہاؤس میں آخری پالتو جانور تھے۔

سابق امریکی صدر بل کلنٹن کی بلی ’ساکس‘ اور لیبراڈور کتا ان کے ساتھ وائٹ ہاؤس میں رہتے تھے۔ ساکس اوول آفس میں ایک مرتبہ بل کلنٹن کے کندھوں پر چڑھ کر کھیلتی بھی دیکھی گئی تھی۔

صدر جارج ڈبلیو بش کے دور اقتدار میں وائٹ ہاؤس میں تین کتے اور ایک بلی رہتی تھی۔ بش کے پالتو جانوروں میں سب سے مشہور بارنی اور مِس بیزلی تھے۔ یہ دونوں وائٹ ہاؤس کی کئی ویڈیو سیریز میں دکھائی دیتے تھے۔

امریکا کے 32ویں صدر فرینکلن دی روزویلٹ کا کتا ’فالا‘ اب تک کا سب سے مشہور صدارتی پالتو جانور رہا ہے۔ سن 1944 میں روزویلٹ اپنے کتے فالا کو غلطی سے چھوڑ کر ایک جزیرے کی سیر کے لیے روانہ ہوگئے۔ اور ایسی افواہ سامنے آئی کہ روزویلٹ نے ٹیکس دہنندگان کے پیسوں سے امریکی بحری جہاز کے ذریعے فالا کو اپنے پاس منگوا لیا۔ روزویلٹ اس الزام کی تردید کرتے تھے۔

امریکی صدر جان ایف کینیڈی نے اپنی بیٹی کیرولین کو چھوٹی قد کی نسل کا ایک خوبصورت گھوڑا تحفہ دیا تھا۔ اس کا نام ماکارونی تھا۔ موسم سرما کے دوران وائٹ ہاؤس کے صحن میں کیرولین اور اس کے دوست ماکارونی پر گھڑ سواری کرتے تھے۔

وائٹ ہاؤس کا سب سے انوکھا پالتو جانور راکون ممالیہ تھا، جس کا نام ربیکا تھا۔ صدر کیلون کولج کو یہ راکون تھینکس گونگ کے روایتی پکوان میں استعمال کرنے کے لیے تحفہ دیا گیا تھا۔ لیکن جانور دوست صدر نے اس ممالیہ کو ایک پالتو جانور کے طور پر رکھ لیا۔

سن 1820 میں سربراہان مملکت کے لیے غیر ملکی رہنماؤں سے نایاب جانوروں کا تحفہ ملنا معمول کی بات ہوتی تھی۔ صدر جان کوئنسی ایڈمز کو ایک فرانسیسی فوجی جنرل نے ایک مگر مچھ کا بچہ تحفہ دیا تھا۔ بعد ازاں سن 1930 میں صدر ہیبرٹ ہوور کے بیٹے بھی وائٹ ہاؤس میں اپنے ساتھ دو پالتو مگر مچھ لائے تھے۔

چین کی ہاربین یونیورسٹی کے محققین کے مطابق نئے کورونا وائرس پالتو بلیوں میں پھیل سکتا ہے۔ پالتوں بلیاں یہ وائرس اپنی اسپیشیز کے دیگر ارکان میں بھی یہ وائرس منتقل کر سکتی ہیں۔

وائرس منتقلی کی بات سے پالتو بلیوں کے مالکان پریشان مت ہوں۔ بلیوں میں زبردست مدافعاتی نظام ہوتا ہے اور اس لیے وہ زیادہ دیر تک اس وائرس کے پھیلاؤ کا باعث نہیں بنتیں۔ لیکن مشور ہے کہ طبی مسائل کے حامل افراد اپنی بلیوں کو مٹرگشت کو محدود کریں اور صحت مند افراد پالتو بلی پر ہاتھ پھیرنے کے بعد ہاتھوں کو صابن سے دھونا بہت ضروری ہے۔

بلیوں کے مقابلے میں کتوں کے اندر وائرس کی افزائش کا امکان بہت کم ہوتا ہے۔ اس لیے کتوں کے ساتھ اپنے کتوں کے ساتھ کھیل سکتے ہیں۔

اطالوی دارالحکومت روم کے پالتو سؤر اور کتے ایک دوسرے کو وائرس میں مبتلا نہیں کر رہے۔ سؤر کورونا وائرس کی قدرتی ڈھیر بھی تصور نہیں کیا جاتے۔

ہاربین یونیورسٹی میں کی جانے والی ایک تحقیق میں کہا گیا ہے کہ کورونا وائرس کی نئی قسم مسٹیلاڈائی فیملی کے ارکان میں افزائش پا سکتے ہیں۔ اس میں فیریٹس، نیولے اور ان جیسے جانوروں شامل ہیں۔ یہ وائرس ایسے جانوروں کے نتھنوں سے نکلنے والے لعاب کے گرنے سے اِدھر اُدھر پھیل سکتا ہے۔

طبی محققین نے چکن اور اس کے  گوشت یعنی پولٹری کا کاروبار کرنے والوں اور قصائیوں کے لیے پوری طرح محفوظ قرار دیا ہے۔ ماہرین کے مطابق چکن کا گوشت کھانے میں بھی کوئی پریشانی نہیں۔ 

جانوروں سے انسانوں میں وائرس منتقل ہو سکتا ہے، مگر انسانوں سے بھی جانور بیمار ہو سکتے ہیں۔ نیویارک کے برونکس چڑیا گھر میں چار سالہ ملائین چیتا "نادیہ" میں کورونا وائرس کی تشخیص ہوئی ہے۔ کورونا وائرس کی انسان سے کسی جانور میں منتقلی کا یہ پہلا معلوم واقعہ ہے۔

کورونا وائرس کی نئی قسم کا پھیلاؤ چمگادڑوں سے ہوا ہے لیکن ماہرینِ حیوانات کا کہنا ہے کہ سن 2019 کے مہینے دسمبر میں یہ وائرس چمگادڑوں سے کسی اور جانور کے ذریعے انسانوں میں منتقل ہوا تھا۔ اب یہ جانور کون سا ہے؟ یہ ایک سوال ہے جس کا جواب ڈھونڈنے کی کوشش جاری ہے۔