پولیس حکام ریو ڈی جنیرو میں کریک (کوکین کی ایک قسم) کی عادی ایک حاملہ عورت کو گرفتار کر رہے ہیں۔ امریکا میں وباء کی صورت اختیار کرنے کے بیس برس بعد یہ منشیات برازیل میں بھی بڑے پیمانے پر استعمال کی جاتی ہے۔

برازیل کے فلم ساز فرنانڈو ماریلس کی فلم ’’خدائی شہر‘‘ منشیات سے منسلک چھپی ہوئی حقیقتوں سے پردہ اٹھاتی ہے۔ اس فلم میں ریو کی کچی آبادی کا ایک دس سالہ لڑکا شہر کے خطرناک ترین کوکین مافیا کا سربراہ بنتا ہے۔ اس فلم میں حکومتی دوہری پالیسیوں پر سے بھی پردہ اٹھایا گیا ہے۔

پیرو میں بھی غریب خاندانوں کے بچوں کا بچپن وقت سے پہلے ختم ہو جاتا ہے۔ یہ دس سالہ بچہ بھی کوکا نامی پودوں سے پتے اتارنے کا کام کرتا ہے۔ پیرو کا ایمیزون جنگل گزشتہ کئی برسوں سے کوکین کی پیداوار کے لحاظ سے جنوبی امریکا میں سر فہرست ہے۔ کوکین کا 76 فیصد حصہ پیرو کے ایمیزون جنگل سے آتا ہے۔

پیرو کے انسداد منشیات یونٹ کے پولیس اہلکار ایمیزون کے قریبی علاقے میں کوکا پودوں کے ایک کھیت کو تباہ کر رہے ہیں۔ یہاں منشیات کے زیادہ تر کاروبار کی سرپرستی ایک مقامی گوریلا گروپ کرتا ہے۔ پیرو کی یہ مارکسی زیر زمین تحریک اسی کی دہائی سے حکومت مخالف کارروائیاں بھی جاری رکھے ہوئے ہے۔

کولمبیا میں منشیات کا زیادہ تر کاروبار فارک باغیوں کے ہاتھ میں ہے۔ بگوٹا حکومت اس وقت باغیوں کے ساتھ امن مذاکرات جاری رکھے ہوئے ہے۔ پورٹو کونکورڈیا میں 25 جنوری 2012ء کے چھاپے کے دوران 17 لیبارٹریاں تباہ کر دی گئی تھیں جبکہ دو ہوائی جہاز، بائیس کشتیاں اور 692 کلو گرام کوکا پیسٹ ضبط کر لی گئی تھی۔

کولمبیا کے کاروباری حضرات اب بھی اپنی مصنوعات کی مشہوری کے لیے ’پابلو ایسکوبار‘ کا نام اور تصاویر استعمال کرتے ہیں۔ ڈرگز کی دنیا میں باس کے نام سے مشہور اس ’’ڈان‘‘ کو پولیس نے 1993 میں قتل کر دیا تھا۔ اس وقت پابلو کے جنازے میں تقریباﹰ بیس ہزار افراد شریک ہوئے تھے اور کولمبیا میں آج بھی اس باس کو عزت کی نگاہ سے دیکھا جاتا ہے۔

دو مرتبہ جیل سے فرار ہونے کے بعد جنوری دو ہزار سولہ میں گزمان الچاپو کو دوبارہ گرفتار کر لیا گیا تھا۔ الچاپو کا شمار بھی دنیا کے اہم ترین اسمگلروں میں ہوتا تھا۔ اس اسمگلر نے ایک انٹرویو کے سلسلے میں امریکی اداکار شین پین کے ساتھ ایک جنگل میں ملاقات کی تھی۔ میکسیکن حکام کو اسی ملاقات کے بعد اس اسمگلر کے ٹھکانے کا پتہ چلا تھا اور اسے گرفتار کر لیا گیا۔

جہاں تک نظر جائے وہاں تک منشیات ہی منشیات۔ کولمبیا کی بندرگاہ پر باقاعدگی سے منشیات قبضے میں لی جاتی ہے لیکن سن 2005ء میں ریکارڈ 3.1 ٹن کوکین قبضے میں لی گئی۔ یہ کولمبیا سے میکسیکو اسمگل کی جا رہی تھی۔

فروری میں پوپ فرانسس نے اپنے دورہ میکسیکو کے دوران خواتین کی ایک جیل کا دورہ بھی کیا۔ میکسیکو کی 102 جیلوں میں گیارہ ہزار خواتین قید ہیں اور ان میں سے نصف کی عمریں تیس برس سے بھی کم ہیں۔ ان میں سے زیادہ تر منشیات کے مقدمات میں جیل کاٹ رہی ہیں۔

اس جرائم پیشہ گروہ نے چھ سو میٹر سرنگ کھودی، جسے ایک بینک تک پہنچنے کے لیے استعمال کیا جا رہا تھا۔ اس کارروائی سے کچھ ہی دیر قبل پولیس نے اس سرنگ کا سراغ لگا لیا۔ اس وقت یہ گروہ اپنے کارروائی شروع کرنے ہی والا تھا۔

اس سرنگ کا داخلی راستہ ایک کرایے کے گھر میں تھا۔ پولیس کے مطابق 16 افراد نے یہ سرنگ بنانے کے لیے سرمایہ کاری کی تھی۔

اس سرنگ میں داخلے کے لیے دو میٹر کی گہرائی تک ایک سیڑھی لگائی گئی تھی۔ سرنگ اندر سے ڈیڑھ میٹر اونچی تھی اور اس کو قائم رکھنے کے لیے آہنی سریوں اور لکڑی کا استعمال کیا گیا تھا۔ سرنگ کے اندر روشنی کے انتظام کے لیے بتیاں تک موجود تھیں۔

سرنگ کا آغاز کرایے کے جس گھر سے ہو رہا تھا، وہاں خوراک، پانی، خصوصی لباس اور کھدائی کے آلات سب موجود تھے۔ اس گروہ نے چار ماہ تک کھدائی کا کام جاری رکھا۔

پولیس نے اس گروپ کے ارکان کو حراست میں لے لیا ہے اور عدالت کے مطابق مقدمے کی سماعت کے دوران یہ پولیس ہی کی حراست میں رہیں گے۔

لاطینی امریکا کی جیلوں کا شمار دنیا سب سے زیادہ بھری ہوئی جیلوں میں ہوتا ہے۔ ایل سیلواڈور کی جیلیں تنگ ہیں اور قیدی بہت زیادہ ہو چکے ہیں۔

ایل سلواڈور کو گزشتہ کئی دہائیوں سے گینگ وار کا سامنا ہے۔ منشیات فروش گروہ پھیل چکے ہیں۔ نوجوانوں کی ایک بڑی تعداد ان گینگز سے وابستہ ہے جبکہ سرکاری جیلیں قیدیوں سے بھر چکی ہیں۔

ایل سیلواڈور وسطی امریکا کا سب سے چھوٹا اور سب سے زیادہ گنجان آباد ملک ہے۔ دنیا میں آبادی کے لحاظ سے قتل کی وارداتوں کی سب سے زیادہ شرح اسی ملک میں بنتی ہے۔

لیکن روزانہ قتل کے حساب سے یہ شرح اب کم ہو رہی ہے۔ سن دو ہزار پندرہ میں روزانہ سترہ سے اٹھارہ قتل ہوتے تھے۔ اکتوبر دو ہزار انیس میں یہ شرح یومیہ 3.6 تک آگئی۔ مارچ دو ہزار میں مزید کمی کے ساتھ یہ شرح 2.1 قتل فی دن تھی۔

صدر نیب بوکیلے نے جون دو ہزار انیس میں اقتدار سنبھالا۔ ان کے مطابق قتل کی وارداتوں میں کمی حکومت کی بڑی کامیابی ہے ۔ انہوں نے مسلح گینگز کے حوالے سے ’زیرو ٹولیرینس‘ پالیسی متعارف کروائی ہے۔

اس پالیسی کے تحت گینگ کے ارکان کو کسی سے ملاقات کی اجازت نہیں دی جاتی۔ موبائل فون کے استعمال پر مکمل پابندی ہے جبکہ انہیں ہفتے کے سات دن اور چوبیس گھنٹے جیل سیل کے اندر رکھا جاتا ہے۔

اگر جیل کے اندر اور باہر سکون ہے اور کوئی لڑائی جھگڑا نہیں تو اس کے عوض قیدیوں کو ملاقات کی اجازت مل جاتی ہے۔ حکومت نے مختلف حریف گروہوں کے بدمعاشوں کو بھی ایک ساتھ جیل میں رکھنا شروع کیا ہے۔

حکام کے مطابق ملک میں قتل کی اسی فیصد وارداتوں کے احکامات جیل کے اندر سے ہی جاتے تھے۔ حکومت کو خدشہ ہے کہ ان قیدیوں کو رہا کرنے سے ایسی وارداتوں میں دوبارہ اضافہ ہو سکتا ہے۔

ان جیلوں کی سکیورٹی پر تعینات تمام پولیس اہلکاروں کو اپنا چہرہ ڈھانپ کر رکھنا پڑتا ہے تاکہ ان کی پہچان نہ ہو سکے۔ ماضی میں گینگ وار کے لوگ پولیس سے بدلہ لینے کے لیے ان کے گھر والوں کو نشانہ بناتے رہے ہیں۔

ایل سیلوا ڈور کی جیلوں میں مجموعی طور پر 18051 قیدیوں کی گنجائش ہے۔ لیکن اس وقت ان جیلوں میں قیدیوں کی تعداد 38000 سے تجاوز کر چکی ہے۔

ان جیلوں میں کورونا وائرس کے پھیلاؤ کا خطرہ بہت بڑھ چکا ہے۔ ماضی میں نامناسب حالات، سخت گرمی اور تپ دق جیسی بیماری بہت سے قیدیوں کی جان لے چکی ہے۔