دنیا میں کورونا وائرس کے پھیلنے سے صنعتی سرگرمیاں معطل ہو کر رہ گئی ہیں۔ کارخانوں کی چمنیوں سے ماحول کو آلودہ کرنے والے دھوئیں کے اخراج میں وقفہ پیدا ہو چکا ہے۔ نائٹروجن آکسائیڈ کا اخراج بھی کم ہو چکا ہے۔ اس باعث ہوا کی کوالٹی بہت بہتر ہو گئی ہے۔

کووِڈ انیس کی وبا نے اقتصادی معمولات میں بندش پیدا کر رکھی ہے۔ ماحولیاتی آلودگی کا باعث بننے والی کاربن ڈائی آکسائیڈ کے اخراج میں بھی شدید کمی واقع ہو چکی ہے۔ صرف چین میں اس گیس کے اخراج میں پچیس فیصد کمی ریکارڈ کی گئی ہے۔ یہ امر اہم ہے کہ کاربن ڈائی آکسائیڈ کے اخراج میں کمی عارضی ہے۔

وائرس کی وبا نے انسانوں کو گھروں میں محدود کر رکھا ہے۔ سڑکوں پر ٹریفک نہ ہونے کے برابر ہے۔ ایسے میں شہروں کے قریب رہنے والی جنگلی حیات کے مزے ہو گئے ہیں۔ سڑکوں کے کنارے اور پارکس میں مختلف قسم کے پرندے اور زمین کے اندر رہنے جانور اطمینان کے ساتھ پھرتے نظر آتے ہیں۔

ماحول پسندوں نے اس یقین کا اظہار کیا ہے کہ کووِڈ انیس کی وبا کے پھیلنے سے جنگلی حیات کی غیر قانونی تجارت کو روکنے کے لیے اقوام سنجیدگی دکھائیں گے۔ قوی امکان ہے کہ کورونا وائرس کی وبا چینی شہر ووہان سے کسے جنگلی جانور کی فروخت سے پھیلی تھی۔ ایسی تجارت کرنے والوں کے خلاف اجتماعی کریک ڈاؤن بہت مثبت ہو گا۔

اٹلی میں کورونا وائرس پھیلنے کے بعد کیے گئے لاک ڈاؤن کے چند روز بعد ہی وینس کی آبی گزرگاہیں صاف دکھائی دینے لگی ہیں۔ ان شہری نہروں میں صاف نیلے پانی کو دیکھنا مقامی لوگوں کا خواب بن گیا تھا جو اس وبا نے پورا کر دیا۔ اسی طرح پہاڑی ندیاں بھی صاف پانی کی گزرگاہیں بن چکی ہیں۔

کورونا وائرس کی وبا کا ماحول پر جو شدید منفی اثر مرتب ہوا ہے وہ ڈسپوزایبل پلاسٹک یعنی صرف ایک بار استعمال کی جانے والی پلاسٹک کی اشیاء کے استعمال میں اضافہ ہے۔ کلینیکس اور ہسپتالوں میں استعمال ہونے والے پلاسٹک کے ڈسپوزایبل دستانے اب شاپنگ مارکیٹوں میں بھی استعمال ہونے لگے ہیں۔

کووِڈ انیس کی وبا کے تیزی سے پھیلنے پر حکومتوں نے ہنگامی حالات کے پیش نظر ماحولیاتی آلودگی کے بحران کو پسِ پُشت ڈال دیا تھا۔ ماحول پسندوں نے واضح کیا ہے کہ وائرس کی وجہ سے ماحولیاتی مسائل کو نظرانداز کرنا مناسب نہیں اور اہم فیصلوں کے نفاذ میں تاخیر بھی زمین کے مکینوں کے لیے نقصان دہ ہو گی۔ یہ امر اہم ہے کہ اقوام متحدہ کی کلائمیٹ کانفرنس پہلے ہی اگلے برس تک ملتوی ہو چکی ہے۔

سن 2002 میں آنے والے سیلاب سے ڈریسڈن زیر آب آ گیا تھا۔ اس سیلابی پانی نے کئی قیمتی نوادرات کے لیے خطرات پیدا کر دیے تھے۔ باروک طرز تعمیر کے سونگر محل میں بھی پانی داخل ہو گیا تھا۔ اب شہری انتظامیہ نے ایک ٹاسک فورس بنائی ہے تا کہ مستقبل میں ایسی سنگین موسمی صورت حال کا مقابلہ کیا جا سکے۔

جزیرے پر تعمیر شدہ اس شہر کو پانی کے اثرات کے خلاف جدوجہد کرنا پڑتی ہے۔ ماحولیاتی تبدیلیوں کے نتیجے میں سن 2019 میں اس شہر کو ایک قدرتی آفت کا سامنا کرنا پڑا اور کئی تاریخی محلات اور گرجا گھروں میں پانی داخل ہو گیا تھا۔ وینس کو مسلسل سیلابی صورت حال کا سامنا کرنا پڑتا ہے۔

ماضی میں موسمی مرطوبیت(نمی) ثقافتی سرمائے کے لیے خاص طور پر نقصان دہ تھی۔ اب مسلسل خشک ہوتی ہوا منفی اثرات مرتب کر رہی ہے۔ جرمن صوبے سیکسنی کے قلعے موریٹس بُرگ میں باروک دور کے آرائشی لیدر وال پیپرز کے ذخیرے کو سنگین مسائل کا سامنا ہے۔ ان پر پیدا ہونے والی دراڑیں موسمی تبدیلی کے ثبوت ہیں۔

تاریخی اطالوی شہر گُوبیو کے گردا گرد تعمیر شدہ دیوار کو ہوائی نمی اور بنیادوں میں تبدیلی پیدا ہونے سے شدید خطرات کا سامنا ہے۔ حالیہ موسلا دھار بارش سے دیوار کا کچھ حصہ منہدم ہو گیا۔ اس دیوار کی مجموعی مضبوطی جانچنے کے لیے ایک یورپی ریسرچ ٹیم جائزہ لینے میں مصروف ہے۔

بڑے یونانی جزیرے کریٹ کی مرکزی بندرگاہ پر کولس قلعہ واقع ہے۔ یہ سولہویں صدی کی تعمیر ہے۔ قلعہ کئی صدیوں سے موسمی تغیر برداشت کر رہا ہے لیکن حالیہ ماحولیاتی تبدیلیوں نے ہوا کا رخ تبدیل کر دیا اور پھر سمندری لہروں نے بھی نیا راستہ اپنا لیا۔ اس تبدیلی سے نمکین سمندری پانی قلعے کی دیواروں کو نقصان پہنچا رہا ہے۔

یونیسکو کی عالمی ورثے میں شامل چار ہزار سال قدیمی اسٹون ہینج کو بھی ماحولیاتی تبدیلیاں متاثر کر رہی ہیں۔ چھچھوندروں نے زیر زمین ہلچل پیدا کر کے اس علاقے کو نرم کر دیا ہے۔ ہلکی سردیوں میں چھچھوندروں کی تعداد میں اضافہ ہوتا ہے اور گرمی بڑھنے سے زمینی نمی بڑھتی ہے تو کینچووں کی بہتات ہو جاتی ہے اور یہ چھچھوندر کی پسندیدہ خوراک ہے۔

شمالی جرمن شہر وسمار کا مرکز اپنی ڈھلکی ہوئی تکونی چھتوں والی عمارتوں اور واٹر ورکس کی وجہ سے ایک خاص شہرت رکھتا ہے۔ سمندری سطح بلند ہونے سے وسمار کے علاوہ لُوبیک اور اشٹرالزونڈ شہروں کو بھی یکساں خطرات کا سامنا ہے۔ اسی طرح اطالوی شہر نیپلز، بیلجین شہر بروگے اور ترک شہر استنبول بھی خطرے کی زد میں ہیں۔

ماحولیاتی تبدیلیوں نے عمارتوں اور نوادرات کے ساتھ ساتھ پارکس اور باغات کے لیے بھی خطرات پیدا کر دیے ہیں۔ جرمن شہر پوٹسڈام میں واقع ’ساں سُوسی‘ محل کے ارد گرد کے پارک اور باغیچوں کو بھی موسمی تبدیلی کی شدت کا سامنا ہے۔ پوٹسڈام جرمن دارالحکومت کا نواحی شہر ہے۔