بالی ووڈ کے اداکار دھرمیندر 89 برس کی عمر میں پیر کو ممبئی میں چل بسے۔ چھ دہائیوں پر محیط فلمی کریئر میں انہوں نے کئی مشہور فلموں میں اپنے فن کے جوہر دکھائے۔ وہ اپنے پیچھے ایک ایسا خلا چھوڑ گئے ہیں، جو شاید ہی پر ہو سکے۔
سن 1960 میں فلم 'دل بھی تیرا ہم بھی تیرے' سے دھرمیندر نے اپنے فلمی کیریئر کا آغاز کیا تھا اور اسی دہائی میں ان کی کئی مقبول فلمیں ریلیز ہوئی تھیںتصویر: picture-alliance/ZUMAPRESS.com/J. Kapoor
اشتہار
بھارتی خبر رساں ایجنسی آئی اے این ایس کی خبر کے مطابق پیر کے روز اداکاردھرمیندر 89 سال کی عمر میں ممبئی میں اپنے گھر پر چل بسے۔ معروف اداکار کو اس ماہ کے اوائل میں اسپتال میں سانس کی تکلیف کی وجہ سے داخل کرایا گیا تھا اور پھر وہ صحت یاب ہو کرے گھر واپس ہو گئے تھے۔
تاہم اس واقعے کے 12 دن بعد وہ چل بسے۔ اگر زندہ رہتے تو آٹھ دسمبر کو ان کی عمر 90 سال ہو جاتی۔
دھرمیندر کے پسماندگان میں ان کی بیویاں، پرکاش کور اور ہیما مالنی، اور چھ بچے ہیں، جس میں اداکار سنی دیول، بوبی دیول، ایشا دیول، اور آہنا دیول، اجیتا اور وجیتا شامل ہیں۔
فلمی کریئر
دھرمیندر بالی وڈ کے ہی-مین کے طور پر مشہور تھے اور چھ دہائیوں پر محیط فلمی کریئر میں انہوں نے اداکاری کی ایک ناقابل فراموش میراث چھوڑی ہے۔
سن 1960 میں فلم 'دل بھی تیرا ہم بھی تیرے' سے دھرمیندر نے اپنے کیریئر کا آغاز کیا تھا اور اسی دہائی میں ان پڑھ ، بندنی، انوپما اور آیا ساون جھوم کے جیسی فلموں میں اپنی اداکاری سے شائقین میں دھوم مچا دی۔
اس کے بعد انہوں نے شعلے، دھرم ویر، چپکے چپکے، میرا گاوں میرا دیش، اور ڈریم گرل جیسی فلموں میں مرکزی کردار ادا کر کے مداحوں کا دل جیتا۔
ان کی آخری فلم اکِیس ہے، جسے امیتابھ بچن کا نواسہا اگستیہ نندا نے بنایا ہے اور یہ فلم 25 دسمبر کو ریلیز ہونے والی ہے۔
دھرمیندر نے دوسری شادی اداکارہ ہیما مالنی سے مذہب تبدیل کر کے کی تھی، اور اپنا اور ہیما مالنی کا نام تبدیل کر کے ایک مسلم نام کا انتخابا کیا تھاتصویر: Getty Images/AFP/STRDEL
ہندوستانی سنیما کے سب سے بڑے ستاروں میں سے ایک کے طور پر معروف دھرمیندر نے سنجیدہ اور مزاحیہ کرداروں میں یکساں طور پر اپنی صلاحیتوں کا لوہا منوایا۔ انہیں 2012 میں حکومت ہند کی جانب سے ملک کے تیسرے سب سے بڑے شہری اعزاز پدم بھوشن سے نوازا گیا تھا۔
چھ دہائیوں پر محیط اپنے کیریئر میں انہوں نے 'شعلے'، 'یادوں کی بارات'، 'میرا گھر' سمیت متعدد کامیاب فلموں میں کام کیا۔ 'پرتیگیہ'، 'چپکے چپکے'، 'نوکر بیوی کا'، 'پھول اور پتھر'، 'آئی ملن کی بیلا'، 'دل نے پھر یاد کیا'، 'آئے دن بہار کے'، 'آنکھیں'، 'آیا ساون جھوم کے'، 'دھرم ویر'، 'آزاد'، 'غضب'، 'لوہا'، 'حکومت' جیسی معروف فلمیں کیں۔
بالی ووڈ کے اداکاروں اور ملک کی دیگر اہم شخصیات کی جانب سے ان کی موت پر تعزیتی پیغامات کا سلسلہ جاری ہے۔
تعزیتی پیغامات
وزیر اعظم نریندر مودی نے ان کی موت افسوس کا اظہار کرتے ہوئے سوشل میڈيا پر اپنی ایک پوسٹ میں لکھا کہ "دھرمنیدر کی وفات کے ساتھ بھارتی سینیما کے ایک نمایاں دور کا اختتام ہو گی۔"
اداکارہ شرمیلا ٹیگور، جنہوں نے کئی فلموں میں اداکار کے ساتھ کا کیا، نے کہا، "میں ان کے ساتھ تقریباً روزانہ ہی فون پر بات کرتی تھی۔ میں جانتی تھی کہ ان کی حالت نازک ہے۔ میں واقعی ان کی صحت یابی کے لیے پر امید تھی۔"
ان کی آحری رسومات آج ہی ممبئی میں ادا کی جا رہی ہیں۔
بالی ووڈ نے ہالی ووڈ کی کونسی فلموں کی نقل کی؟
بالی ووڈ کے ہدایت کار ہالی ووڈ کی مشہور ترین فلموں کے اکثر بھارتی ورژن ’ری میک‘ کرتے ہیں۔ جہاں ناقدین فلموں کی نقل کی مذمت کرتے ہیں، وہیں شائقین انگریزی زبان کی فلموں کا تازہ ورژن دیکھ کر کافی خوش ہوتے ہیں۔
ہالی ووڈ کی کامیاب ترین انگریزی فلموں کو دیگر ممالک کے فلم سازوں کی جانب سے اپنے مقامی ناظرین کے لیے دوبارہ بنانا کوئی نئی بات نہیں۔ اس کے بدلے میں اسٹوڈیوز فلم کے رائٹس خرید لیتے ہیں۔ لیکن کئی بالی ووڈ ہدایت کار ہالی ووڈ فلموں کی ہو بہو نقل کرتے رہے ہیں۔ اس مرتبہ ٹام ہینکس کی آسکر ایوارڈ یافتہ فلم ’فاریسٹ گَمپ‘ کا بھارتی ورژن بنایا گیا ہے۔
تصویر: dpa/picture alliance
’لال سنگھ چڈھا‘
عامر خان کی حال ہی میں ریلیز ہونے والی فلم ’لال سنگھ چڈھا‘ Viacom 18 Studios کی پروڈکشن ہے۔ یہ دراصل انگریزی فلم "Forrest Gump" کا آفیشل ری میک ہے، جس کہ تمام تر کاپی رائٹس پیراماؤنٹ پکچرز کے پاس ہیں اور عامر خان نے اسے دوبارہ فلم بند کرنے کے لیے کاپی رائٹس خریدے ہیں۔
کئی دہائیوں تک بھارتی فلم انڈسٹری امریکی فلموں کا مواد بغیر کسی قانونی اجازت کے استعمال کرتی رہی۔ سن 1987 میں ریلیز ہونے والی انگریزی فلم ’ڈرٹی ڈانسنگ‘ بھارتی فلم میکر پوجا بھٹ نے سن 2006 میں ’ہالی ڈے‘ کے نام سے ہندی زبان میں ری میک کی تھی۔ تاہم یہ فلم زیادہ مقبولیت حاصل نہیں کرسکی۔
تصویر: Constantin-film/dpa/picture alliance
’مسز ڈاؤٹ فائر‘
اس فلم میں ایک طلاق یافتہ مرد ایک خاتون کے روپ میں بچوں کی دیکھ بھال کرنے والی پیشہ ور آیا کا کام کرتا ہے تاکہ اس کی سابقہ اہلیا اسے گھر میں کام کرنے کی اجازت دے اور وہ اپنے بچوں کے ساتھ وقت گزار سکے۔ سن 1993 میں ریلیز ہونے والی اس فلم میں ’مسز ڈاؤٹ فائر‘ کا مرکزی کردار رابن ولیمز نے بخوبی نبھایا تھا۔
تصویر: United Archives/picture alliance
'چاچی 420'
1997ء میں بالی ووڈ نے "مسز ڈاؤٹ فائر" کا ایک ری میک بنایا جس کا نام "چاچی 420" تھا۔ اس فلم میں کمل حسن نے اداکاری اور ہدایت کاری کی تھی۔ یہ فلم، درحقیقت ایک ری میک کا ری میک تھا، کیونکہ بالی ووڈ ورژن تامل زبان کی فلم انڈسٹری کولی ووڈ کی فلم ’اوائی شانمگی‘ پر مبنی تھا۔ "چاچی 420" نے بھارتی باکس آفس پر شاندار کامیابی حاصل کی۔
تصویر: National Film Archive India
'کانٹے'
مجرموں کا ایک گروہ بینک ڈکیتی میں ناکام ہو جاتا ہے — یہ ایک عام کہانی ہے اور فلم سازوں پر اسے نقل کرنے کا الزام نہیں لگایا جا سکتا۔ سن 2002 میں ریلیز کی گئی بھارتی فلم ’کانٹے‘ میں کوینٹن ٹرانٹینو کی امریکی فلم ’’ریزروائر ڈاگس‘‘ کو ایک مثال کے طور پر استعمال کیا گیا تھا۔ اس فلم کی کاسٹ میں عالمی شہرت یافتہ بالی ووڈ اسٹار امیتابھ بچن بھی شامل تھے۔
تصویر: White Feather Films/Film Club LdT.
'سپرمین'
بعض اوقات بالی ووڈ کی ری میک فلمیں اتنی زیادہ کاپی کی گئی ہوتی ہیں کہ وہ مزاحیہ لگتی ہیں۔ سن 1987 میں، ہدایت کار بی گپتا کے پاس "سپرمین" کے ری میک کے لیے ناکافی وسائل تھے، اس لیے انہوں نے اصل فلم سے تمام اقتباسات نقل کیے اور انہیں اپنی فلم میں شامل کردیے۔ کم از کم، مرکزی کردار کے لیے بھارتی فلم اسٹار دھرمیندر کو کاسٹ کیا گیا۔ لیکن اصل مین آف اسٹیل امریکی اداکار کرسٹوفر ریو ہی رہے۔
تصویر: dpa/picture alliance
’ہری پتر‘
ہری پتر کا نام تو جادوگر لڑکے کے ایک معروف کردار ’ہیری پوٹر‘ سے ملتا جلتا ہے اور پوسٹر میں دکھائی گئی حویلی ہاگ وارٹس کے طلسماتی اسکول جیسی لگتی ہے۔ اسی لیے امریکی فلم اسٹوڈیو وارنر براز نے بالی ووڈ کے خلاف کیس کر دیا لیکن وہ عدالت میں مقدمہ ہار گئے کیونکہ یہ فلم ہیری پوٹر کی فلم کا ری میک نہیں ہے۔
تصویر: Mirchi Movies
’ہوم الون‘
سن 1990 میں ریلیز ہونے والی فیملی کامیڈی فلم ’ہوم الون‘ میں مکاؤلی کلکن نے کِیون نامی ایک ایسے بچے کا کاردار ادا کیا، جو کرسمس کی تعطیلات میں گھر پر اکیلا رہ جاتا ہے۔ اکیلے گھر میں اسے دو چوروں کا سامنا کرنا پڑتا ہے۔ بالی ووڈ نے اس فلم کو اٹھارہ سال بعد کاپی کیا تھا۔
تصویر: United Archives/picture alliance
’دی گاڈ فادر‘
مارلن برینڈو نے اس فلم میں گاڈ فادر کے مشہور کردار میں شاندار کارکردگی کا مظاہرہ کیا تھا۔ اس فلم کے کئی سیکوئلز اور ری میک بھی بنائے گئے۔ بالی ووڈ نے اس فلم کا ری میک بنانے میں تین دہائیوں سے زیادہ عرصہ لگا دیا۔
تصویر: picture-alliance
’سرکار‘
بھارتی سپر اسٹار امیتابھ بچن نے سن 2005 میں ہندی فلم ’سرکار‘ میں ’گاڈ فادر‘ کا کردار نبھایا تھا۔ اس فلم میں ان کے بیٹے ابھیشیک بچن اور اداکارہ کترینا کیف سمیت کئی دیگر کامیاب بھارتی اداکاروں نے کام کیا تھا۔