یہ شہر دو افسانوی ساحلوں کا شہر ہے اور ماضی کے کئی شہرہ آفاق گیتوں میں ان کا ذکر ملتا ہے۔ یہ شہر چھ اعشاریہ بتیس ملین کی آبادی کے ساتھ ملک کا دوسرا بڑا شہر ہے۔ سورج کے پجاریوں کے لیے اس شہر کے ساحل مقناطیس کی حیثیت رکھتے ہیں۔

ریو ڈی جینرو کے ساحل پر کھڑے ہو کر پہاڑوں اور جزائر کے پیچھے غروب ہوتے ہوئے آفتاب کا نظارہ کرنا ایک ناقابل فراموش تجربہ ہے۔ اس تصویر میں آپ ریو کے مشہور شوگر لوف پہاڑوں کو دیکھ سکتے ہیں۔

ریو ناقابل بیان مناظر سے سے بھرا پڑا ہے۔ اگر آپ برازیل کی سیاحت کے لیے جائیں توشوگر لوف پہاڑوں کے مقام وسٹا پر ہر صورت جائیں۔ سیاح کیبل کار کے ذریعے تین سو پچانوے میٹر بلند چوٹی تک پہنچ رہے ہیں۔ یہ چوٹی سن انیس سو تیرہ سے سیاحوں کی توجہ کی مرکز ہے۔

مسیح نجات دہندہ ( مجمسہ) بازو پھیلائے شوگر لوف پہاڑوں کو دیکھ رہا ہے۔ یہ مجسمہ تیس میٹر بلند، اٹھائیس میٹر چوڑا اور اس کا وزن تقریباﹰ گیارہ سو پینتالیس ٹن ہے۔ اسے ریو کی علامت بھی کہا جاتا ہے۔ روزانہ تقریباﹰ چار ہزار سیاح اس مجسمے کے مقام پر آتے ہیں۔

ریو کی کچی آبادی کو اس کا دوسرا چہرہ قرار دیا جاتا ہے۔ ریو میں چھ ملین سے زائد افراد رہائش پذیر ہیں اور ان میں سے ہر پانچواں فرد اسی طرح کی کسی کچی آبادی میں رہتا ہے۔ ایسے سیاح کم ہی ہوتے ہیں، جو ذاتی طور پر اس علاقے کا رخ کریں لیکن کسی مقامی گائیڈ کے ساتھ اس علاقے کی سیر کی جا سکتی ہے۔

کارنیوال برازیل کا سب سے اہم تہوار ہے۔ مقامی افراد اور سیاح ریو کی گلیوں اور سڑکوں پر مل کر یہ جشن مناتے ہیں۔ سب سے منفرد بات یہ ہے کہ اس دوران ریو کے مشہور سمبا اسکولوں کے مابین مقابلہ ہوتا ہے اور اس میں ہزاروں سمبا ڈانسر حصے لیتے ہیں۔

برازیل کی اگوازو آبشار ایک قدرتی عجوبے سے کم نہیں ہے۔ یہ آبشار برازیل میں ارجنٹائین کی سرحد کے قریب واقع ہے اور دنیا کی سب سے بڑی آبشار ہے۔ یونیسکو کے عالمی ثقافتی ورثے میں شامل اس آبشار کا سب سے بہترین ویو برازیل کی طرف سے ہی نظر آتا ہے۔

چکمتی ہوئی ریت کے ہزاروں ٹیلے اور ان کے درمیان میٹھے پانی کے چشمے مل کر انتہائی خوبصورت نظارہ پیش کرتے ہیں۔ یہ منفرد پارک برازیل کے شمال میں پندرہ سو پچاس مربع کلومیٹر پر محیط ہے۔ اسے انیس سو اکیاسی میں نیشنل پارک کا درجہ دے دیا گیا تھا۔

دنیا کے کسی بھی دریا سے زیادہ پانی ایمیزون دریا میں پایا جاتا ہے۔ اگر آپ برازیل کے قدرتی حسن کو دیکھنا چاہتے ہیں تو اس کے لیے آپ کو وقت درکار ہو گا۔ مقامی گائیڈ اور کمپنیاں ہر طرح کی سہولیات فراہم کرتے ہیں اور جنگل کیمپ میں بھی قیام کیا جا سکتا ہے۔

قدرتی حسن کے علاوہ جس کو اوپرا سے محبت ہے وہ میناوس شہر کا رخ کر سکتا ہے۔ اس شہر میں ہر سال تین ہفتوں پر مشتمل اوپرا فیسٹیول منایا جاتا ہے۔ اس شہر کا مشہور اوپرا ہاؤس بھی قابل دید ہے، جسے مقامی ربڑ انڈسٹری سے ملنے والے آمدنی سے 1896ء میں تعمیر کیا گیا تھا۔

شمال مشرقی برازیل میں بہت کم سیاح جاتے ہیں۔ لیکن اولینڈا شہر کو نو آبادیاتی دور کے فن تعمیر کا زیور سمجھا جاتا ہے۔ سترہویں صدی میں اسے آرٹسٹوں کا شہر سمجھا جاتا تھا اور اس کی اس حیثیت میں آج بھی کوئی فرق نہیں پڑا۔ اسے شہر کو 1982ء میں یونیسکو کے عالمی ورثے میں شامل کر لیا گیا تھا۔

شہر سلواڈور ڈی باحیہ سابق پرتگالی کالونی رہا ہے اور یہ صدیوں تک سرمایہ کاروں کے لیے برازیل میں غلاموں کی تجارت کا مرکز رہا ہے۔ آج اسے افریقی برازیلی ثقافت کا مرکز کہا جاتا ہے۔ یہ شہر نہ صرف موسیقی بلکہ دوستانہ ماحول کی وجہ سے بھی مشہور ہے۔

برازیل کی تاریخ میں اس کے تین دارالحکومت رہے ہیں۔ سب سے پہلا دارالحکومت سلواڈور ڈی باحیہ تھا پھر ریو ڈی جنیرو بنا اور 1960ء سے برازیلیہ دارالحکومت ہے۔

دل آغا اِس حقیقت سے بخوبی آگاہ ہے کہ اپنے خاندان کی ایک فوری ضرورت پوری کرنے کے لیے اُس نے بھٹّے کے مالک سے جو چند ہزار ڈالر کا قرض لیا تھا، اُسے وہ کبھی اتار نہیں پائے گا۔

دیہہ سبز میں قائم تین سو پچاس بھٹوں میں اوسطاﹰ سات لاکھ اینٹیں بنائی جاتی ہیں یعنی ہر بھٹے سے چھ ماہ کی مدت میں تقریباﹰ چار لاکھ بیس ہزار اینٹیں حاصل ہوتی ہیں۔

ستر سالہ گل اصغر اور اُس کی ضعیف بیوی بھی اینٹوں کے بھٹے پر کام کرنے کے لیے مجبور ہے۔ وجہ وہی ہے، قرض کی ادائیگی۔

وہ کم سن بچیاں جنہیں مزدوری کرنے کے بجائے اسکول جانا چاہیے، تعلیم حاصل کرنے کے بنیادی حق سے محروم بھٹّوں پر کام کر کے اپنے والدین کا ہاتھ بٹاتی ہیں۔

افغانستان میں بھٹہ مزدور انتھک محنت کر کے اپنے مالکان کو سالانہ لاکھوں ڈالر کا منافع دیتے ہیں۔

حکومتی قانون اِن بھٹہ مزدوروں کی مدد کرنے کے معاملے میں بے بس دکھائی دیتا ہے۔ ایک افغان سرکاری اہلکار کے مطابق بہت سے اہلکار اِس بارے میں بات کرنے سے خوفزدہ ہیں۔

اِن افغان بچوں کے لیے مزدوری کی جگہ اور کھیل کا میدان یہی بھٹے ہیں۔

دیہہ سبز کا بھٹہ مزدور انور اللہ اور اُس کے والدین اِس بھٹے پر دن رات کام کرنے پر مجبور ہیں کیوں کہ انہوں نے ستّر ہزار روپے کا قرض واپس کرنا ہے۔

ٹورنٹو فلم فیسٹیول میں بہترین فلم کا ایوارڈ ’بارہ سالہ غلامی‘ کے حصے میں آیا ہے۔ سولومن نارتھپ کی سوانح عمری پر بننے والی اس تاریخی فلم کو امریکی ریاست کولوراڈو کے ٹیل یُو رائڈ (Telluride) فلم فیسٹیول میں بھی بہترین فلم قرار دیا جا چکا ہے۔

’بارہ سالہ غلامی‘ سیاہ فام امریکی مصنف سولومن نارتھپ کی سوانح عمری پر مبنی ہے۔ سولومن نارتھپ کو سن 1841 میں امریکی دارالحکومت واشنگٹن ڈی سی میں اغوا کر کے ایک دوسری ریاست لُوئزیانا میں بیچ دیا گیا تھا۔ اُسے بارہ برسوں بعد غلامی سے نجات ملی تھی۔

’بارہ سالہ غلامی‘ کے سیاہ فام ہدایتکار اسٹیو میک کوئین کا کہنا ہے کہ سولومن کو اغوا کرنے کے بعد غلامی کے لیے فروخت کرنے کی کہانی بہت اہم تھی۔ دیگر میلوں کے برعکس اس میلے میں بہترین فلم کا انتخاب کوئی جیوری نہیں کرتی بلکہ یہ فیصلہ فلم بین کرتے ہیں۔

اداکارہ جیسیکا چیسٹن ٹورنٹو فلم فیسٹیول میں اپنی فلم کی اسکریننگ کے لیے آتے ہوئے فوٹوگرافرز کے لیے پوز بنا رہی ہیں۔ یہ میلہ اتوار پندرہ ستمبر کو اپنے اختتام کو پہنچا ہے۔

ڈین اسٹیونز اپنی فلم ’دی ففتھ اسٹیٹ‘ کے پریمئر شو کے لیے فلم فیسٹیول میں آتے ہوئے نظر آ رہے ہیں۔ وکی لیکس کے بانی جولین آسانج کے بارے میں بنائی گئی یہ فلم ٹورنٹو میلے میں پانچ ستمبر کو دکھائی گئی تھی۔

ہالی وڈ کی نامور اداکارہ نکول کڈ مین بنیادی طور پر آسٹریلیا سے تعلق رکھتی ہیں۔ اس تصویر میں وہ اپنی فلم ’ریلوے مین‘ کے پریمئر کے لیے ٹورنٹو فلم فیسٹیول میں آتے ہوئے نظر آ رہی ہیں۔ ٹورنٹو میں ان کی اس فلم کی نمائش چھ ستمبر کو ہوئی۔

ٹورنٹو میں منعقد ہونے والے فلم فیسٹیول TIFF کے اڑتیسویں ایڈیشن میں ہالی وڈ کے معروف اداکار بریڈ پِٹ بھی شریک ہوئے، جو اس میلے کی فاتح فلم ’بارہ سالہ غلامی‘ کے پروڈیوسر بھی ہیں۔

فلم The Disappearance of Eleanor Rigby کے کاسٹ ممبر جیمز مک آوے بھی ٹورنٹو فلم فیسٹیول میں جلوہ گر ہوئے۔ اس فلم کو بھی اس فیسٹیول میں بے حد سراہا گیا۔

ہالی وڈ کے مقبول ہیرو جانی ڈیپ ٹورنٹو فلم فیسٹیول کے دوران منعقد ہوئی ایک پریس کانفرنس میں سوالوں کے جواب دے رہے ہیں۔

فلم Cannibal کی کاسٹ ممبر اولمپیا میلنائٹ بھی اپنی فلم کی تشہیر کے لیے فیسٹیول پہنچیں۔ ٹورنٹو فلم فیسٹیول پانچ ستمبر سے پندرہ ستمبر تک جاری رہا۔