موبائل فون سروسز فراہم کرنے والے دنیا کے اس دوسرے بڑے ادارے کی جانب سے کہا جا رہا ہے کہ برطانیہ کو الوداع کہہ دینا خارج از امکان نہیں ہے اور ممکنہ طور پر یہ ادارہ اپنے ہیڈکوارٹرز جرمن شہر ڈسلڈورف میں منتقل کر دے گا۔ جرمن علاقے رائن لینڈ میں ووڈافون کے نئے کیمپس میں پانچ ہزار ملازمین کی گنجائش ہے۔ پھر یہ بھی ہے کہ جرمنی اس ادارے کی سب سے بڑی منڈی بھی ہے۔

پروازوں کی سہولت فراہم کرنے والے اس سب سے بڑے یورپی ادارے کا مرکزی دفتر ویسے تو آئر لینڈ میں ہے لیکن اب تک اس کے زیادہ تر طیارے برطانوی سرزمین پر ہی موجود رہے ہیں تاہم اب یہ صورتِ حال بدلنے والی ہے۔ راین ایئر نے اعلان کیا ہے کہ برطانیہ میں کوئی نیا طیارہ نہیں رکھا جائے گا اور نہ ہی برطانوی ایئر پورٹس سے راین ایئر کے کوئی نئے رُوٹ متعارف کرائے جائیں گے۔

سستی پروازوں کی سہولت فراہم کرنے والی اس دوسری بڑی یورپی کمپنی کا شمار اُن کاروباری اداروں میں ہوتا ہے، جو یورپ میں آج کل سب سے زیادہ منافع میں جا رہے ہیں۔ سرِد ست اس ادارے کا مرکزی دفتر لندن میں ہے لیکن کب تک؟ رواں ہفتے اس ادارے کی مجلس عاملہ کی خاتون سربراہ کیرولین میکال نے بڑے ٹھنڈے انداز میں کہا، ’دیکھیں کیا ہوتا ہے؟‘

رچرڈ برینسن برطانیہ کے مشہور ترین آجرین میں سے ایک ہیں۔ بریگزٹ ریفرنڈم کے نتائج پر اُن کا تبصرہ تھا: ’’ہم ایک تباہی کی جانب بڑھ رہے ہیں۔‘‘ تئیس جون کے ریفرنڈم کے بعد بازار حصص میں اُن کی کمپنی ورجن کے شیئرز کی قیمتوں میں ایک تہائی کمی ریکارڈ کی گئی ہے۔ برینسن کا مطالبہ ہے کہ یہی ریفرنڈم ایک بار پھر منعقد کرایا جائے۔

اس سب سے بڑے امریکی بینک کی لندن شاخ میں سولہ ہزار ملازمین کام کرتے ہیں۔ اب یہ بینک اپنے کاروبار کے ایک حصے کو برطانیہ سے کہیں اور منتقل کرنے کے بارے میں سوچ رہا ہے۔ اس بینک کے سربراہ جیمی ڈائمن نے ریفرنڈم سے پہلے ہی کہہ دیا تھا کہ ایک سے لے کر چار ہزار تک آسامیاں کہیں اور منتقل کی جا سکتی ہیں۔

کریڈٹ کارڈ کی سہولت فراہم کرنے والے اس ادارے کے پاس برطانیہ میں اپنی سینکڑوں ملازمتیں ختم کرنے کے سوا غالباً کوئی چارہ ہی نہیں ہے۔ یورپی یونین کی شرائط میں سے ایک یہ بھی ہے کہ ایسے کسی ادارے کا ڈیٹا یورپی یونین کے کسی رکن ملک کے اندر پڑا ہونا چاہیے۔ اس کا مطلب یہ ہے کہ لندن میں اس ادارے کے ڈیٹا سینٹر کو بند کرنا پڑے گا۔

اس امریکی کار ساز ادارے کے لیے برطانیہ یورپ میں ایک ’کلیدی منڈی‘ کی حیثیت رکھتا ہے اور ادارے نے اس بات کا بار بار اظہار بھی کیا ہے۔ ڈیگنہیم میں واقع فورڈ کا کارخانہ جرمن پیداواری مراکز کو انجن اور دیگر پُرزہ جات بھی فراہم کرتا ہے۔ بریگزٹ ریفرنڈم کے بعد اس ادارے کی جانب سے کہا گیا کہ یہ ادارہ ایسے تمام ضروری اقدامات کرے گا، جن سے اس کی مقابلہ بازی کی صلاحیت کو برقرار رکھا جا سکتا ہو۔

لیکن ایسا نہیں ہے کہ سبھی ادارے ہی مایوس ہیں۔ جیگوار لینڈ رووَر کے اسٹریٹیجی کے شعبے کے سربراہ ایڈریان ہال مارک نے کہا، ’’ہم برطانوی ہیں اور برطانیہ کا ساتھ دیں گے۔‘‘ ہال مارک نے یقین دلایا کہ کاروبار معمول کے مطابق جاری ہے۔ شاید وہ بھی یہ بات جانتے ہیں کہ کم از کم اگلے دو سال تک برطانیہ بدستور یورپی یونین کا ہر لحاظ سے مکمل رکن رہے گا۔

عالمی سطح پرموسم میں پائے جانے والے عدم استحکام نے موسم سرما کو شدید کر دیا۔ فضائی آلودگی کے خدشات اور اندیشوں کے ساتھ اقوام عالم سن 2016 میں داخل ہوئیں۔ ڈوئچے ویلے نے رپورٹ کیا کہ موسم میں افراتفری یقینی طور پر موسمیاتی تبدیلیوں کا نتیجہ ہے۔

سال کے سب سے چھوٹے مہینے میں بھی بہتر انداز میں سانس لینے کی مہلت دستیاب نہیں ہوئی۔ فضائی آلودگی کی صورت حال جرمنی سے چین اور پھر بھارت تک پائی گئی۔اس فضائی آلودگی کی وجہ سے قبل از وقت موت اور صحت کے گھمبیر معاملات میں اضافہ دیکھا گیا۔

جاپانی جوہری پلانٹ فوکوشیما کے زلزلے اور پھر سونامی کے نتیجے میں تباہ ہونے کے پانچ برس مکمل ہو گئے۔ جرمنی اپنے جوہری پاور سیکٹر سے بتدریج باہر نکلتے ہوئے متبادل انرجی پر انحصار کی پالیسی کو آگے بڑھانے میں مصروف رہا۔ جرمنی میں ابھی بھی ایک سو کے قریب جوہری ری ایکٹرز چالو ہیں۔

سن 2016 کے مہینے اپریل میں شمالی ڈاکوٹا کی چٹان سیوکس کے باسیوں نے دریائے میسوری کے تحفظ کے لیے صدائے احتجاج بلند کی۔ اس احتجاج نے رواں برس کے نویں مہینے ستمبر تک زور پکڑ لیا اور عالمی سطح پر بھی اِسے حمایت حاصل ہو گئی۔ اوباما انتظامیہ نے پائپ لائن کی تعمیر کو روک دی۔ اس طرح مقامی امریکیوں کی تحریک نے ایک بڑی کامیابی حاصل کی لیکن ابھی بھی یہ پلان معطل ہے، ختم نہیں کیا گیا۔

مسلسل انتباہی پیغامات کے باوجود جب احتیاطی عمل شروع نہ ہوا تو آسٹریلیائی ریاست کوئنزلینڈ کے قریب زیرسمندر کورال چٹانوں کے ایک وسیع حصے میں ٹوٹ پھوٹ کا عمل شروع ہو گیا۔ آسٹریلوی کورال چٹانوں کو زیرسمندر ایک عجوبے سے تعبیر کیا جاتا ہے۔ آسٹریلیا سمیت دنیا بھر کی کورال چٹانوں میں پیدا ہونے والی دراڑوں اور شکست و ریخت کو ماحولیاتی تبدیلیوں اور ال نینو کا منفی اثر قرار دیا گیا۔

موسم سرما کی طرح کئی ملکوں کو شدید گرمی کا سامنا کرنا پڑا۔ ماحولیاتی تبدیلیوں کا یہ ایک اور شاخسانہ قرار دیا گیا۔ زیادہ درجہٴ حرارت سے مختلف جنگلاتی علاقوں میں آگ لگنے کے واقعات سامنے آئے۔ کئی ممالک میں پیدا ہونے والی خشک سالی سے ہزاروں انسان متاثر ہوئے۔ کچھ علاقوں میں شدید بارشیں سیلاب کا سبب بنی اور بےشمار انسان ہلاک ہوئے۔ یہ حیران کن نہیں کہ سن 2016 تاریخ کا گرم ترین سال قرار دیا گیا۔

مختلف ریفرنڈمز کے حیران کُن نتائج نے یورپی ماحولیاتی تحفظ اور ماہی گیری کی پالیسوں کو شدید انداز میں متاثر کیا۔ بریگزٹ کے بعد نئی برطانوی وزیراعظم نے اعلان کیا کہ وہ برطانوی حکومت کا محکمہ برائے توانائی اور ماحولیاتی تبدیلی کو بند کر رہی ہیں۔

اولمپک کھیلوں کے انعقاد کے موقع پر ماحولیاتی آلودگی کا معاملہ بھی زیر غور رہا۔ برازیل کے خلیج گوانابارا کو زہریلے اور کیمیاوی فضلے کا سامنا رہا۔ یہی خلیج گوانابارا اولمپک گیمز کے کشتی رانی کے مقابلوں کا مقام بھی تھا۔ اولمپک گیمز ایک موقع تھا کہ اِس خلیج کو آلودگی سے پاک کر دیا جائے لیکن یہ موقع گنوا دیا گیا۔

ماحولیاتی تبدیلیوں کی شدت دیکھتے ہوئے مختلف ملکوں نے پیرس کی کلائمیٹ ڈیل کی توثیق کر دی۔ توثیق کرنے والوں میں میں چین اور امریکا بھی شامل تھے۔ ان دونوں بڑے ملکوں کی دیکھا دیکھی درجنوں دوسرے ملک بھی توثیق کے عمل میں شریک ہو گئے۔

جنوبی افریقی شہر جوہانس برگ میں ناپید ہونے والی نباتات و حیوانات کی بین الاقوامی تجارت کو روکنے کے لیے ایک کنونش کا انعقاد کیا گیا۔ ان ناپید ہونے والی جانوروں میں ہاتھی، گینڈے اور پینگولین خاص طور پر نمایاں ہیں کیونکہ اگر جلد حفاظتی اقدامات نہ کیے گئے تو یہ زمین پر سے نابود ہو جائیں گے۔

امریکا کے صدارتی الیکشن میں ڈونلڈ ٹرمپ نے حیران کن کامیابی حاصل کی۔ ٹرمپ اپنی انتخابی مہم میں کئی مرتبہ کہہ چکے ہیں کہ وہ صدر منتخب ہونے کے بعد پیرس کلائمیٹ ڈیل کی توثیق پر نظرثانی کریں گے۔ ان اعلانات سے ماحولیات کے لیے کام کرنے والوں میں تشویش کی لہر پیدا ہو چکی ہے۔

سن 2016 محفوظ کی گئی تاریخ میں گرم ترین سال کے طور پر یاد رکھا جائے گا۔ اس برس کے دوران عالمی سطح پر اوسطاً ایک درجہ سینٹی گریڈ کا اضافہ ہوا ہے۔ اب دیکھنا یہ ہے کہ کیا 2017 ماحولیات کی بہتری کے لیے عالمی کاوشوں کا سال ہو سکتا ہے یا نہیں۔