ملکہ الزبتھ دوئم کی پیدائش 21 اپریل 1926ء کو ہوئی تھی لیکن سرکاری تقریبات عام طور پر جون کے دوسرے ہفتے تک نہیں ہوتی تھیں۔ یہ ایک روایت ہے، جو 1748ء میں کنگ جارج دوئم نے شروع کی تھی۔ جارج نومبر میں پیدا ہوئے تھے اور چونکہ یہ موسم عوامی تقریبات کے لیے اچھا نہیں تھا، اس لیے انہوں نے سال کے بہتر وقت پر دوسری سالگرہ منانے کا فیصلہ کیا۔

یہ ان بچوں کے لیے پرکشش بات ہو گی، جو سارا دن کھیلنے کے لیے گھر پر رہنا پسند کرتے ہیں لیکن ملکہ کے پاس پرائیویٹ ٹیوٹرز تھے، جو انہیں آئینی تاریخ، قانون اور فرانسیسی زبان سکھاتے تھے۔ تاہم وہ کبھی باقاعدہ کسی اسکول نہیں گئی تھیں۔

پرنس فلپ، ڈیوک آف ایڈنبرا، ملکہ الزبتھ دوئم کے تیسرے کزن تھے۔ یہ دونوں ملکہ وکٹوریہ کے پڑپوتے تھے۔ کہا جاتا ہے کہ الزبتھ تیرہ برس کی تھیں، جب وہ پرنس فلپ کو پسند کرنے لگیں اور دونوں نے بالآخر نومبر1947ء میں شادی کی۔ دوسری عالمی جنگ کے بعد ملکہ نے ملنے والے راشن کوپن محفوظ رکھے اور پھر انہیں بیچ کر اپنا عروسی لباس خریدا۔

شاہی خاندان کی طرف سے کئی آرڈر ملنے کے بعد نارمن ہارٹنل (1901-1979) باقاعدہ طور پر شاہی خاندان کے ڈیزائنر بن گئے۔ انہوں نے ہی شہزادی الزبتھ کی شادی کا مشہور زمانہ گاؤن اور تاج پوشی کے لیے لباس تیار کیا تھا۔ ’ووگ یو کے‘ کے مطابق ہارٹنل نے لباس کے نو ورژن بنائے اور ملکہ نے بالآخر ان میں سے ایک کا انتخاب کیا، جس پر برطانوی تسلط میں رہنے والے ہر ملک کے لیے ایک پھول کا نشان تھا۔

تاج میں جڑا کوہ نور نامی ہیرا بہت سے بھارتیوں کے لیے ایک جذباتی معاملہ ہے۔ ان کا دعویٰ ہے کہ یہ ہیرا برطانوی استعمار نے پنجاب کے حکمران سے چرایا تھا۔ 108 قیراط کا یہ ہیرا ملکہ الزبتھ دوئم کے تاج کا ایک حصہ ہے اور اسے ٹاور آف لندن میں نمائش کے لیے رکھا گیا ہے۔

الزبتھ اپنے والد کنگ جارج ششم کی وفات کے بعد چھ فروری 1952ء کو ملکہ بنیں۔ الزبتھ نے اپنی پردادی ملکہ وکٹوریہ سے بھی زیادہ 69 سال حکومت کی۔ ملکہ وکٹوریہ نے 1837 سے 1901ء تک 63 سال تک شاہی تخت سنبھالا تھا۔

برطانوی شاہی خاندان کی سرکاری ویب سائٹ کے مطابق، ’’چونکہ ہر شہری کو برطانوی پاسپورٹ محترمہ کے نام پر جاری کیا جاتا ہے، اس لیے ملکہ کے لیے پاسپورٹ رکھنا غیر ضروری ہے۔‘‘ تاہم دیگر تمام شاہی ممبران بشمول ڈیوک آف ایڈنبرا اور پرنس آف ویلز کے پاس پاسپورٹس ہیں۔ وہ برطانیہ میں واحد شخص تھیں، جنہیں ڈرائیونگ لائسنس کی ضرورت نہیں تھی۔

فوربز میگزینن نے ملکہ کی مجموعی دولت کا تخمینہ 350 ملین پاؤنڈ لگایا تھا۔ یہ تخمینہ ان کی سرمایہ کاری، زیورات اور دو قلعوں مد نظر رکھتے ہوئے لگایا گیا ہے۔ سنڈے ٹائمز نے برطانیہ کے ایک ہزار امیر ترین افراد کی فہرست جاری کی تھی، جس میں الزبتھ دوئم 372 ویں نمبر پر تھیں۔

یو کے در حقیقت مملکت متحدہ برطانیہ عظمی و شمالی آئرلینڈ، یا ’یونائیٹڈ کنگڈم آف گریٹ بریٹن اینڈ ناردرن آئرلینڈ‘ کے مخفف کے طور پر استعمال کیا جاتا ہے۔ یعنی یو کے چار ممالک انگلینڈ، سکاٹ لینڈ، شمالی آئرلینڈ اور ویلز کے سیاسی اتحاد کا نام ہے۔

جزائر برطانیہ میں دو بڑے اور سینکڑوں چھوٹے چھوٹے جزائر ہیں۔ سب سے بڑے جزیرے کو برطانیہ عظمی کہا جاتا ہے، جو کہ ایک جغرافیائی اصطلاح ہے۔ اس میں انگلینڈ، سکاٹ لینڈ اور ویلز شامل ہیں۔ انگلینڈ کا دارالحکومت لندن ہے، شمالی آئرلینڈ کا بیلفاسٹ، سکاٹ لینڈ کا ایڈنبرا اور کارڈف ویلز کا دارالحکومت ہے۔

اردو زبان میں برطانیہ کا لفظ عام طور پر یو کے لیے استعمال کیا جاتا ہے۔ برطانیہ رومن لفظ بریتانیا سے نکلا ہے اور اس سے مراد انگلینڈ اور ویلز ہیں، تاہم اب اس لفظ کو ان دنوں ممالک کے لیے کم ہی استعمال کیا جاتا ہے۔ زیر نظر تصور انگلینڈ اور ویلز کے مابین کھیلے گئے فٹبال کے ایک میچ کی ہے۔

اکثر انگلینڈ کو برطانیہ (یو کے) کے متبادل کے طور پر استعمال کر دیا جاتا ہے، جو غلط ہے۔ اس کی وجہ شاید یہ ہے کہ انگلینڈ جزائر برطانیہ کا سب سے بڑا ملک ہے۔ یا پھر اس لیے کہ انگلینڈ اور یو کے کا دارالحکومت لندن ہی ہے۔

جزائر برطانیہ میں دوسرا بڑا جزیرہ آئرلینڈ ہے، جہاں جمہوریہ آئر لینڈ اور شمالی آئرلینڈ واقع ہیں ان میں سے شمالی آئرلینڈ برطانیہ کا حصہ ہے۔

انگریزی یوں تو جزائر برطانیہ میں سبھی کی زبان ہے لیکن سبھی کے لہجوں میں بہت فرق بھی ہے اور وہ اکثر ایک دوسرے کے بارے میں لطیفے بھی زبان کے فرق کی بنیاد پر بناتے ہیں۔

سکاٹ لینڈ کے لوگ اپنی دنیا بھر میں مشہور اسکاچ پر فخر کرتے ہیں اور بیگ پائپر کی موسیقی بھی سکاٹ لینڈ ہی کی پہچان ہے۔ آئرلینڈ کی وجہ شہرت آئرش وہسکی اور بیئر ہے جب کہ انگلینڈ کے ’فش اینڈ چپس‘ مہشور ہیں۔

یو کے یا برطانیہ کے سیاسی اتحاد میں شامل ممالک کے باہمی اختلافات بھی ہیں۔ بریگزٹ کے حوالے سے ریفرنڈم میں سکاٹ لینڈ کے شہری یورپی یونین میں شامل رہنے کے حامی دکھائی دیے تھے اور اب بھی ان کا کہنا ہے کہ بریگزٹ کی صورت میں وہ برطانیہ سے علیحدگی اختیار کر سکتے ہیں۔

فی الوقت جمہوریہ آئر لینڈ اور برطانیہ، دونوں ہی یورپی یونین کا حصہ ہیں۔ بریگزٹ کے بعد تجارت کے معاملات طے نہ ہونے کی صورت میں سب سے زیادہ مسائل شمالی آئرلینڈ اور جمہوریہ آئرلینڈ کی سرحد پر پیدا ہوں گے۔ برطانیہ کی خواہش ہے کہ وہاں سرحدی چوکیاں نہ بنیں اور آزادانہ نقل و حرکت جاری رہے۔

برطانیہ کی یورپی یونین سے علیحدگی سے متعلق ریفرنڈم میں بریگزٹ کے حامی کامیاب رہے تھے۔ ان لوگوں کے مطابق یونین میں شمولیت کے باعث مہاجرت بڑھی اور معاشی مسائل میں اضافہ ہوا۔ ریفرنڈم کے بعد سے جاری سیاسی بحران اور یورپی یونین کے ساتھ کوئی ڈیل طے نہ ہونے کے باعث ابھی تک یہ علیحدگی نہیں ہو پائی اور اب نئی حتمی تاریخ اکتیس اکتوبر ہے۔