موبائل فون سروسز فراہم کرنے والے دنیا کے اس دوسرے بڑے ادارے کی جانب سے کہا جا رہا ہے کہ برطانیہ کو الوداع کہہ دینا خارج از امکان نہیں ہے اور ممکنہ طور پر یہ ادارہ اپنے ہیڈکوارٹرز جرمن شہر ڈسلڈورف میں منتقل کر دے گا۔ جرمن علاقے رائن لینڈ میں ووڈافون کے نئے کیمپس میں پانچ ہزار ملازمین کی گنجائش ہے۔ پھر یہ بھی ہے کہ جرمنی اس ادارے کی سب سے بڑی منڈی بھی ہے۔

پروازوں کی سہولت فراہم کرنے والے اس سب سے بڑے یورپی ادارے کا مرکزی دفتر ویسے تو آئر لینڈ میں ہے لیکن اب تک اس کے زیادہ تر طیارے برطانوی سرزمین پر ہی موجود رہے ہیں تاہم اب یہ صورتِ حال بدلنے والی ہے۔ راین ایئر نے اعلان کیا ہے کہ برطانیہ میں کوئی نیا طیارہ نہیں رکھا جائے گا اور نہ ہی برطانوی ایئر پورٹس سے راین ایئر کے کوئی نئے رُوٹ متعارف کرائے جائیں گے۔

سستی پروازوں کی سہولت فراہم کرنے والی اس دوسری بڑی یورپی کمپنی کا شمار اُن کاروباری اداروں میں ہوتا ہے، جو یورپ میں آج کل سب سے زیادہ منافع میں جا رہے ہیں۔ سرِد ست اس ادارے کا مرکزی دفتر لندن میں ہے لیکن کب تک؟ رواں ہفتے اس ادارے کی مجلس عاملہ کی خاتون سربراہ کیرولین میکال نے بڑے ٹھنڈے انداز میں کہا، ’دیکھیں کیا ہوتا ہے؟‘

رچرڈ برینسن برطانیہ کے مشہور ترین آجرین میں سے ایک ہیں۔ بریگزٹ ریفرنڈم کے نتائج پر اُن کا تبصرہ تھا: ’’ہم ایک تباہی کی جانب بڑھ رہے ہیں۔‘‘ تئیس جون کے ریفرنڈم کے بعد بازار حصص میں اُن کی کمپنی ورجن کے شیئرز کی قیمتوں میں ایک تہائی کمی ریکارڈ کی گئی ہے۔ برینسن کا مطالبہ ہے کہ یہی ریفرنڈم ایک بار پھر منعقد کرایا جائے۔

اس سب سے بڑے امریکی بینک کی لندن شاخ میں سولہ ہزار ملازمین کام کرتے ہیں۔ اب یہ بینک اپنے کاروبار کے ایک حصے کو برطانیہ سے کہیں اور منتقل کرنے کے بارے میں سوچ رہا ہے۔ اس بینک کے سربراہ جیمی ڈائمن نے ریفرنڈم سے پہلے ہی کہہ دیا تھا کہ ایک سے لے کر چار ہزار تک آسامیاں کہیں اور منتقل کی جا سکتی ہیں۔

کریڈٹ کارڈ کی سہولت فراہم کرنے والے اس ادارے کے پاس برطانیہ میں اپنی سینکڑوں ملازمتیں ختم کرنے کے سوا غالباً کوئی چارہ ہی نہیں ہے۔ یورپی یونین کی شرائط میں سے ایک یہ بھی ہے کہ ایسے کسی ادارے کا ڈیٹا یورپی یونین کے کسی رکن ملک کے اندر پڑا ہونا چاہیے۔ اس کا مطلب یہ ہے کہ لندن میں اس ادارے کے ڈیٹا سینٹر کو بند کرنا پڑے گا۔

اس امریکی کار ساز ادارے کے لیے برطانیہ یورپ میں ایک ’کلیدی منڈی‘ کی حیثیت رکھتا ہے اور ادارے نے اس بات کا بار بار اظہار بھی کیا ہے۔ ڈیگنہیم میں واقع فورڈ کا کارخانہ جرمن پیداواری مراکز کو انجن اور دیگر پُرزہ جات بھی فراہم کرتا ہے۔ بریگزٹ ریفرنڈم کے بعد اس ادارے کی جانب سے کہا گیا کہ یہ ادارہ ایسے تمام ضروری اقدامات کرے گا، جن سے اس کی مقابلہ بازی کی صلاحیت کو برقرار رکھا جا سکتا ہو۔

لیکن ایسا نہیں ہے کہ سبھی ادارے ہی مایوس ہیں۔ جیگوار لینڈ رووَر کے اسٹریٹیجی کے شعبے کے سربراہ ایڈریان ہال مارک نے کہا، ’’ہم برطانوی ہیں اور برطانیہ کا ساتھ دیں گے۔‘‘ ہال مارک نے یقین دلایا کہ کاروبار معمول کے مطابق جاری ہے۔ شاید وہ بھی یہ بات جانتے ہیں کہ کم از کم اگلے دو سال تک برطانیہ بدستور یورپی یونین کا ہر لحاظ سے مکمل رکن رہے گا۔

بورس جانسن رواں برس بریگزٹ کے معاملے کو حتمی شکل دینا چاہتے ہیں۔ ان کی خواہش ہے کہ برطانیہ اکتیس جنوری کو یورپی یونین کو خیرباد کہہ دے۔ مستقبل کے تعلقات پر فریقین رواں برس کے دوران مذاکرات جاری رکھنا چاہتے ہیں۔ اس مذاکراتی دور میں برطانیہ پر یورپی یونین کے کسٹمز قوانین کا اطلاق رہے گا۔

ہانگ کانگ میں گزشتہ برس جون سے مظاہرے جاری ہیں۔ ہزارہا مظاہرین احتجاجی سلسلے میں انتظامی سربراہ کیری لام کے مستعفی ہونے کا مطالبہ کرتے چلے آ رہے ہیں۔ گزشتہ برس ریاستی اسمبلی کے انتخابات میں اُن کے حامی امیدواروں کو بڑی شکست کا سامنا رہا۔ ابھی تک چین کی حکومت خاتون چیف ایگزیکٹیو کی حمایت جاری رکھے ہوئے ہے۔ سن 2020 اُن کی انتظامی صلاحیتوں کے امتحان کا سال ہو سکتا ہے۔

رواں برس تین نومبر کو امریکا میں صدارتی انتخابات ہوں گے۔ امریکی ووٹرز نئے صدر کا انتخاب کریں گے۔ ڈونلڈ ٹرمپ کے حوالے سے ایک عام اندازہ ہے کہ وہ دوسری مدت صدارت کا الیکشن جیت سکتے ہیں۔

ڈینیئل کریگ کی بطور جیمز بونڈ آخری فلم رواں برس دو اپریل کو جرمنی سمیت کئی ممالک میں عام نمائش کے لیے پیش کی جائے گی۔ فلم کا نام ’نو ٹائم ٹو ڈائی‘ ہے۔ اکاون برس کے کریگ پہلے ہی کہہ چکے ہیں کہ وہ اس فلم کے بعد جیمز بونڈ کے کردار کو خیرباد کہہ دیں گے۔ ایک نئے بونڈ کی تلاش کا سلسلہ ابھی سے شروع کر دیا گیا ہے۔

سن 2020 نِیکے واگنر کے لیے ایک اہم اور خاص سال ہے۔ وہ انٹرنیشنل بیتھوفِن فیسٹ کی سربراہی کو رواں برس خیرباد کہہ دیں گی۔ یہ ایک حسنِ اتفاق ہے کہ واگنر کا الوداعی سال اس عظیم موسیقار کی ڈھائی سوویں سالگرہ کا سال بھی ہے۔ بون میں پیدا ہونے والے بیتھوفِن کی سالگرہ کی تقریبات ساری دنیا میں منائی جائیں گی۔

افریقی ملک یوگنڈا کے سیاستدان بوبی وائن کا ٹریڈ مارک سرخ رنگ کی فوجی ٹوپی ہے۔ وہ موسیقار اور اداکار رہ چکے ہیں۔ اب سیاست میں سرگرم ہیں۔ وہ 2021ء میں ہونے والے صدارتی الیکشن کے اہم امیدوار بھی ہیں۔ وہ یوگنڈدا میں سیاسی استحصال کے شدید مخالف ہیں۔ انہیں موجودہ صدر یوویری موسیوینی کے جبر کا بھی سامنا ہے۔ وہ کئی بار جیل جا چکے ہیں۔

اٹھارہ سالہ بِلی آئیلِش گلوکارہ ہونے کے ساتھ ساتھ گیت نگار بھی ہیں۔ سن 2019 میں پوپ موسیقی کے منظر پر وہ ایک کامیاب گلوکارہ کے طور پر جلوہ گر ہوئیں۔ وہ کئی ایوارڈز جیت چکی ہیں۔ غالب امکان ہے کہ 26 جنوری کو گریمی ایوارڈز کی تقریب میں بھی وہ اپنی کامیابیوں کا سلسلہ جاری رکھیں گی۔ رواں برس کے گریمی ایوارڈ کی چار گیٹگریز میں نامزدگی حاصل کرنے والی وہ کم عمر ترین فنکارہ ہیں۔

پہلی مرتبہ فٹ بال کے کسی بڑے ٹورنامنٹ کی میزبانی ایک یا دو کی بجائے بہت سے ممالک کو تفویض کی گئی ہے۔ رواں برس یہ ٹورنامنٹ ایک درجن ممالک میں کھیلا جائے گا۔ 24 یورپی ٹیمیں اس برس اس ٹورنامنٹ میں شریک ہوں گی۔ یورپی فٹ بال کپ 12 جون سے 12 جولائی تک کھیلا جائے گا۔ اس کی میزبانی یورپی فٹبال ایسوسی ایشن کر رہی ہے۔ اس بین الاقوامی تنظیم کی صدارت سلوینیا سے تعلق رکھنے والے الیگزانڈر چوفرین کے پاس ہے۔

کس میں حوصلہ ہے کہ وہ سن 2020 کے دوران ناروے سے تعلق رکھنے والی شطرنج کے عالمی چیمپیئن ماگونس کارلسن کا مقابلہ کرے۔ 29 برس کے گرینڈ ماسٹر کو روسی لیجنڈری کھلاڑی گیری کیسپیروف کی کئی برسوں سے قائم عالمی حیثیت پر بھی سبقت حاصل ہو چکی ہے۔

تھومس ژینسن (دائیں) اور ہولگار ہُوبنر (بائیں) کا نام موسیقی کی دنیا میں ایک معتبر حوالہ ہے۔ یہ اُن کے لیے اہم اور تاریخی سال ہے۔ وہ رواں برس اپنے متعارف کردہ واکن اوپن ایئر فیسٹول کی کی اکتیسویں سالگرہ منائیں گے۔ 30 برس قبل اولین فیسٹول میں 85 ہزار شائقین نے شرکت کی تھی۔ ان کا فیسٹول جرمن ریاست شلیسوِگ ہولشٹائن کے ایک قصبے واکن میں ہر سال منعقد کیا جاتا ہے۔