رومانیہ کی ہدایت کارہ ادینا پینٹیلی کی متنازعہ خیال کی جانے والی فلم ’ٹچ می ناٹ‘ کو گولڈن بیئر سے نوازا گیا۔ برلینالے فلم فیسٹول کا اعلیٰ ترین ایوارڈ سنہرا ریچھ یا گولڈن بیئر کہلاتا ہے۔ اس فلم کا موضوع جنسی استحصال ہے۔

برلینالے کی ایک اور اہم کیٹیگری گرینڈ جیوری پرائز ہے اور سن 2018 میں یہ پرائز پولینڈ کی خاتون ہدایتکار مالگوروساٹا زموواسکا کی فلم ’مَگ‘ کو دیا گیا۔

برلینالے فلم فیسٹول میں بہترین اداکارہ کا ایوارڈ سلور بیئر جیتنے والی فلم Isle of Dogs کی اداکارہ انا برُون کو دیا گیا۔ انا برون کا تعلق لاطینی امریکی ملک پیراگوئے سے ہے۔

فرانسیسی اداکار اینتونی باژوں کو منشیات کی لت میں مبتلا شخص کی کردار نگاری پر بہترین اداکار کا ایوارڈ دیا گیا۔ انہوں نے یہ کردار فلم ’ دی پریئر‘ میں ادا کیا۔

امریکی فلم ساز ویس اینڈرسن کی فلم ’کتوں کا جزیرہ یا Isle of Dogs کو دوسری بہترین فلم کا اعزاز دیا گیا۔ اینڈرسن کو بہترین ہدایتکار قرار دیا گیا اور اس باعث وہ سلور بیئر کے حقدار ٹھہرے۔ یہ اینیمیٹڈ فلم ہے اور اس میں سیاسی موضوع کو اپنایا گیا ہے۔

میکسیکو کے ہدایتکار الونسو روئسپلازیوس اور شریک مصنف مانویل الکالا نے فلم ’میوزیم‘ کے اسکرین پلے لکھا۔ برلینالے جیوری کے اراکین کو فلم میوزیم کے اسکرین پلے نے بہت زیادہ متاثر کیا۔ برلینالے میں بہترین فلم کے لیے گولڈن بیئر اور بقیہ تمام کیٹگریز کے لیے سلور بیئر دیا جاتا ہے۔

اڑسھٹویں برلینالے کے مقابلے میں پیش کردہ روسی فلم ڈوولاٹوف کے لیے جو کاسٹیوم ڈیزائن کیے گئے، وہ سب سے بہترین قرار پائے۔ یہ کاسٹیوم ایلینا اوکوپنایا نے تخلیق کیے۔ اس فلم کی کہانی سابقہ سوویت یونین کے منحرف سیرگئی ڈوولاٹوف کی شخصیت کے گرد گھومتی ہے۔ فلم میں کمیونسٹ دور کے جبر کی عکاسی بھی کی گئی ہے۔

برلینالے میں یورپی ثقافت اور مسیحیت کے فروغ کے حوالے سے بھی ایک ایوارڈ خاص طور پر دیا جاتا ہے۔ اس کو Ecumenical Jury's Prize کہا جاتا ہے۔ سن 2018 میں یہ ایوارڈ جرمن فلم ’ 'In the Aisles ‘ کو دیا گیا۔ یہ سابقہ کمیونسٹ دور کے ملک مشرقی جرمنی کے ماحول پر مبنی ہے۔

رواں برس امریکی ڈائریکٹر ویس اینڈرسن کی پہلی اینیمیٹڈ فلم 'Isle of Dogs' سے برلینالے کا باضابطہ آغاز کیا گیا۔

اس بڑے فلمی میلے میں جو ہدایت کار اپنی فلموں کے ذریعے شریک ہیں ان میں امریکا کے ویس انڈرسن سمیت معروف ہدایتکار Gus van Sant بھی ہیں جو اپنی فلم کی اس میلے میں ٹاپ پرائز کے لیے پُر عزم ہیں۔

اس برس جرمنی کے اشتراک سے دس فلمیں مقابلے میں شریک ہیں۔ ان میں معروف جرمن فلمساز کرسٹیان فیٹزولڈ، فلپ گریونگ اور اینا شیگرز شامل ہیں۔

اس برس فیسٹیول میں دنیا بھر سے غیر معمولی کہانیوں پر مبنی فلمیں برلن فلم فیسٹول میں شامل ہیں۔ رواں برس نہ صرف جرمنی، امریکا اور یورپی ممالک بلکہ لاطینی امریکا اور ایران کی جانب سے بھی فلم پیش کی جا رہی ہیں۔

اس برس بین الاقوامی جیوری ممبر کی سربراہی جرمن ڈائریکٹر ٹام ٹیوک ویر کر رہے ہیں۔ ان کے ساتھ جیوری میں شامل فرنچ اداکارہ سیسیلے ڈے فرانس، امریکی پرڈیوسر اڈیل رومانسکی اور جاپانی کمپوزر ہیں۔

گیارہ روز تک جاری رہنے والے اس فلم فیسٹیول میں  جنسی استحصال کے حوالے سے فلمی صنعت میں ’طاقت و مرتبے کے ناجائز استعمال‘ کا موضوع متعدد مباحثوں کا عنوان رہے گا۔

اس برس میلے کے ڈریس کوڈ کے لیے سیاہ رنگ کا انتخاب کیا گیا۔ اور اکثر فلمی ستارے دلکش سیاہ ملبوسات میں نظر آرہے ہیں۔

عام طور پر اس سیکشن کے لیے دنیا بھر سے ایسے ہدایت کاروں کا انتخاب کیا جاتا ہے جنہیں عموما جرمنی میں نہیں پہچانا جاتا۔ ان میں رواں برس تھائی لینڈ سے تعلق رکھنے والے ڈائریکٹر شامل ہیں جو اس برس اپنی پانچویں فلم کی نمائش کریں گے۔

اس برس اس سیکشن میں کئی فلمیں دیکھائی جا رہی ہیں ۔ ان میں برازیلی ہم جنس پرست آئیکون لواننا میونس پر بنائی جانے والی فلم شائقین کے لیےخصوصی دلچسپی کی حامل ہو سکتی ہے۔

برلینالے ہمیشہ سے نوجوان اور نئے فلمسازوں کی ملاقات کا ایک زریعہ بنا ہے۔ اس برس بھی 81 مملک سے 250 افراد کو مدعو کیا گیا ہے۔