بشار الاسد کی موجودگی میں شام میں امن ممکن نہیں، الحریری
15 فروری 2019![Syrien Präsident Assad - Rede vor Diplomaten in Damaskus](https://static.dw.com/image/40166200_800.webp)
شامی اپوزیشن کی جانب سے یہ کہا گیا ہے کہ انہیں یقین ہےکہ شام میں دہشتگردی اس وقت تک ختم نہیں ہو سکتی، جب تک صدر بشار الاسد حکومت میں ہیں۔ شامی اپوزیشن کے رہنما ناصر الحریری کے خیال میں مسئلے کو جڑ سے حل کرنا چاہیے تب ہی مسائل پر قابو پایا جا سکتا ہے،’’صرف بیماری کی علامات جاننا ناکافی ہے۔ اس کا علاج بھی اتنا ہی ضروری ہے۔‘
ناصر الحریری نے مزید کہا کہ یہ تمام مسائل جبر، جرائم اور افراتفری اسد حکومت کا شاخسانہ ہے۔ یاد رہے کہ استنبول میں مقیم الحریری جلاوطن شامی باشندوں کے سربراہ ہیں۔ الحریری اور ان کے ساتھیوں کے ترکی کے ساتھ قریبی روابط ہیں اور ان کا بھی کرد جنگجو تنظیم ’وائی پی جے‘ کے حوالے سے وہی موقف ہے، جو انقرہ حکومت کا ہے۔ انقرہ حکومت شمالی شام میں سرگرم وائی پی جی کو دہشت گرد تنظیم قرار دیتی ہے۔
بشارالاسدکے مخالفین شامی بحران کے حل کے لیے مستقل سیاسی حل چاہتے ہیں۔ الحریری کے مطابق، ’’بغیر کسی نتیجے کے دہشت گرد تنظیم اسلامک اسٹیٹ کے خلاف استعمال کی جانے والی رقم ضائع ہو جائے گی۔‘‘
’ٹرمپ نے اسد کو قتل کرنے کا کہا‘ سچ کیا اور جھوٹ کیا؟
الحریری نے مزید یہ کہا کہ دہشت گرد تنظیم اسلامک اسٹیٹ کسی اور جگہ ابھر آئے گی۔ بحیثیت حزب اختلاف رہنما الحریری انہیں شام کی ممکنہ آئینی کمیٹی سے بہت کم ہی توقعات وابستہ ہیں۔ ان کا خیال میں اس سے کوئی سیاسی حل نہیں نکلے گا۔
روسی شہر سوچی میں حالیہ مذاکرات کے بعد اسد کے حامی روس اور ایران کے ساتھ ساتھ ترکی نے بھی اس کمیٹی کے قیام کی حمایت کی تھی۔ توقعات کے مطابق یہ کمیٹی اقوام متحدہ کے ضوابط کے مطابق کام کرے گی۔ لیکن ابھی تک اس حوالے سے کوئی حتمی فیصلہ نہیں کیا گیا۔