پاکستانی فوج کے تعلقات عامہ کے ادارے آئی ایس پی آر کے مطابق بلوچستان کے ضلعے پنجگور میں یہ حملہ اُس وقت ہوا جب سکیورٹی فورسز کا ایک گروپ معمول کی پیٹرولنگ یا گشت پر تھا۔ بلوچستان کے مرکزی شہر کوئٹہ میں زخمی ہونے والے ایک آفیسر کو ہسپتال پہنچا دیا گیا جہاں حملے کا شکار ہونے والے پانچ مزید زخمیوں کی حالت نازک بتائی جا رہی ہے۔ اس حملے سے قبل گزشتہ اتوار کو افغانستان سے نزدیک پاکستان کے شمال مغربی قبائلی علاقے میں بھی پاکستانی فوجی دستے اور عسکریت پسندوں کے مابین مسلح جھڑپوں میں چار سپاہی ہلاک ہوئے تھے جبکہ فوج کے دعوی کے مطابق چار عسکریت پسند جنگجو بھی مارے گئے تھے۔

مقامی ذرائع کے مطابق وزیر اعلیٰ بلوچستان جان کمال نے پنجگور سے نزدیک پاکستانی فوج کی پٹرولنگ ٹیم پر ہونے والے دہشت گردانہ حملے میں کی مذمت کی ہے۔

بلوچستان، جس کی سرحدیں دو ہمسائے ممالک افغانستان اور پاکستان سے ملتی ہیں، پاکستان کا سب سے زیادہ شورش زدہ صوبہ ہے۔ اس علاقے کو متعدد اور مختلف النوع قسم کے مسلح جہادی گروپوں کی طرف سے ہنگامہ آرائی اور بد امنی کے خطرات لاحق رہتے ہیں۔ بلوچستان کا شمار پاکستان کے انتہائی غیر مستحکم صوبے میں ہوتا ہے۔ اس صوبے کو جہادی گروپوں کی طرف سے  ہر وقت  کثیر الجہتی خطرات  کا سامنا رہتا ہے۔ سب سے زیادہ متحرک گروپ طالبان اور سنی فرقہ وارانہ عسکریت پسند گروپ ہے جو شیعہ مسلمانوں کو نشانہ بناتا رہتا ہے اور قوم پرست باغی مبینہ طور پر اپنے صوبے کی آزادی کے خواہاں ہیں جن کی آئے دن سکیورٹی فورسز کے ساتھ جھڑپیں ہوتی رہتی ہیں۔

 

حالیہ برسوں میں پاکستان میں تشدد میں نمایاں کمی آئی ہے۔ اس کی وجہ جب ملک کی فوج کی طرف سے انتہا پسند جنگجوؤں کے خلاف  سلسلہ وار آپریشنز بنے ہیں جس کا مقصد عسکریت پسندوں کو پسپا کرنا تھا۔ پاکستانی فوج کی طرف سے سرحدی علاقوں میں کی جانے والی متعدد فوجی کارروائیوں میں تاہم عسکریت پسندوں کے علاوہ فوجی بھی ہلاک ہوئے ہیں۔

یاد رہے کہ مئی کے مہینے میں بلوچستان کے شہر پنجگور ہی میں ضلع کیچ کے ایک علاقے بلیدہ میں عسکریت پسندوں کے ایک حملے میں پاکستانی فوج کا ایک میجر اور فرنٹیئر کور کے چھ اہلکار ہلاک ہوئے تھے۔ یہ اور ان جیسے دیگر واقعات سے اندازہ ہوتا ہے کہ سکیورٹی فورسز کی جانب سے عسکریت پسندی کے خاتمے کی کوششوں کے باوجود عسکریت پسند اب بھی کسی بھی وقت بے ترتیب حملے کرنے کے اہل ہیں۔

ک م / ع آ (ڈی پی اے، اے پی)